الموضوع: ايه اكتر اشتغاله سمعتها فى عالم السيارات ؟؟؟

كان فى مره واحد صاحبنا بيقول الفئة السابعة فى منها engine 100000cc وطبعا محدش صدقه لان الفيرون اسرع عربية فى العالم 8000cc طيب ازاى الفئةالسابعة تبقى بالقوة طيب لو هى كدة طيب علشان تنزل مصر بعد الجمارك طيب ديه تبقى عايزة فلوس دولة زى امريكا كدة

الأخ العزيز سبعاوي،

حكاية العربية إللي بتشتغل بالميه ده حقيقة وليست افتكاسة، وأنا افتكرت زيك كدة إنها اشتغالة، بحكمي صحفي متخصّصاً بشؤون السيارات وأعلم جيداً إن ما توصل له العلماء حتى اللحظة هي سيارات هجينة (تعمل بمحركين أحدهما تقليدي والآخر كهربائي) وسيارات كهربائية كلياً (EV) تسير بالكهرباء، وهناك سيارات تسير بالإيثانول العضوي أو الوقود الحيوي المستخرج من النباتات، وهو الوقود الذي رأي فيه "هنري فورد" بعد تصميمه لطرازه T Ford بأنه وقود المستقبل، علماً بأن معظم السيارات العاملة به تستخدم النسبة القياسية E85 أي 85 بالمئة من الإيثانول و15 بالمئة من الوقود التقليدي، فضلاً عن تقنيات خلايا الوقود العاملة بالهيدروجين وغيرها من البدائل المطروحة للوقود التقليدي. أما عن فكرة السيارة التي تسير بالكهرباء، فهي ليست بالجديدة، بل إن جذورها تعود إلى عام 1935، عندما حاول المهندس تشارلز جاريت أن يصنع كاربيوراتور خاص يستطيع أن يتسخلص الهيدروجين من الماء عبر تحليل كيميائي، ولكنه فشل في النهاية في تجربته هذه. ولكن في عامنا الحالي 2008، زعمت إحدى الشركات السريلانكية عن قدرتها في تسيير إحدى السيارات لمدة 300 كم بثلاثة لترات من الماء فقط، عبر فصل الماء بالتحليل الكيمائي لعنصري الهيدروجين والأكسجين، مع حرق هذه الغازات المستخلصة في المحرك المعتمد، كما أظهروا نتائج تجربتهم هذه لرئيس الوزراء السريلانكي الذي أعلن تأييده الكامل لهذا المشروع..

عموماً، لازال الأمر محل شك كبير، لأن الموضوع به كثير من الأقاويل التي تفند هذا الإدعاء، ولكن لا يُمكن تجاهله أو الاعتقاد بأنه اشتغالة، لأن كل الأفكار المجنونة في العالم هي التي كان وراءها جميع الاختراعات الحالية

وشكراً

الموضوع جامد جدا على فكره و احييكم على الفكره
انا بقى عندى حاجه زى كده فى الادا ... مره ميكانيكى بقوله العربيه واقفه على بعد اتنين كيلو من هنا و ترس الزيت مش شغال (يعنى الموتور هيشتغل من غير زيت ) ..
قاللى : طيب بص روح للعربيه و هاتها بسرعه و مش هيحصل حاجه ان شاء الله

موقف تانى

مره نفس الميكانيكى روحتله علشان زيت الدبرياج كان بينقص و كانت ليله العيد و مفيش غيره اروحله قلتله اربط مفتاح الهوا اللى تحت علشان الدبرياج ميدخلش فيه هوا تانى و الزيت مينزلش
قاللى: لأ مفتاح الهوا ميعملش كده
انا : اعمل اللى بقولك عليه انا عارف العيب منين
نزل لقى المفتاح مفتوح و قفله و الزيت بطل ينقص قلتله : مش قلتلك انه مفتوح و هو السبب
قاللى: ماهو كان مفتوح طيب يا بييييه ... يعنى كنا نسيبه مفتوح ؟


انا لحد دلوقت بدعى على الميكانيكى ده لان غباء الدنيا فيه ادعو معايا و ادعولى ربنا مايحوجنى لييه تانى لانه بينرفزنى

فكره الموضوع جامدة ...
كنا ماشيين مع واحد غبي شوية ..
فصاحبي بيقولى هنجيب Bmw 530 قريب فقولت له مبروك ...
راح واحد طالع مرة واحدة وقايل مبروك بس اوعى تكون صينى!!!!!!
قلنا له هو فى حاجه اسمها Bmw صينى !!
قال اه طبعا .. قلنا له ازاى ؟؟؟
قالنا الصينى بتتعرف لما تعدى ال 140 مثلا .. يعنى لما سرعتها تعدى ال 140 المساعدين بتوعها بيهبطوا والعربيه بتهبط ....!!!!!!!
قعدنا نضحك طول اليوم ....
واقنعناه فى 5 ساعات ان العربيه لما سرعتها بتزيد بتهبط لزياده معدل الامان على السرعات العالية ..