هل تفقد أعصابك اثناء القيادة بسبب تصرفات الاخرين في الشارع ؟؟

**mastr_n** · 18-10-2013 07:33 AM

انا عن نفسى مابحبش اشوف الغلط واسكت
وساعات بقول لنفسى احنا شعب همجى عايز شرطة مفترية ونظام قمعى للاسف

**أحمد جودة** · 20-10-2013 03:03 PM

- هل تفقد أعصابك اثناء القيادة بسبب تصرفات الاخرين في الشارع ؟؟
ج - أحياناً

- و ماهي المواقف التي تجعلك تتعصب ؟؟
(( من بتوع الميكروباص اللى بيرمي بوز العربية من اليمين للشمال منغير مايكلف خاطرة ويبص فى المرايا .... من بتوع التوكتوك اللى بيلزق فيك وانتا ماشي ع الطريق .... من بتاع التاكسي اللى بيرمي نفسة فجأة فوق الرصيف علشان يركب زبون او يقفل مدخل شارع ويوقف الدنيا وراة ))) طبعا لو هنفضل نعد مش هنخلص .

- و كيف تنعكس عصبيتك تلك علي التزامك بقواعد و أداب القيادة ؟؟
بقلب سواقة رياضية حرق ع الغيارات قرص ع العربية اطلع فجأة أقف فجأة واخر مازهق اشغل الكاسيت واحاول انسي اللى بيحصل حواليا

- و ماذا نفعل كي نحتفظ بهدوء اعصابنا أثناء القيادة ؟؟
شغل الكاسيت واحاول انسي اللى بيحصل حواليا

**Samir Elshahawy** · 23-12-2013 01:08 PM

المشاركة الأصلية كتبت بواسطة ahmed_lada

انا عن نفسى هادى فى السواقة وبلتزم بحارتى
ولكن طبعا احيانا بفقد اعصابى وانا بسوق
يعنى ببساطة اضربلكو مثلين
الاول لما بسوق وبالتزم بحارتى والاقى اللى ورايا يفضل يقلب نور وكلاكس عالى قوى ده بيعصبى جدا وببص على مرايتى اليمين ولما تكون الحارة فضيت اخد الحارة اليمين واشورله يعدى
والثانى ده بقى الموقف ده بيعصبنى جدا لما يكون المرور واقف وبالذات بالليل الاقى توكتوك داخل عكس وضارب نور وداخل فى بوز عربيتى فعلطول اقوم واقف قدامه واشغل كل انور عربيتى على العالى واضرب فيه نور عالى يا معلم واخليه هو اللى موقف الشارع كله ومخلهوش يعرف يعدى الا لو رجع مرشدير واطلع من العربية وقوله اديها عمى فى عينك وارجع بقى وورينى شطارتط

أنا زيك بالظبط سواء كنت ماشي بسرعة منخفضة أو مرتفعة بألتزم الحارة اليمين و بأسيب الشمال للتخطي

أما لو واحد داخل عكسي زي التوكتوك و غيره الاول كنت باتعصب و أقف قدامه لكن دلوقتي باتجنب الناس دي تماما لأنه ممكن يصمم يدخل و يجرح لي عربيتي و هأطلع أنا اللي غلطان لأن المنطق معكوس في بلد اللامنطق و اللاعقل و كل شئ مقلوب

دلوقتي اللي عايز يمشي عكسي أو يقطع الطريق بالعرض أو يقف فجأة أو يمشي علي الشمال بأسيبه و أتجنبه و كأني ماشي وسط حديقة حيوانات مفتوحة عليك أنت أن تتجنب الحيوانات لأنها ببساطة لاتعرف قوانين المرور

أقفل عليك أزازك و ركز مع موسيقي هادئة أو قرأن و فكك من كل اللي حواليك , المهم سلامتك و سلامة عربيتك و الباقي أياكش يولعوا

**محمود السيد** · 23-12-2013 02:20 PM

كلو كوم والناس لى ماشية على رجليه كوم تانى واللهى بفضل ادى كلاكساعمل كل البدع والبيه ولا الدموع لحد ميعدى وبعدين ابعد اعدى بعديه اههههههههههههههههههه ابن

**hdmrdash** · 20-09-2014 01:38 AM

بالنسبه ليا علشان في السعوديه
مفيش عصبيه خاالص
فيه بس احترس من خطأ الغير وخلي بالك
وخليك مصحصح
لان هنا مفيش نظام السواقه زي في مصر ده ماشي بطئ وده كسر عليا لأ
مع الطرق هنا وطيش الشباب والعربيات الجامده حتتعصب يعني حتموت في العربيه