معرض سمير ريان فى طريق النصر بعد نادى المقاولين على اليمين هاتلاقى يفط كتير ليه
ده رقم تليفون محمد فوزى من المبيعات تقدر تكلمه و تسأل على العربية موجوده ولا لا قبل ما تروح
محمد فوزى 01000938491
تحياتى
عرض للطباعة
فى حد عمل اول صيانة ؟
لو حد عملها ياريت يقولنا عملها بعد كام كيلو
وايه افضل مركز من مراكز الصيانه لسكودا
لفه واحدة ينور زراير الكاسيت و التكييف و ای زراير ما عدا العدادات
لفه كمان يعنی الواطی أو سحب المفتاح للخارج يعنی نور الفوجات ، ساعتها العدادات تنور ضوء مبهر.
مع العلم ان مؤشر السرعه و مؤشر الrpm بينور مع الفرانی مع تكه واحدة يعنی.
عذرا للإطاله لكن الموضوع محير.
معلش فی حاجه كمان
لما تشد مفتاح النور شدة واحدة بينور الفوجات الاماميه
لما تشده كمان شده بينور فوجات خلفيه.
سؤال هوا نور العربيه عامل ايه علي الطريق
نورها باليل تحفة موضح الطريق
طيب الحمد لله علشان انا كنت قلقان من الموضوع دا علشان انا وأخد علي الزينون
سؤال ثاني في ناس علي جروب الفيس بتقول ان العربيه بتراجع جامد من ورا وبتعوم بعد ١٦٠ فبصراحة مش عارف الموضوع دا خوفني شويه وعايز اعرف رأي باقي الاعضاء لأني مازلت بفاضل بينها وبين ٥٠٨
تحياتي
انا مجربتش ال 508 بس ثبات الاوكتافيا مش حاسس باي مشكلة فية
الثبات ما شاء اللة
طيب والهبد والترزيع ونشفان العفشه علشان سمعت ناس بتشتكي من الموضوع ده
السلام عليكم الحمد لله ربنا اكرمنى بالفئة الاولى لية شوية ملاحظات هى العربيه لسة مكملتش 200 كم
1 -حاسس ان السحب فى الطلعة مش زى اليابانى لازم دوسة سنة زياده علي الدواسه
2- التكييف والعربية واقفة فى اشارة وطولت شويه بحس انه بيهدي شبه بيفصل
3- العربيه نازلة بكاسيت تاتش كنت عايز اعرف ازاى وحدة الرفع تتفعل انها تقفل الازار مرة واحدة لانى لازم افضل دايس على الريموت علشان يقفل للاخر
4-اشترى منين مخدع وهل ممكن يتفصل
الضمان و اول صيانة امتى
الفرامل لما تيجى ترفع رجلك من علي دواسة الفرامل اول ما تتحرك بتدي صوت تزييق من ناحية العجل
اسف علي الاطالة وشكرا مقدما
Sent from my GT-S5282 using Forum Runner
اولا الف الف مبروك علي العربيه وربنا يبارك لحضرتك فيها .
الطلعه في الأوكتافيا علي العموم بطيئه شويه وتحس انك لازم تسند سنه بنزين ومش زي اليباني والكوري خالص
الكاسيت التاتش الموجود في اول فئه بصراحع مش عارف هل هوا تفاعلي مع ال setting ولا عرض فقط للكاسيت وعامة انا كان عندي في ال A5 نفس الموضوع لازم أفضل دايس علي الريموت حتي الغلق ولا أعتقد في وجود فوارق بينهم في هذه الخاصيه .
اول صيانه اعتقد علي 7500 ك
صوت الفرامل بيبقي كل الأوتو كدة كتير بتلاقي صوت أثناء رفع رجلك من علي الفرامل
المخادع للأسف حضرتم اي حاجه هتشتريها هتضر تربطها بمسامير في كونسول الوسط لو معندكش مشكله شوف اربكوم عند سيتي ستارز يمكن تلاقي حاجو مناسبه ولو عايزه لسند السيد فقط ممكن تجيب مسند سفنج بيبقي مربع كبير ومغطي بطبقه قماس الوان تناسب جميع انواع الفرش ( حل رخيص ويؤدي الغرض بغض النظرعن شكله )
تحياتي
لازم تفضل دايس سواء بتقفل او تفتح والتكيف بيحتاج يبقي عالي شويه خصوصا في الجو الحر دا وهو شغال سواء واقف او ماشي مبيتاثرش
العفشه الخلفيه فعلا فيها نشفان شويه محسوس و كمان اللی مزوده هو الكاوتش الميشلان اللی نازل مع الفئة الاولی ناشف جدا و بيسمع و بيهبد عشان ضغطه عالی و لازم يتخف.
انا رحت من يومين بريدجستون و جبت 4 فردات كاوتش بوتنزا 205/55 R16 و خدتهم و رحت أرابكوم اللی عند ستی ستار و جبت جنت 16 سكودا أصلی تحفه و نفخت العجل نيتروجين.....و انا راجع فرق السماء و الارض فی الثبات و الرزع و الصوت هسسسسسسسسسسس.
و للعلم كمان مفيش عند أرابكوم أی حاجه لA7 خااااااااااااااالص..لسه منزلش ليها حاجه.
جبت شوية منظفات و خلاص.
المشكله اللی قابلتنی بجد هی فی drl اللی ببسموه ضوء النهار،اللمبه بتاعت ضوء النهار هی هی لمبة النور العالی و طبعا ملقتش منها المقاس فی الزينون......غيرت الواطی بس زينون عشان كان عادی
لا لا لا تعالي بقي وقولنا جبت الجنط بكام والكاوتش بكام وبعدين انت ركبت زينون عند ارابكوم نوعه ايه ولكام وهل معاه حاجه التكويد علشان ما يديش ايرور وبعدين الموضوع دا مش ممكن يطلعك من ضمان الكهرباء ولا ايه
وسؤال اخير ما دام حضرتك صرفت علي الكاوتش والجنوب وعلي تركيب زينون ليه محاولتش تجيب الفئه الثانيه مباشره
تحياتي ومبروك علي الكماليات وركب كمان سنسور بالمره
بص يا باشا انا جبت كاوتش بوتنزا ب 3270 و ركبت الجنط 16 ب 4500 و ركبت اللمبات nigh breaker أوزروم دی هالوجين بس الاضأه بيضاء زی الزينون بالضبط.
بالنسبه لموضوع الفئه الثانيه اساسا الجنط و الكاوتش مش هيعجبنی يعنی كده كده هغيره و الفرق فی السعر 24 الف جنيه و انا دفعت 8000 بس.
ربنا يبارك لحضراتكم جميعا ويحفظكم.
طيب هتعبكم معايا هو فى قايمة esc مش لاقى اوبشن يقفلة مفيش غير avilable &asr off ومكتوب فى الكتالوج esc الرياضى ده تقريبا اللى بيقفلة بس مش موجود فى القائمة بتاعت ال esc يبقى كده بيفضل شغال علطول
ايوة شغال على طول ال asr [ٍ الى بيتلغى
التكييف اداءه بسم الله ما شاء الله بيتحول لما قفلت ال recycle اول مرة اخد بالى منها
Sent from my GT-S5282 using Forum Runner
من غير ما تجنن أصبر شهر كمان و هتلاقی كل الاكسسوارات نزلت
انا عرفت من الناس اللی عند أرابكوم ان حاجتها لسه فی الطريق زی مثلا نواكل الزجاج الخارجی اللی موجوده فی الهای لاين و زی عتب الابواب و عتب الشنطه و زی مخدع الوسط و كمان الدواسات الاصليه و نواكل للهاند بريك و كده يعنی .
دا حتی الغطاء بتاع الريموت مش موجود لسه.
اما بالنسبة للنور فدی لمبات انا كنت مجربها قبل كده أسمها "night breaker osram" و دی هالوجين بس بتدی مدی و شكل الزينون تقريبا و مش محتاجه ای تعديل فی النظام و هتلاقيها عند أرابكوم.
غير كده مفيش حاجه ل A7 خاااااااالص
هل سحب العربية كويس ولا بطيئة علشان هى ١١٠ حصان . انا كان معى سيراتو ٢٠١٠ هل ها اشعر بفرق فى سحب و سرعة العربية . أرجوكم الإفادة
[QUOTE=Moratoz;3875717690]الاوكتافيا ليست ذات التسارع الجامد ولكن لو انت مش من هواه الشد والحرق هتبقي مرضيه جداً ولكن اقل م السيراتو[/QUOTE
QUOTE
اخي الفاضل انا لمدة تقريبا 5 سنين كان معايا سيراتو 2010.. رغم ان السيراتو بتعلن اظن 128 حصان و الاوكتافيا بتعلن 110...فعلا مفيش اي مقارنة بين الموتورين.. يمكن السيراتو احسن شوية في التحرك.من الثبات..لكن غير كدة الاوكتافيا تكتسح ....بالذات في التجميع علي السرعات العالية...اظن كدة يا اما السيراتو كانوا بيعلنوا gross hp يا اما سكودا خايفين من الحسد :)
[QUOTE=mostafa3000;3875718692] اولا انا عشقي الاول الاوكتافيا ثانيا لقد قمت بإمتلاك عدد 5 سيارات أوكتافيا اربعه منهم A4 واحده A5 وعلي مواضيع ومناقشات ومن مداخلات سابقه كثيره جداً جداً وجدال حسم سابقا فأن الاوكتافيا اقل من الكوري في السحب والسرعات القصوي
تحياتي
حد جاب كفر المفتاح
أنا جربت كفر مفتاح الفنتازيا بس مش هو
اية اخبار الاعضاء الكرام
الحمد لله
Sent from my GT-S5282 using Forum Runner