الموضوع: انهيار مروع منتظر فى البورصات العالمية وارتفاع تاريخى للدهب

طييب سؤال
انت استفدت ايه يعنى اما جيت رميت الكلمتين دول و مشيت و نكدت على خلق الله ؟؟
يا استاذ الناس استفادت ايه غير ان اللى ليه بيزنس وجعت قلبه وبشرته بغم وسواد عليه وعلى اللى جابوه؟
ومتقوليش بحذر ولا بنبه ماهو محدش هياخد اكشن بناء على تخاريف حد من على النت ؟؟

حسبى الله ونعم الوكيل فيك يا أخى

واحب اضيف نقطه كمان

موضوع انهيار عملة الدولار صعب عارف ليه ؟؟؟

لان مفيش بلد الا ويكاد يكون اغلب الاحتياطي عندها من عملة الدولار وبلاش نقول اغلب خلينا نقول 60 % من عملة الدولار

ماعدا روسيا الصين كوريا ج ش البرازيل الهند دول احتياطي الدولار عندهم لا يتعدى ال 30 - 35 % فا مش حنركز على دول

حنركز على الدول الي الاحتياطي عندها 60 % ديه الي حتقوم بمساعدة الاقتصاد الامريكي لو لا قدر الله

اعطى علامات انهيار وشيكه ... مش محبتأ في الاقتصاد الامريكي لا عشان الاحتياطي بتعها و استثماراتها الي بالدولار

متبقاش ورق ملوش قيمه وهنا حيجي دور الدول الي عندها الدهب الاسود ممكن بكل بساطه تقول مش حبيع

الا بالدولار وسعتها الكل حيضطر يتعامل بالدولار او الي عايز بعمله تانيه يبقى السعر 4 اضعاف سعتها حيتعاملوا بالدولار

مره تانيه ... ومننساش الدور الي حيقوم بيه الاتحاد الاوروبي لانقاذ مصالحه هوا كمان فا حيساند الدولار

فا متقلقوش جميعا لو حصل حيحصل ازمة مالية والموضوع يتعافى

ومن المتوقع الازمة ممكن تحصل بعد سنتين - سنتين ونص وبقول ازمة مش انهيار

لان بكل بساطه الدهب ارتفاعه مبرر بسبب الكام حرب الي موجوده منها ليبيا وعزه و بين

روسيا و اوكرانيا واتفرض عليها عقوبات من امريكا و اوروبا ومصيره يهدى شويه

بكل بساطه سقف الديون الامريكيه بيرتفع لغاية ما وصل ل 17 تريليون دولار

واكيد حيرفعوه تاني وكل الي بيعملوه انهم بيبيعوا سندات الخ الخ الخ يقترضوا من جديد عشان يسددوا القديم ؟؟؟

بس طبعا لا قدر الله لو حصل ازمة فا ديه حتبقى تابته ومش حيعدي 1-6 شهور وانسى حاجه اسمها دولار

حيبقى سعتها حيجي العملاق التاني وهو الصين وعملة اليوان الصيني لان الصين بكل بساطه تعتبر من

تاني اكبر اقتصاد في العالم .. عندها فائض في الميزانية ... قوة بشرية وسكانية وانتاجية - احتياطي دهب كبير

ديونها تكاد تكون لا ترى نهائيا ......... هذا والله اعلم وممكن بعد سنتين لا يحدث شيء ولا يعلم الغيب الا الله تعالى

وربنا يحفظنا جميعا من الخساره

المشاركة الأصلية كتبت بواسطة hossam99

يا راجل يا بركة
بالله عليك بلاش توقعات الزلازل و الأنهيارات دي :)
أحنا مصدقين أنك بركة :)
توقع لنا أي حاجه حلوة ....

هههههه
بلاش تجيب سيرة الزلزال والراجل البركة ده عشان انااتوقفت بسبب موضوع الزلزال
وكان فاضل شوية ويدخلوني مستشفي الامراض

المشاركة الأصلية كتبت بواسطة ramymechanics

طييب سؤال
انت استفدت ايه يعنى اما جيت رميت الكلمتين دول و مشيت و نكدت على خلق الله ؟؟
يا استاذ الناس استفادت ايه غير ان اللى ليه بيزنس وجعت قلبه وبشرته بغم وسواد عليه وعلى اللى جابوه؟
ومتقوليش بحذر ولا بنبه ماهو محدش هياخد اكشن بناء على تخاريف حد من على النت ؟؟

حسبى الله ونعم الوكيل فيك يا أخى

يااخي اصبر شويه ايام وناس هتدخل تثبت صدق الكلام زي موضوع الزلزال

المشاركة الأصلية كتبت بواسطة mostafa3000

مش عارف لية المنتدي قلب كدة علي أحلام الشيخ علام
للأسف الإشاعات والتخاريف هي المسيطرة الان علي العلم والايمان

وزود عليهم قسم احوال الشارع المصري ملئ بالاشاعات

المشاركة الأصلية كتبت بواسطة four 2014

يااخي اصبر شويه ايام وناس هتدخل تثبت صدق الكلام زي موضوع الزلزال

واما تثبت صدقه هنستفيد احنا ايه ؟؟ و اما قال ان فى زلزال هيحصل استفدنا ايه يعنى ؟؟

ماهو يا اما نشتغل لحد ما يبان حاجة يا اما نمشى ورا هراء و تخاريف .... يعنى احنا استفدنا او هنستفيد ايه من الهرى دة

انا مثلا كعايا مبلغ اهبل دولارات المطلوب منى يا اما مخى يودى ويديب مثلا فى انتظار الخراب
ولا آخد على كلامه و اروح ابيعهم دلوقتى و امشى ورا الشيخ ؟؟

الموضوع ملوش لزمة مش هنمشى ورا خزعبلات اللى عاوزه ربنا هيكون