احسن حاجه ارتوك اوتو القطاميه .. انا عارف انهم غاليين شويه في المصنعيه والضريبه
لكن صدقي نفس اسعار قطع الغيار في الاقصي هي هي نفس اسعار التوكيل وعن تجربه شخصيه
التوكيل اضمن .. وحصل خير
نعم
لا
رقم العضوية : 127026
تاريخ التسجيل : 04Jul2012
المشاركات : 9
النوع : ذكر
الاقامة : Cairo
السيارة: 2012 Fantasia
السيارة[2]: Lanos II
دراجة بخارية: No
الحالة :
أنا حبيت أحكى الموقف اللى حصل معايا فى مركز الأقصى لهدفين
الأول: انى أتأكد من خبراء المنتدى هل اللى أنا شوفته صح ولا غلط
و التانى: الاستفادة و تحذير باقى الأعضاء
الموقف كالآتى:
من شهر كان عندى صيانة عندهم و سبت العربية نتيجة لظروف شغلى, المهم رجعت بعد شهر و استلمت العربية بس نتيجة انها اتركنت بدون استخدام فترة طويلة البطارية نامت, و كشفت عليها فى كذا مكان و أجمعوا ان البطارية كده ماتت ولازم تتغير
رحت أغير البطارية, وللأسف الراجل اللى بيغير البطارية كان واضح انه جديد فى الشغلانة دى و هوه بيركب عكس الأقطاب, العربية بعدها اتبرجلت فى كل حاجة, ما بقاش فى باور ستيرينج و لمبة الباور منورة أحمر, و لمبة البكارية منورة و هيه دايرة, و التكييف ما بقاش شغال
المهم, الحمد لله المكان اللى كنت بغير البطارية فيه كان جنب مركز الأقصى, رحت طالع عليهم (طبعا سواقة الفانتازيا من غير باور ستيرنج كانت عذااااب بمعنى الكلمة) و أخيراا و صلت المركز
شرحتلهم اللى حصل, المهندس قالى هانحطها على كومبيوتر الأعطال و نشوف, بعد ما حطها نده الكهربائى اللى عندهم, قعد يكشف و جاب لمبة صغيرة بمسمار و شيك على صندوق الفيوزات, و اذا بالخبر الصادم
الكهربائى: يا باشمهندس مشط الفيوزات اتحرق
أنا: طب تمام هايتغير بكام ده
الكهربائى: 1600 جنيه و مش موجود حاليا
أنا: نععععععم!!!!!, ازاى يعنى؟, غلطة بسيطة زى عكس الأقطاب تعمل أضرار بالتكلفة دى, ازاى مافيش Safety system
الكهربائى: ده اللى حصل
و بعد مشاورات و مكالمات مع مدير المركز, قاله يا فلان العربية دى عايزينها تخلص النهارده
لقيت لهجة الكهربائى اتبدلت و قاله ادينى ساعة
و استلمت العربية زى الفل, و دفعونى 150 جنيه, المدير بيحاول يقنعنى انه عمل حاجة بلدى كده مؤقتة
بس اللى أنا واثق منه ان دى كانت اشتغالة و نصب و ان الموضوع خلص بكارت فيوزات ما يكلفش 20 جنيه
و عملوا بس الفيلم ده كله عشان أدفع ال 150 جنيه من غير ماتكلم
حقيقى الخدمة هناك زى الزفت, و بحس لما بدخل عندهم انهم نصابين و بيأفلموا كتير أوى
رقم العضوية : 155838
تاريخ التسجيل : 10Feb2014
المشاركات : 654
النوع : ذكر
الاقامة : القاهره
السيارة: فانتازيا سبورت 2012
السيارة[2]: النترا 2012
الحالة :
احسن حاجه ارتوك اوتو القطاميه .. انا عارف انهم غاليين شويه في المصنعيه والضريبه
لكن صدقي نفس اسعار قطع الغيار في الاقصي هي هي نفس اسعار التوكيل وعن تجربه شخصيه
التوكيل اضمن .. وحصل خير
رقم العضوية : 162786
تاريخ التسجيل : 18Jul2014
المشاركات : 56
النوع : ذكر
الاقامة : Egypt
السيارة: Octavia A7
السيارة[2]: Ford
الحالة :
معلش حصل خير بس اسمحلى انت برضه ما ينفعش تروح لواحد اى كلام ممكن يعمل مشكله اكبر بعد كده .... على العموم فداك ربنا يعوضك ان شاء الله
كنت عاوز اسأل مركز الاقصى اللى فى شارع ترعه الجبل ؟
كان معايا فليشيا من 10 سنين تقريبا وكنت برحلهم كان شغلهم كويس بس فعلا اسعارهم غالية و مره عملت حادثه رحتلهم عملوا فلم كبير و قالوا تتكلف 2500 جنيه تقريبا طبعا كانت رقم ايامها ، جبت قطع غيار من شارع دمشق و صلحتها ب 800 جنيه
بس انا سامع ان مركز القطامية كويس انا شفته مره من برا قبل ما اشترى العربية مركز كبير و شكله محترم بس لسه ما جربتش التعامل معاهم .
رقم العضوية : 127026
تاريخ التسجيل : 04Jul2012
المشاركات : 9
النوع : ذكر
الاقامة : Cairo
السيارة: 2012 Fantasia
السيارة[2]: Lanos II
دراجة بخارية: No
الحالة :
يا باشا الأقصى ده مركز رسمى معتمد من أرتوك أوتو , و ده اللى مخلينى مستغرب مستوى الخدمة اللى شوفتها
المركز مكانه بعد كارفور المعادى, بتعدى أبراج بدر و بيتشو أمريكان
رقم العضوية : 155838
تاريخ التسجيل : 10Feb2014
المشاركات : 654
النوع : ذكر
الاقامة : القاهره
السيارة: فانتازيا سبورت 2012
السيارة[2]: النترا 2012
الحالة :
يا سعاده الباشا يا سعاده الريس .. من وجهه نظري .. عايز احافظ علي عربيتي .. هو التوكيل ولا الا التوكيل
حتي لو هدفع زياده شويه .. وعارف انه توكيل معتمد وعلي فكره نفس قاعده البيانات في التوكيل متصله بالاقصي لمعرفه الصبانات السابقه لحضرتك
وحصلت معايا .. برده هو التوكيل
المفضلات