-
العربية بتسخن مع الجرى
انا عربيتى 97 بتسخن فقط مع الجرى عملت كل حاجة ممكن تتعمل ركبت ردياتير نحاس 3 ماسورة غيرت المروحة بمروحة عربية كيا بيكانتو ركبت مروحة تانية فى وش العربية من ناحية الردياتير الناحية التانية يعنى مشغل مروحتين عملت كل حاجة معاعدا ان افك وش السلندر (الماتور اللى على العربية استاندر متلمسش ومش عاوز العب ) فية ناس قالت نفك ونحط جوانين عشان نوسع غرفة الحرق هل الكلام دة ممكن يكون حل ولا هفك وادخل فى حوارات على الفاضى (العربية ياجماعة طول ما هى ماشية بطىء مش بتسخن خالص اول ما بجرى بيها فى طريق مفتوح بترفع الحرارة ل 110) حد عندة اقتراح لحسن انا العربية كفرتنى
-
غير ثرموستات الكوعة اكييييد هو السبب
بيبقى مقفول وقافش على كدة ومش بيفتح
بالتالى الموتور بيشتغل على الدورة الصغيرة
وبالتالى دورة التبريد لا تعمل بشكل كامل
اكشف عليه
ولو فيه حاجة الميكانيكى هيقولك نلغيه
قوله لا انا عاوز اغيره
علشان المفروض ما يتلغيش
وابقى قولنا عملت ايه
-
غير الثرموستات واظبط تكيهات احيانآ التكيهات بتسخن العربيه
-
ترموستات الكوعة كانت راكبة وانا شيلتها عشان العربية بتسخن اسرع وهى موجودة ......
-
انا مشغل المروحة على طول ديركت من غير ترموستات والتاكيهات مضبوطه على 25
-
بص طالما عملت اللى بتقول علية كله يبقى المشكله عندك فى الموتور نفسه بس الأول عاوزك تركب راديتير صينى الومنيوم فيكا الأول علشان الرادياتير النحاس بيسخن العربية جرب هو بيعمل 200 جنية ودى اخر محاوله وحتتفاجئ ان العربية حتبرد مع السرعة وراجع على طرمبة المية ممكن تكون ضغطها ضعيف دول اخر احتمالين !!!!
-
موضوع سخونة الفليشيا مع السرعات العليا سببها الريداتير وحضرتك بتقول غيرت الريداتير بواحد نحاس ودا من الخطء الكبير والسبب الرئيسى فى السخونة مع السرعات العليا للقضاء على تلك المشكلة ركب ريداتير المونيوم ودا موجود عادى وسعرة مابين 175 الى 220 جنية ركبة وانسى الحرارة تماما**
-
والله ياجماعة انا كنت مركب الردياتير الالمونيوم بتاعها وكانت بتسخن اكتر فى البطىء والسريع بس هفك وهجرب تانى يمكن يكون فية حل , بس موضوع ان افك وش السلندر دة مدخلش نفسى فية ولا انتوا اية رايكم
-
انا كان عندى سؤال تانى معلش استحملونى بس انا جبت اخرى من العربية بصراحة هو فية فرق بين الردياتير الالمونيوم العادى وفية رداياتير المونيوم صينى ؟؟؟؟
-
بصفه نظريه سخونه مع الجرى يعنى تبديد حرارى ضعيف
كمثال المحرك بيطلع حراره مثلا 1000 واط والرداتير سعه تبريده للحراره 800 واط طول ما انت تحت السرعه اللى المحرك بينتج فيها800 واط الرداتير بيبرد طبيعى اول ما تزود تبدء مشكله عجز تبديد 200 واط فرق(ده لو انت المحرك مظبوط والطرمبه بتقلب صح)
خبراء الفليشيا قالولك رداتير الومنيو انت عايز تركب القديم اللى اصلا انت شايله عشان مشكله(يمكن نص مواسيره مسدوده وتبديده الحرارى اقل من النحاس بسبب السدد)
الافضل ليك رداتير الومنيوم على كلامهم بس جديد او استعمال خارج ويكون سالك ومظبوط
اخر ملحوظه غير مباشره للسخونه راجع على الفرامل لانها لو بتقفش بتسخن العربيه وراجع على الشكمان لانه لو مسدود يسخن العربيه ان شاء الله الموضوع مش حيخرج عن الاحتمالات دى
Content Relevant URLs by
vBSEO 3.6.0 PL2