استفسارات عن هيونداي ix 35 موديل 2015

**Mostafa Bedo** · 31-07-2014 03:06 AM

المشاركة الأصلية كتبت بواسطة tawfikemile

اهم العيوب 1صاجها خفيف جدا
2الكيك داون بتاعها حاسس انه بيحضر بسرعة اوى يعنى اى دوسة منى بحس ان الكيك داون اشتغل على طول مش عارف جايز علشان ان كنت سايق الاوكتافيا وهى بطة بلدى الموضوع عندى عيب غيرى عندة هيبقى ميزة
3 حاسس بردة ان استهلاك البنزين عالى علشان موضوع الكيك داون دة
بس على فكرة لو مشيت على 100 ك فى الساعة الاستهلاك بيجيب 6 لتر فى ال100 ك وتشغل مثبت السرعة وعيش
4العفشة طبعا مش تويوتا بس تغور النعومية مع كل حكة فى شوراعنا الجميلة
دا حتى الغردقة اللى كنت بتحاكا بشورعها بقيت مكسرة وكلها مرتفعات دا انا لو سافرت بعربية واطيه كنت اتعكننت اخر عكننة
ناقصها حساس قدام كانت تبقي فلة
غير كدة العربية بجد ممتازة جدا وواسعة عن الاوكتافيا كتير والتكيف وهمى وخصوصا انى جايب الفئة الاعلى والتكيف الكترونى وعلى فكرة سالت عن قطع الغيار الارخص فى الفئة دى والاهم بالنسبة ليا التوكيل قريب مني فى كل حتة بروحها لو عايز تطمن على حاجة بعينها اسال وميهمكش جايز اكون مش واخد بالى من حاجة وعلى فكرة العربية انا عامل بيها 2000 ك بس لكن عملت بيها مشاوير حلوة ومشيت فى طرق مدغدغة كتير ومرتفعات برتو السخنة ومنحنيات الزعفران والعربية مزعلتنيش

معلش انا أسف بس هو أيه الكيك داون ده ؟؟

**tawfikemile** · 31-07-2014 04:37 PM

المشاركة الأصلية كتبت بواسطة mohaismail

طيب اخبار العزل بتاعها ايه
يعنى وانت قافل الزجاج صوت الموتور مسموع؟ صوت احتكاك الكاوتش بالطريق ؟ صوت مقاومة الهواء لجسم العربية مسموع ؟
معلش اصل موضوع العزل ده موسوسنى اوى وناوى اغير الصنى بعربية اقعد فيها مسمعش دبة النملة

ممتازة بجد وبدون مجاملة

**tawfikemile** · 31-07-2014 04:39 PM

المشاركة الأصلية كتبت بواسطة mostafa bedo

معلش انا أسف بس هو أيه الكيك داون ده ؟؟

تسقيط نقلة علشان العربية تجرى كنت اتمنى انة يكون طوارئ بس مش عمال على بطال

**Mostafa Bedo** · 31-07-2014 09:19 PM

المشاركة الأصلية كتبت بواسطة tawfikemile

تسقيط نقلة علشان العربية تجرى كنت اتمنى انة يكون طوارئ بس مش عمال على بطال

أنا متشكر جدا لحضرتك ولمساعدتك ليا

وربنا يكفيك شر الطريق ويبعد عنك وﻻد الحرام

**said.d.y** · 01-08-2014 10:26 AM

دي رابط لموضوع تقييم الix35بعد فترة استخدام 12 شهر ، ان شاء الله يفيد حضرتك ولو عند حضرتك أي استفسار انا تحت امرك.
وفى المجمل العربية ممتازة خاصة لو هتجيب ال هاى لاين 2015 ربنا يبارك ليك مقدماً
http://www.nilemotors.net/Nile/42001...12-8000-a.html

**mooozooo** · 02-08-2014 04:23 AM

المشاركة الأصلية كتبت بواسطة tawfikemile

انت تامر ولا يهمك وربنا يوفقك للافضل ليك انا كنت محتار زيك كدة وحاسس بيك ومبروك عليك مقدما

ياريت يا باشا اعرف الحجز منين فى المنصوره عشان عايز احجز وسعر اللى انت حجزت بيه كام؟

**Mido Casper** · 02-08-2014 09:35 AM

الف مبروك مقدما

**tawfikemile** · 02-08-2014 01:54 PM

المشاركة الأصلية كتبت بواسطة mooozooo

ياريت يا باشا اعرف الحجز منين فى المنصوره عشان عايز احجز وسعر اللى انت حجزت بيه كام؟

انا حجزت من فرع غبور نفسة فى شارع قناة السويس فى المنصورة من اسال عن استاذ سامر هناك وكنت حاجز فى 30 مارس اللى فات واستلمت فى 10 مايو والعربية كانت جاهزة قبل كدة بس من غير الورق وانا قلتلة هستلم لما الورق يوصل وكنت حاجز 2014 ابيض اعلى فئة ب 244000 وكان اللون الابيض غير متاح سعرها دلوقتى 247000وهو عمل معايا واجب وقلى لو دفعت تمنها كلها هيبقى ليك الافضلية فى اللون وفعلا اتاخرت 10 ايام وقالى وصلت واستلمتها 2015 لو محتاج نمرتة قولى وانا ابعتهالك على الخاص