ايهما تفضل كورولا ام سيراتو ام النترا 2015

**Mohamedjetta** · 30-07-2014 02:22 PM

المشاركة الأصلية كتبت بواسطة toty_305

الصراحة بعد أوعي تجيب كوري الخامات الميكانيكية فيها وحشة جدا و ضعيغة و مش معمرة..

الصراحه انا محستش كده في الالنترا hd عندي
انا قطعت بيها من سلطنه عمان لحد مصر في يومين ونص وحارق عليها 180-190 ومشاء الله العربيه ماسكه نفسها
االكوري بقي عالي في نظري بعد المشوار ده وكله قالي العربيه هتتحرق دي كوري ومش كوري

**Sameh samy** · 30-07-2014 03:12 PM

موش معني ان انا جبتها انها احسن واحدة للاسباب الاتية
الموديل جديد لسة منقدرشى نحكم علية من دلوقتي وهاينجح ولا لا
كمان الفتيس الجديد لسة مبانش ازا كان فية عيوب
اسعارقطع غيار العربية اكتر من ضعف قطع غيار الالنترا والسيراتو ودي حاجة مهمة جدا
هل التقفيل التركي كويس ولا لا
عشان كدا بقول نتكلم بحيادية

**WAEL .H** · 30-07-2014 04:36 PM

رأي ان.الكورولا طول عمرها مميزاتها الات الجر. موتور وفتيس وعفشة كمان وهي قمة فئتها - بعد ما تخلي الهوندا على جنب - وانا اعتقد ان اي حد بيشتري ماركة ياباني او كوري تانية علشان السعر
الكورولا بتجيبها في مصر حتى لو ما اتجربتشي وانت مطمن لانها شركة محترمة لو العربية طلع فيها قرد هايظبوطوها وفتيس الجنوب افريقي مش بعيد
اعتقد كمان ان التقفيل التركي في الكورولا الجديدة باين عليها في شوية مشاكل صغيرة في تيل الفرامل والطنابير واصوات في التابلوه وعزل صوت ودورة هواء واخر ها العزل الحراري ؛ هي حاجات صغيرة وظهرت لان الناس متخيلة ان العربية ولا كلمة
يمكن عيوب التقفيل التركي دي قربت المسافة بينها وبين اقرب منافسيها وفي راي هي الالنترا وبعتبر الفئة كاملة التجهيز وفيها برامج الفرامل والاتزان الالكتروني هي صفقة ممتازة كقيمة مقابل سعر
وبالنسبة للسيراتو فانا باعتبر ان الاهتمام بابني الي من صلبي مش زي ابني بالتبني وانا شايف ان الالنترا احلى تصميم وخامات واقوى كاسم وبراند عالمي وحصولها على car of the year 2012 في امريكا وانتشارها في الخليج كاول عربية كوري نزلت تاكسي جنب الكورولا والكامري دليل على كدا
واختم واقول ان الفيصل بينهم زي ما السوق رتبهم سعريا
معاك تجيب الكورولا هاتها معاكشي هات الالنترا معاكشي هات السيراتو

...

**devil_storm** · 30-07-2014 04:40 PM

المشاركة الأصلية كتبت بواسطة Sameh samy

موش معني ان انا جبتها انها احسن واحدة للاسباب الاتية
الموديل جديد لسة منقدرشى نحكم علية من دلوقتي وهاينجح ولا لا
كمان الفتيس الجديد لسة مبانش ازا كان فية عيوب
اسعارقطع غيار العربية اكتر من ضعف قطع غيار الالنترا والسيراتو ودي حاجة مهمة جدا
هل التقفيل التركي كويس ولا لا
عشان كدا بقول نتكلم بحيادية

الكرولا لسه جديده و منقدرش نحكم عليها متفق معاك ... لكن مختلف معاك في ان اسعار قطع الغيار اكتر من ضعف الكوري خد اسعار الكوري حاليا و اتفرج علي النصب:
قطمه دركسيون ٩.٩٠٠
تيل فرامل ٨،٢٥
ديسكات ١٦٥٠
اكصدام امامي ١٨٠٠
شبكه اكصدام علويه gls ١،٠٠٠
طاره دركسيون جلد طبيعي ٤،٧٠٠
فانوس سيراتو ليدات امامي ٦،٢٠٠

مستني حضرتك تضرب الاسعار في ٢ و تكتبلنا اسعار قطع غيار الكرولا

**Sameh samy** · 30-07-2014 04:47 PM

بالنسبة لموضوع العيوب في الكورولا انا معنديش عيب من دول وشايف الناس اللي اشتكت من اي حاجة في كرولا بتتدلع بصراحة اما قطع الغيار بصراحة مكنتش اعرف ان الكوري حاجتو بقت غالية كدة واملنا بقي ان العربيات تنتشر في السوق وقطع غيارها تنزل ارخص في المحلات وربنا يستر طريقنا لحد مادة يحصل

**Sameh samy** · 30-07-2014 04:49 PM

انا جربت الالنترا والسيراتو ومجربتش التويوتا قبل ما اشتريها وبصراحة السيراتو افضل من وجهة نظري لاني جريت جامد بالعربيتين وعجبني في السيراتو سحبها كان افضل وفراملها افضل وثباتها خصوصا من ورا

**WAEL .H** · 30-07-2014 05:37 PM

اعتقد ان التمييز بين الالنترا والسيراتو في السحب او الفرامل اوالعفشة فيه مبالغة لانهما نفس الموتور والشاسيه والعفشة لدرجة ان تيل الفرامل بتاع اي واحدة يركب للتانية
الفرق بينهم شكل خارجي وخامات داخلية فقط

**devil_storm** · 30-07-2014 05:39 PM

المشاركة الأصلية كتبت بواسطة Sameh samy

انا جربت الالنترا والسيراتو ومجربتش التويوتا قبل ما اشتريها وبصراحة السيراتو افضل من وجهة نظري لاني جريت جامد بالعربيتين وعجبني في السيراتو سحبها كان افضل وفراملها افضل وثباتها خصوصا من ورا

انا كمان معايا النترا و لما سقت السيراتو عجبتني اكتر و السيراتو كانت sx جنط ١٧ و انا جنط ١٦ و مع ذلك انعم من عربيتي في المطبات ... الباور كمان بتاع السيراتو ال flex steering افضل بكتير من الباور معايا ... غير فرق التقفيل و الاوبشن لصالح السيراتو ... خلاف ذلك السيراتو و الالنتر واحد في اي حاجه تانيه

بس يا ريت توضح انت تقصد السيراتو سحبها و فراملها و ثباتها افضل من الالنترا ام تقصد انها افضل من الالنترا و الكرولا؟

**devil_storm** · 30-07-2014 05:55 PM

المشاركة الأصلية كتبت بواسطة wael .h

اعتقد ان التمييز بين الالنترا والسيراتو في السحب او الفرامل اوالعفشة فيه مبالغة لانهما نفس الموتور والشاسيه والعفشة لدرجة ان تيل الفرامل بتاع اي واحدة يركب للتانية
الفرق بينهم شكل خارجي وخامات داخلية فقط

هما فعلا المفروض واحد في كل حاجه لكن انا حسيت ان في اختلاف في النشوفيه لصالح السيراتو رغم انها جنط ١٧ و انا النترا جنط ١٦ لكن حسيت السيراتو انعم و انا مش عارف اذاي!!! طبعا الفرق بسيط جدا مش فرق كبير و ممكن يكون السبب واحد من دول:
١- الالنترا بتاعتي ٢٠١٢ لكن السيراتو ٢٠١٤ فممكن تكون العفشه نشفت شويه من الطينه لكن السيراتو كانت لسه جديده
٢- ممكن يكون الكوتش عندي نشف شويه لانه اشتغل ٣ سنين في حين كوتش السيراتو لسه جديد
٣- ممكن يكون الفرق في نوع الكوتش ... يمكن يكون كوتش الهانكوك اللي نازل مع الالنترا انشف من الكوتش اللي نازل في السيراتو