انهيار مروع منتظر فى البورصات العالمية وارتفاع تاريخى للدهب

**Imhotep** · 31-07-2014 07:45 PM

انا قرأت كل تعليق فى الموضوع ده. . . و اللى بيؤيد توجه صاحب الموضوع فى كلامه لم يؤيده بأدلة من الواقع الاقتصادى سواء ارقام او تحليلات. . .و خلى موضوع الحدس ده على جنب عشان صعب اثباته. . . اما المعارض فمنطلق رفضه الرئيسى للكلام هو عدم الاقتناع و عنده حق فى ذلك فى ظل غياب ادلة واقعية مقنعة. . . و على صاحب الموضوع تقع تبعة تقديم ادلة على رأيه حرصا على تحويل دفة الحوار الى حوار عقلانى منطقى فيه منفعة للكل

**FOUR 2014** · 31-07-2014 07:47 PM

المشاركة الأصلية كتبت بواسطة ramymechanics

واما تثبت صدقه هنستفيد احنا ايه ؟؟ و اما قال ان فى زلزال هيحصل استفدنا ايه يعنى ؟؟

ماهو يا اما نشتغل لحد ما يبان حاجة يا اما نمشى ورا هراء و تخاريف .... يعنى احنا استفدنا او هنستفيد ايه من الهرى دة

انا مثلا كعايا مبلغ اهبل دولارات المطلوب منى يا اما مخى يودى ويديب مثلا فى انتظار الخراب
ولا آخد على كلامه و اروح ابيعهم دلوقتى و امشى ورا الشيخ ؟؟

الموضوع ملوش لزمة مش هنمشى ورا خزعبلات اللى عاوزه ربنا هيكون

نا استفدت الصراحه من موضوع الزلزال استفدت اني اتوقفت بسببه
اما الموضوع ده عشان الي معاه دولارات يبيع دلوقتي وبالتالي

**ramymechanics** · 31-07-2014 07:50 PM

المشاركة الأصلية كتبت بواسطة four 2014

نا استفدت الصراحه من موضوع الزلزال استفدت اني اتوقفت بسببه
اما الموضوع ده عشان الي معاه دولارات يبيع دلوقتي وبالتالي

لا انا اخسرهم كلهم احسن من انى امشى ورا خزعبلات و اى كلام

**minicooper20** · 31-07-2014 07:56 PM

المشاركة الأصلية كتبت بواسطة dongol123

ازاي بس ده كل الدول العربية هتتأثر تأثير كارثي

حضرتك ناسي ان كل الدول العربية عملتها مرتبطة بالدولار و كمان بتبيع بترولها بالدولار

لا يا باشا
انتا بترولك هتبيعو هتبيعو
بالدولا بالظلوطه هتبيعو
انتا عندك التبيعو فا حصلت ازمه محصلتش ازمه انتا كده كده هتبيع و حتى لو هما عالو ثمن الحجات النتا بتستوردها منهم
انتا كمان عالى سعر البترول و هكذااا
الدول العربيه دول استهلاكيه و البيزنس بتعها انترنل يعنى لو البورصه دى كلها بخ و لا عليهم تاثير لان مشاء الله الفلوس كتير و البترول وفير و عدد السكان مش كبير
عندك دوله زى مصر لو الدولار وقع مصلحه ليها
السنين القادمه
هتشهد انتقال موازين القوى من امريكا و اروبا
الى روسيا و الصين و دول شرق اسيا و دول امريكا الجنوبيه الناهضه و افريقيا كمات هتحك معاهم
الاقتصاد هيشهد حاله تحول و خصوصا ان بوتن ناويها و الصين عندها استعداد تتعاون مع الشيطان فى مقابل المصلحه
بص يا باشا على البورصه و شوف سوق المال بيتحرك لى فين
اما عن الانهيار فده مش هيحصل ممكن ازمه اتنين لاكن انهيار ممستبعد فى الوقت الحالى
و ده الهيكون السبب الراءيسى فى اندلاع حرب عالميه

المشاركة الأصلية كتبت بواسطة الفجر

السلام عليكم

محلليلين كتير توقعوا فى بداية عام 2014 انهيار الاسواق ولكن الاسواق خجلت توقعاتهم وصعدت صعود تاريخى منذ بداية العام!!!

الا انى اتوقع الهبوط المروع خلال ايام معدودة بل قد يصل الامر الى سويعات وبعدها يبدء لحظة الانهيار العظيم للاسواق العالمية و صعود مخيف للدهب وانهبيار مدوى لاسعار البترول

الامر جلل وخطير والخسائر ستكون بمئات المليارات وستكتم الانفاس امام الشاشات وستشاهد الناس كان على رؤسهم الطير

ملحوظة لم اقل كل ما عندى وبتفصيل لظروف خاصة

بص حضرتك لو تحزيرك مبنى على تحليل فا ياريت تزكرو
اما لو احساس فا احتفظ بيه لنفسك
لان فى عالم البيزنس الاشاعه بترفع ناس و تنزل ناس و مبيزعلش الا صغار المثتثمرين الحضرتك قلبتلهم بطنهم دلوقتى على الفاضى
و سامحنى فى حده الاسلوب بس يعنى ايه مش هتقول كل العاندك هو حضرتك عضو فى البنك الدولى و لا مدير شركه مش شركات السندات و لا مناسب رءيس بورصه لندن او طوكيو او نينيورك
قول العندك الموثوق منو خلى اليقرا يستفاد مش تقلب بطنو على الفاضى
سامحنى بس انا شغال فى البيزنس و عارف يعنى ايه اشاعه
تحياتى

**hilal** · 31-07-2014 08:08 PM

الحقيقة ، لم أجد أي تحليل حقيقي كما يدعي صاحب النبوءة
ولا أستطيع أن أصدق أن دولة مثل الصين لا يوجد فيها أي مبتكرين أو مبدعين ، وتعيش على تقليد التكنولوجيا الغربية
سوف تتفوق على دولة بها أعلى نسبة من براءات الاختراع ، والعلماء الحقيقيين

وآسف أن أضع هذه النبوءات في مكانها الطبيعي ، وهي الدجل والشعوذة ، إن كان هناك حسن نية
أو
في مجال الاشاعات التي تسعى نحو قيام الجميع ببيع ما يمتلكون من مدخرات بالدولار ، لان هناك من يريد تحويل مبالغ ضخمة إلى الخارج ويرغب في تحقيق اكبر قدر من الربح

**mr_vampire** · 31-07-2014 08:26 PM

المشاركة الأصلية كتبت بواسطة ramymechanics

طييب سؤال
انت استفدت ايه يعنى اما جيت رميت الكلمتين دول و مشيت و نكدت على خلق الله ؟؟
يا استاذ الناس استفادت ايه غير ان اللى ليه بيزنس وجعت قلبه وبشرته بغم وسواد عليه وعلى اللى جابوه؟
ومتقوليش بحذر ولا بنبه ماهو محدش هياخد اكشن بناء على تخاريف حد من على النت ؟؟

حسبى الله ونعم الوكيل فيك يا أخى

طيب ليه ناخد الموضوع بمحمل النكد عالناس. ليه ميتاخدش من ناحية انه بيطلب اخذ الحذر فالتعاملات فالبورصة فالايام القادمة.

- لما ابقي عارف ان فيه شارع بيثبتو الناس فيه واقولك خلي بالك من الشارع ده عشان بيحصل فيه تثبيت هل حضرتك هتقول انتا نكدت عليا ولا هتقولي شكرا وفعلا هاخد بالي واشوف بديل وممكن مخرجش بالعربية ومن البيت خالص بالليل ؟؟؟؟؟

**ramymechanics** · 31-07-2014 08:31 PM

المشاركة الأصلية كتبت بواسطة mr_vampire

طيب ليه ناخد الموضوع بمحمل النكد عالناس. ليه ميتاخدش من ناحية انه بيطلب اخذ الحذر فالتعاملات فالبورصة فالايام القادمة.

- لما ابقي عارف ان فيه شارع بيثبتو الناس فيه واقولك خلي بالك من الشارع ده عشان بيحصل فيه تثبيت هل حضرتك هتقول انتا نكدت عليا ولا هتقولي شكرا وفعلا هاخد بالي واشوف بديل وممكن مخرجش بالعربية ومن البيت خالص بالليل ؟؟؟؟؟

اللى بيقول لحد خد بالك دة شاف او سمع عن ناس بتتقلب فيه فبيحذرهم مش اكل اكلة تقيلة ونام فحلم انهم اتثبتوا فراح يوزع الهم والنكد على خلق الله

التحذير ميكونش من تخيلات او وحى التحذير بيكون بناء على وقائع او حتى مؤشرات

و انا ما زلت مصر ان الموضوع دة ملوش لزمة زى فيلم اللعب مع الكبار كدة

**mr_vampire** · 31-07-2014 08:43 PM

المشاركة الأصلية كتبت بواسطة الفجر

خلال الايام القادمة الاسواق العالمية والبورصات العالمية منتظر لها انهيار تاريخى مروع

مع ارتفاع الدهب لمستويات غير مسبوقة

فلمن يضارب فى الاسهم سواء بالداخل او بالخاج فلياخذ حذرة

كتب هذا الموضوع بتاريخ فجر يوم 31_7_2014

المصدر تحليل فنى + احساس نفسى على المستوى الشخصى

المشاركة الأصلية كتبت بواسطة hamada_amg

بسم الله الرحمن الرحيم

اولا احب اشكر الراجل صاحب الموضوع على كلامه و توقعه و لو ان الموضوع معتمد على احساس لكن الله اعلى و اعلم هل هو فعلا احساس ام لا !!!

عامة انا بشتغل فى البورصات العالميه فعلا و ده مجالى من 6 سنين و اكتر و لله الحمد و للاسف كلام الراجل المحترم ده صح نوعا ما بس مش بموضوع احساس لا ده موضوع تحليلات منطقيه و اسلوبية خليني ابسطلكم الموضوع بعيد عن التحليلات الفنية المعقدة و الاقتصاد بحاذفيرة

خلونا نرجع اولا بالذاكرة لعام 2008 و ازمة الرهن العقاري اللى حصلت حد فاكر كانت امريكا قبلها بتقول ايه على الدولار و على قوة اقتصادها ؟
لو حد فاكر الكلام ده هيبدأ يفهم الجزء السيكولوجي فى الاقتصاد

فى نظريه اقتصادية بسيطه بتقول ان احسن حل لاخفاء مصيبة هو توجيه العقول فى الاتجاه المضاد و ده للاسف اللى بيحصل حاليا من ميديا و من اخبار لكن الفتره الاخيره اصبحت القرارات الاقتصادية الامريكيه بعيده عن الطمأنه شويه و اصبح علماء الاقتصاد يشوفوا بصورة واضحه الكذب فى القرارات و بالتالى فان فى امر مخفى الحكومه بتخبيه

ثانيا اى عملة او معدن فى الكون كله لا يسير فى اتجاه هابط او صاعد على طول الزمن لازم يطلع شويه و ينزل شويه باختصار لا يوجد خط مستقيم فى حاجه تتحكم فيها العرض و الطلب و لكن فى حاجه اسمها اخر و نهايه
و ده اللى الذهب وصله فى الفترات الاخيرة لانه هيفضل دايما هو الملاذ الامن لاى مستثمر و اى واحد بيفكر انه يشيل فلوس بالتالى لازم الناس تبدأ تشتريه تاني و الناس اللى بالفعل عندها دهب لازم تعمله عملية تداول يعني تبيع شويه و تشترى شويه عشان سعر الذهب يعلى مره تانيه و يوصل لمواحل البيع بعد المكسب
بالاضافه طبعا ان الذهب وصل الى مكان لو نزل عنه و السعر فعلا هبط اكثر من كده اقدر اقولكم ان 75% من الحكومات على مستوى العالم هتفلس و تشهر افلاسها للاسف بالتالى التدخل فى رفع سعر الذهب هيكون قوي - عن الاحتياطي الفدرالى اتحدث

ثالثا الجزء الاقتصادي و الفنى فان كل المؤشرات و النظرات الخبيرة باسواق العملات و الذهب تشير الى ترقب متوقع للهبوط و الوصول الى القاع ايضا و الكلام ده مش من اليوم الكلام ده للاسف من اول السنه الحالية و بالادق من شهر 11/2013
احنا كمحللين فنيين فى السوق العالمي منتظرين الهبوط من الوقت ده انه يحصل فى اى وقت و ده باتفاق متداولين و خبراء عرب و اجانب و ممكن لو حد فيكم يتابع المواقع الاخباريه و التوصيات على العملات هيلاقى الكلام ده فعلا موجود من اخر السنه الماضيه

فى النهايه كلام الراجل ده صح و مظبوط نظريا و فنيا و تحليلا و من الخبرة المكتسبه فى هذه الاسواق نسبة 80 % من المحللين متوقعين هذا الكلام و لكن لا احد يتحدث فوقت الكلام لم يحن بعد
و لكن الله سبحانه و تعالى اعلى و اعلم و ممكن يخلف كل التوقعات

ملاحظه كل ماسبق كلامى فى الاتجاه الفنى و التقنى فى اسواق العملات و الذهب و ليس فى مجال السياسه و نشوب حرب عالمية و ما الى ذلك فهذا جانب اخر يطول الحديث فيه و الشرح و يتوقف على اكثر من عامل و له شروط و تدخلات قوية من حكومات عدة

ودي و تقديري

الراجل قال المصدر تحليل فني قبل مايقول احساس نفسي. واحد الاعضاء المتخصصة فالمجال اكد علي كلامه. وبالتحليل برده.

وكون حضرتك شايف الموضوع ملوش لازمة فده راي شخصي. لكن لو حد محتك بالبورصة والمجال ده اكيد هياخد الموضوع بعين الاعتبار.

واخيرا هل لو كلامه تحقق لا قدر الله هنشوف اعتذار من حضرتك ؟؟؟؟

**ramymechanics** · 31-07-2014 08:53 PM

المشاركة الأصلية كتبت بواسطة mr_vampire

الراجل قال المصدر تحليل فني قبل مايقول احساس نفسي. واحد الاعضاء المتخصصة فالمجال اكد علي كلامه. وبالتحليل برده.

وكون حضرتك شايف الموضوع ملوش لازمة فده راي شخصي. لكن لو حد محتك بالبورصة والمجال ده اكيد هياخد الموضوع بعين الاعتبار.

واخيرا هل لو كلامه تحقق لا قدر الله هنشوف اعتذار من حضرتك ؟؟؟؟

لا لو حصل مش هتسمع اعتذار منى لأن حضرته قال فى خلال ايام ؟؟ هل عجز كل المحللين عن التنبؤ باستثناء حضرته ؟؟ بالإضافة ان الحاجات دى مادام قال فيها احساس نفسى بالنسبة لى لا تساوى شئ حتى لو حصلت والأهم من كدة انه مقالش اى سبب للكلام دة .. هو دخل قال كلمتين و مشى بدون اى تحليل او منطق

الأستاذ التانى قال تحليلات و قال ان الموضوع ممكن حدوثه من آخر السنة اللى فاتت مقالش كمان يومين هيحصل

انا المعيار بالنسبة لى مش انه يحصل ولا لأ ياما حصل قبل كدة و هيحصل

انا القصة بالنسبة لى ان المنتدى يبقى ساحة للتنجيم والتنبؤات والخزعبلات و بعد كدة قبل ماخرج من البيت ابعت له اسأله الجو بكرة فى اسكندرية هيبقى عامل ازاى ؟؟

**mr_vampire** · 31-07-2014 09:06 PM

المشاركة الأصلية كتبت بواسطة ramymechanics

لا لو حصل مش هتسمع اعتذار منى لأن حضرته قال فى خلال ايام ؟؟ هل عجز كل المحللين عن التنبؤ باستثناء حضرته ؟؟ بالإضافة ان الحاجات دى مادام قال فيها احساس نفسى بالنسبة لى لا تساوى شئ حتى لو حصلت والأهم من كدة انه مقالش اى سبب للكلام دة .. هو دخل قال كلمتين و مشى بدون اى تحليل او منطق

الأستاذ التانى قال تحليلات و قال ان الموضوع ممكن حدوثه من آخر السنة اللى فاتت مقالش كمان يومين هيحصل

انا المعيار بالنسبة لى مش انه يحصل ولا لأ ياما حصل قبل كدة و هيحصل

انا القصة بالنسبة لى ان المنتدى يبقى ساحة للتنجيم والتنبؤات والخزعبلات و بعد كدة قبل ماخرج من البيت ابعت له اسأله الجو بكرة فى اسكندرية هيبقى عامل ازاى ؟؟

القصة بالنسبالك كدة . وانا بالنسبالي عبارة عن تحذير واجب لمن يهمه الامر. حصل يبقي قدر الله وماشاء فعلا وندعو الله ان يزيل الغمة محصلش يبقي فضل ونعمة ونشكر ربنا ان التوقعات طلعت غلط.

انما منحملش الموضوع اكبر من حجمه ونقول ساحة للتنجيم وقبل مااخرج اسال مش عارف عن ايه !!!!!