الموضوع: هل تفقد أعصابك اثناء القيادة بسبب تصرفات الاخرين في الشارع ؟؟

طبعا بتوترني و ممكن تخليني اسيبلهم العربية في نص الشارع و امشي :))

طيب و لما تبقي ماشي في حالك و الطريق اصلا واقف و تلاقي عربية وراك بتديلك النور العالي علي الصبح و مشغلة السرينة علشان وراها موكب لواحد من البهوات و عمالين يشوحوا لك بأيديهم و رجليهم

بصراحة مابقيتش عارف اعمل ايه الطريق اصلا واقف فقررت انفض لهم و لما كان الطريق يفتح قدامي بقيت ادخل انا و ماأسألش فيهم و ماوسعتش ليهم و لما العربيات التانية شافتني بعمل كده عملوا زيي

بصراحة ارتحت نفسيا و هدات لان حاسيت ان البيه اللي في الموكب لازم يقف زي ماأحنا بنقف و يشوف اللي احنا بنعانيه كل يوم:k5:

منذ قليل كتبت عما تعرضت له بالامس من متاعب و حوادث علي الطريق الدائري اثناء سفري الي و من الاسكندرية, لكن اكثر مااثار غضبي و عصبيي امرين

- السيارات النقل التي تسير بسرعة بطيئة في الشمال
- عدم اكتراث السيارات التي خلفي للاشارات التحذيرية التي اعطيها لهم عند التخطي من حارة الي اخري مما عرضني الي 3 حوادث مؤكدة بالامس لنفس السبب ,

نفسي انسفهم ب RPG

الي عاوز يربي سواقين المكروباص صح اما يبقي ماشي وراك ومستعجل اوي تقوم انتة عامل بارد اوي اوي وتبطئ سرعتك حتي لو انتة مستعجل بطئ سرعتك وبوص علية في المراية وهوة وراك عمال يفرك يمين وشمال وهيخبط في الدنيا متعتي اشوفة زي المجنون في المراية وبعد ما يمشي من ورايا اجري بقا براحتي ياااااة علي الاستفزاز

انت كده جيت على الجرح
الحاجه الوحيده اللى بفقد فيها اعصابى واتنرفز هيا السواقه
مع الاسف كل الناس مع اختلاف طبقاتهم وتعليمهم عربجيه فى السواقه الا ما رحم ربى وانا عارف ان فيه ناس كتير هتزعل من ده بس قانون الشارع المصرى الان لو خايف على عربيتك ادخل واللى يغيظك تلاقى واحد عربيته جديده وبيزنق معاك دة غير الميكروباص والتوك توك ده غير الشباب الروش اللى لازم يعمل فيها فلوط ويبقى الشارع فاضى وييجى يلزق فيك ويقفل عليك علشان ايه مش فاهم لا مراعاه لسن او قواعد وياسلام بقى لو واحد عايز ينزل واحد يقف فى نصف الشارع دون مراعاه لاى شئ
بلاش لو فيه ميدان فيه اشارة ومفيش عسكرى واقف حدث ولا حرج
احنا شعب مع الاسف ...............
طيب بلاش خللى اى واحد يخبط فيك وهوا اللى غلطان لازم ينزل يزعق من مبدأ خدوهم بالصوت
سواقين النقل التقيل شوفهم وهما ماشين يرقصو فى السريع
بصراحه دى حاجات مش تحرق الدم دى تجيب الضغط والمرارة والسكر
انا كرهت السواقه بسبب سلوك الناس
وهيا دى مصر