ايهما تفضل كورولا ام سيراتو ام النترا 2015

**toty_305** · 01-08-2014 02:11 PM

المشاركة الأصلية كتبت بواسطة Sameh samy

دة راي حضرتك عن تجربة لان معاك هيونداي؟؟؟

-مثل بسيط مسامير العجل عندي ربطوها جامد فوتت ..عندنا عربية اوبل من 26 سنة بنفك و نقرص و نربط و المسمار لسه اﻷصلي :)

-كمان فعلا عربيات خفيفة و هنا بتكلم على اﻷلماني ﻷن الياباني بردو خفيف بالنسبة للألماني

-رأي حضرتك تفكر في Astra

**Sameh samy** · 01-08-2014 04:11 PM

انا شايف ان العربية الوحيدة الالماني اللي كويسة في الريسيل هي مرسيدس حتي بي ام موش كويسة
الالماني موتور وصاج وعضم وعفشة مية مية بس تسارع بطئ في البداية يمكن لحد سرعة 80 وتكييف فاشل جدا
الالماني بطبيعتو عربية حرارتها عالية ودة بياثر علي مكونات كتير فيها بعد فترة خصوصا دورة التبريد
فعلا الثبات لا يقارن باي عربية تانية لكن موش ناعم زي الياباني ولا الكوري

**toty_305** · 01-08-2014 09:04 PM

-تسارع عالي و ثبات قليل مش ميزة في رأي
-جزئية السخونة دي معتقدش الحكاية دي موجودة و ممكن تتفادها مثلا لما العربية تقدم بثرموستات أقل
-تكييف معاك انه ضعيف بس الثبات دي جزئية أساسية مثلا عن التكييف يعني ..كوري بتكييف قوي ولا الماني بتكييف نص نص ؟؟
-الخشونة دي تحسسك بالقوة ^_^
-إعادة البيع فعلا مشكلة و astra منصور وكيلها متعب شويتين

**adelmof40** · 02-08-2014 08:55 AM

أي تقيم لاي من السيارتين قد لا يكون محايدا بعض الشئ وهناك أمورا في السيارة قد

يراها البعض ضرورة بينما اخرين يرون انها نسبيه واليكم تقريرا بعيدا عن اهوائنا

كملاك او سائقين

Toyota Corolla vs. Hyundai Elantra – Comparison - New cars

الا انني اتحيز للإنتاج الياباني أي من كان بلد التقفيل

لان بلد التقفيل يعتمد علي عناصر قد تكون ثانوية بعد الشئ

واعتقد اننا في مصر لنا معايير مختلفة تماما عن الاخرين

ولكم الحق في تقيمها لصالح أي من الطرازين

مستوي الصيانة في توكيل كل منهما وخدمة ما بعد البيع

الحصول علي قطع الغيار

الاعتمادية ومعامل الأمان

قيمة الأصل في حالة إعادة البيع

ظني كلها في صالح

تويوتا

والرأي لكم

**S O P H O S** · 28-08-2014 02:46 AM

الكورولا والاختيار التاني الكيا

**soltanfriend** · 28-08-2014 03:02 AM

استاذ سامح سامي بعد اذنك بما انك جربت السيراتو ممكن تقولي بالتفصيل مميزاتها وعيوبها من وجهه نظرك لاني مقبل علي شرائها خليجي

**Sameh samy** · 23-11-2014 12:44 PM

المشاركة الأصلية كتبت بواسطة soltanfriend

استاذ سامح سامي بعد اذنك بما انك جربت السيراتو ممكن تقولي بالتفصيل مميزاتها وعيوبها من وجهه نظرك لاني مقبل علي شرائها خليجي

عجبتني جدا السيراتو علي فكرة وكنت مقرر اشتريها الفرامل قوية ماتزحفش والسحب شديد اقوي من السراتو القديمة الصالون شيك الباور محترم جدا العربية صفقة ناجحة وشكل جديد

**samihanwar** · 24-11-2014 04:06 PM

كل حاجه فيها حاجه حلوه وفيها حاجه وحشه
بالنسبه للألنترا أوبشن ورفاهيه وسحب وشكل لكن عيبها فى السوك الكتيره ءالى فيها والفانوس اللى ورا ضخم وملطش
والسيراتو هى هى الالنترا وعربيه شكلها ملموم
الكورولا اوبشن على القد وامبيرات مش حلوه أما استحمال ممتاز

**Hatem Toyota** · 05-12-2014 11:45 AM

خليني اكون من تجربة خارج مصر
وتتعجبون ان الترتيب النترا وكرولا وحط السيراتو اخر شئ

الالنترا والكرولا هنا بسعر تقريبا واحد في السعودية طبعا والفرق لصالح الكرولا
هتكلم علي الاسوأ للمواصفات الخليجي وهي السيراتو
المكينه هنا مختلفة عن الالنترا كليا وجزئيا
لا تتحمل نهائيا الحرارة العالية
فتيس له اعطال اكثر شوي مع الالنترا ( رغم اني اضع خراب الفتيس علي السائق )
سعر اعادة بيع معدوم

---------------
الالنترا
اكثر سيارة مبيعا في السعودية
الرساوة رائعة ومع سيارة النترا فعلا
التسارع افضل بمراحل من الكرولا
الماكينه لا لصالح الكرولا من وجهة نظري افضل
الشكل الخارجي والداخلي الالنترا افضل بكتير ما بين اوبشن وكماليات وغيره
سعر اعادة البيع الكرولا افضل

-------------
انا كانت معايا كرولا 2012
راسية ولكن تسارع مقارنة بالالنترا سئ
قطع غيار اغلي رغم ان سعر العربيات تقريبا واحد ولكن عمر افضل
الشكل طبعا الالنترا والسيراتو تفوز
الاتساع الداخلي مفيش شئ يقارن بالالنترا ووقف العربيتن جمب بعض وشوف فرق الطول الخارجي
وشوف فرق الصالون الداخلي
وايضا شوف الكابلون لا الالنترا الشغل كله العالي
عمر قطع الكلاولا اطول وان كانت اغلي ولكن كل شئ بتمنه
الالنترا بتعمل تحديث دوري في القطع والشكل الكرولا الشكل ثابت والاوبشن ثابت والتغيير طفيف جدا
هنا بقا اللي بيخلي الناس تحب الالنترا اي ميكانيكي بيفهم فيها وعمرة الماكينه رخيصة مقارنة بالكرولا

الرأي حيادي بعد امتلاك كرولا 2012
والنترا 2011

وقمت بتأجير سيراتو