حد راح شافها .. ايه رأيه وايه اخبار التقفيل وتقييمها العام ؟
وياريت لو حد اشتراها يقولنا اخبارها ايه معاه !؟
عرض للطباعة
حد راح شافها .. ايه رأيه وايه اخبار التقفيل وتقييمها العام ؟
وياريت لو حد اشتراها يقولنا اخبارها ايه معاه !؟
رحت شفتها عجبتنى جدا تقفيل و امكانيات جيدة
قلقان من قطع غيارها وصيانتها
بافكر احجزها فى ناس عماله تخوفنى منها انها 1.2 سى سى بس لازم العربية تبقى 1.6 سى سى
انتا رايك ايه
انا حاسس انها هتنتشر لانها احسن من كيا وهيونداى بس مفيش دعاية عليها كويسة ولا اعلانات
فى تقرير كامل اتعمل عنها فى المنتدى التقفيل والمواصفات ممتازه هو عيببها التوكيل الناس بتشتكى منه لكن العربيه كاتقفيل كويسه جدا
انا روحت شوفت الأتراج ومعجبنيش تقفيلها ولقيت كاوتشها صينى والخامات مش قد كده واللحامات باينة فصرفت نظر
بصراحة انا اخرى 100 الف وازقهم خمساية مثلا ... وبقول الزيرو زيرو ولو صينى .. بس اكيد مش هجيب صينى برده :d
انا شوفت الصور هنا حسيت ان خاماتها كويسة وشكلها عاجبنى من جوا وبره وامكانيات جميلة جدا وفيها كل حاجة بدور عليها
قلقى بس من انها لسه جديدة والانتشار وقطع الغيار ... انا معنديش مشكلة اجيب قطع غيار غالية شوية .. كده كده العربية لسه زيرو وهتقعد كتير على ماتغير حاجة خصوصا انها يابانى واعتماديتها عالية ... بس المهم هلاقيها اصلا ولا لأ !؟
الموتور حاسه كويس هيبقى موفر فى البنزين وانا مش بتاع شد وغرز وكده .. دى هتبقى عربية عائلية يعنى ومشاويرها داخلية
قطع الغيار هتبقى موجوده فى التوكيل لكن خارج التوكيل الله واعلم
لو ما عندكش مشكلة إنك تجيب قطع غيار غالية يبقى توكل على الله وهاتها بدون تردد ... لإن مشكلة الناس اللى مقلقة منها إنهم خايفين ما يلاقوش قطع غيارها العادية برة التوكيل ... زي الفوانيس والإكصدامات وما إلى ذلك (على فكرة المستهلكات الطبيعية زي السيور والأتيال والحاجات دي هاتكون موجودة فعلا في التوكيل مافيش منها خوف)
لو ما كنتش شفت الموضوع ده خد بصة عليه
http://www.nilemotors.net/Nile/430665-2015.html
العربية بإذن الله هاتعمل مبيعات كويسة لأنها صفقة رابحة بكل المقاييس بالنظر لما حولها من مواصفات وأسعار ... وأكيد بعد فترة هاتبتدي تنتشر كمان عند بتوع قطع الغيار الجديدة خارج التوكيل
وأكيد كمان هاتنتشر عند بتوع قطع الغيار الاستيراد ... لأنها موجودة في السوق العالمي من 2012 وهاتلاقي منها كتير ابتدى يتباع مستعمل في الخارج ... مش أول مرة تنزل أصلا في العالم زي الأتراج
العربية ممتازة جداً
الحمد لله انا مش بتخدع في العربيات ... السيارة تقفيلها ممتاز جداً و الطابع الياباني الاعتمادي فيها
اساسيات و مقصورة ممتازة بالنسبة لفئتها و سعرها .. و بخصوص الموتور 1.2 هذا هو المطلوب في الفترة القادمة مع ارتفاع اسعار البنزين ..
حجزت واحدة اول امبارح و الاستلام في خلال 60 يوم ... و السعر 99000 من احمد مرعي بالاسكندرية
حالياً معايا كيا ريو 2011 و هيا اعتمادية ايضاً ... لكن السويفت لها طلة مختلفة بصراحة .
السلام عليكم جميعا .. دی اول مرة اشترك في منتدی و الصراحة خدت قرار الاشتراك لما جبت العربية اولا انا استلمتها يوم الاحد في الاسبوع الي قبل العيد يوم ما نزلت المعارض ( واسطة D: ) المهم انا عامل بيها 800 كيلو .. مبدئيا انا كنت راكب الانترا 2006 و بعتها و سيريون 2008 و بعتها العربية احسن من الاتنين بدون نقاش و ملهاش حل في الجري والسحب مشاء الله .. دوسة البنزين بتسمع في لحظتها ذائد زرار over drive بيخلي الRPM يجيب اخرو طبعا انا عارف اني في التليين بس مقدرتش امسك نفسي من متعة سواقة العربية دي و علی فكرة جريت مع Proton Gen 2 و العربية ماكسفتنيش خالص ده من نحية الموتور بالنسبة للفرامل اتحدی لو في زيها مفيش حاجة اسمها تتزحلق ولو cm في التراب نيجي لغيارات الفيتيس لو Over Drive Off العربية بتنقل في معادها لو On العربية بتنقل عند RPM 6 و مش هتحس انها نقلت اصلا غير من الRPM بالنسبالي صوت الموتور ممتع زي عربيات الرالي خصوصا لما بجبيب اخر العربية نيجي للعفشة هي ناشفة شوية بس مش مشكلة بالنسبالي علشان السيريون كانت بترزع علی سرعات خفيفة في اي مطب و السويفت اقل بكتير في الخبط .. بالنسبة للدركسيون كهربة و تحفة فنية في الاداء و الدقة والكتينة جنزير... العربية عالية عن الارض زي الcross over و الي سايق هيحس انو اعلی من السيدان .. بالنسبة للصوتيات مرضية تماما بالنسبة لاهم حاجة لمصر كلها التفويلة من غير حرق تقعد 500 كيلو تقريبا بالحرق 420 كيلو والتانك 42 ليتر ياعني اخرك 120 جنيه بنزين ده لو من الصفر نيجي للعيوب لو بتجري بتسمع صوت الهوا برة بس مش عالي اوي و الكاست هيغطي علی الصوت و تاني حاجة الكنبة ديقة شوية انا طولي 174 الي ورايا يقعد مرتاح اكتر من كدة القعدة مش مريحة و آخر حاجة التوكيل شايل حجات متخلفة من العربية ملهاش معنی انهم يشلوها زي ايه بقی .. نور الشنطة .. الفوج الخلفي .. جهاز الانذار .. شكل الريموت وحش قوي الصيني انضف منو و الي برة شكلوا مختلف عامل زي الكيا ريو .. حامل الاكواب .. درج تخزيت في النصف فوق الكاسيت .. حامل اكواب خلفي الي طبعا بيركب فيه مسند السائق .... انشاء الله لما اروح التوكيل في صيانة الالف هقولكوا ايه النظام .. و شكرا جزيلا لوقتكم
دى الليستة اللى بتنزل لمعظم العربيات .. انا عارف انها كبيرة بس اللى تقدر عليه هاته :d
1- فلتر زيت
2- فلتر هواء
3- فلتر تكييف
4- بوجيهات
5- سير محرك
7- تيل امامى
8- تيل خلفى
المساعدين
الفوانيس امامى وخلفى
اكصدمات امامى وخلفى
المرايات
كابوت
رفرف امامى وخلفى
الشبكة الامامية
كبالن
طلمبة بنزبن
يا باشا الف مبروك على العربية ربنا يكفيك شرها إن شاء الله
ما ينفعش تشوفلنا واسطة زيك كدة ::cheekkiss5: انا حاجز فى التوكيل و مش لاقيها برة حتا
الله يبارك فيك استاذ احمد :) والله الواسطة جت صدفة بس حاضر والله هحاول اشوف واحدة او اتنين و هكتبلك و بالنسبة انها مش موجودة برة لا هي موجودة بس المعارض مش هتطلع ولا عربية لحد ما تغلی هتلاقي المعارض حطة واحدة سيدان و واحدة هاتش باك يحجزو بيها بس و لو سئلت البياع هيقولك متباعة
بإذن الله التوكيل هايبتدي يسلم من الأسبوع الجاي على حسب كلام بتوع المبيعات والدور بأسبقية الحجز طبعا
لأ في دي ما تقلقش ياباشا أول صيانة دايما ببلاش لأن ما بيتعملش فيها حاجة تقريبا غير غيار زيت وفلتر وتربيط العفشة ولو فيه أي مشكلة استثنائية العميل بيواجهها
يا جماعه انا ناوي ان شاء الله علي السويفت الهاتش باك بس ياريت حد يفيدنا بخبراته اكتر ومعلش سوال تاني ايه احسن بنك ف التقسيط (اقل فايده )
وهل حد عنده اخبار عن الارتيجا
في المصرية قالولي ب 105 استلام الاسبوع الجاي ..
السؤال هنا ، هل لو حبيت الغي الحجز مع مرعي و اجيبها من المصرية هيرجعو قيمة الحجز ؟ ( 5000 ج ) ؟
فين مرعي ده ؟
يا جماعة انا تحت امركو احنا هنا بنساعد بعض و ربنا يقدم الي فيه الخير انشاء الله
انا ياباشا مقسط مع بنك المشرق 8.8% ده اقل حاجة لقيتها بعد الاسكان و التعمير و بالنسبة للارتيجا هي هي السويفت هاتش و سيدان نفس العفشة و نفس التجهيزات و نفس الفيتيس و نفس فرش الديزاير بس اختلاف الموتور و الحجم و سحبها مش وحش و برضه مش جامد نظرا للحجم بس هي عربية عائلة تأدي الغرض و زيادة و متنساش ان سعرها رخيص اوي للفئة ديه و موضوع التكييف الخلفي رغم انو عامل زي السوبر جيت بس حركة صايعة العربية بتبأة تلج في وقت قصير اوي ده رأيي الشخصي من تجربة القيادة
ربنا يباركلك فيها و يديلك خيرها و يكفيك شرها يارب بس ياريت حضرتك تعرضلنا تجربتك بالصور بعد صيانه الألف الأولى على شان فى ناس كتير خايفه من اسعار قطع الغيار و سوء التوكيل بالذات اننا سمعنا ان توكيل نيسان اتسحب منه كمان و دى نقطه تخوف و انا واحد بفكر جديا في العربيه دى بجد
سحب السويف احسن علشان الحجم اصغر كتير كحجم السيارة الارتيجا احسن طبعا مع الحط في الاعتبار انا حرقت علی السويفت علشان بتاعتي بس الارتيجا ما حرقتش اوي علشان صاحب المعرض كان جنبي d: المهم الارتيجا مش بتاعت جری و شد اما السويف متعة في الجري و ربنا يكفينا شر نفسنا و شر الطريق
الحمد لله ... أنا استلمت السويفت بالأمس ... وحابب أقولك إن العربية كانت العفشة بتاعتها بتخبط جامد أول ما طلعت بيها من التوكيل ... وبعد التفكير قلت أكيد ضغط العجل زيادة والتوكيل ما ضبطوش بعد ما نزلت من الميناء (لأن العربيات دي وهي مسافرة بيتم ضبط ضغط العجل على 50) وفعلا نزلت كشفت على ضغط العجل بالمقياس بتاعي لاقيته على 45 !!!! ... مش عايز أقولك بعد ما ضبطته الدنيا اتغيرت 180 درجة .. أصوات التخبيط راحت والعفشة بقت ناعمة وكويسة جدا
لازم تكشف على ضغط العجل لو ما كنتش كشفت عليه لسة