ملاك كورولا 93-97

**O.M.S** · 02-08-2014 04:38 AM

المشاركة الأصلية كتبت بواسطة Ahmed Galal

انا عربيت مودل 92 1300 و معايا من سنه 2009 و انا باعشق الموديل ده جدا و مش عايز ابيعها و ليا خبره متواضعه مع الموتور ال 1300 و العربيه عموما و مبسوط ان فيه حد هايجمعنا تانى بس بالنسبه للتعديلات اللى حضرتك عاملها فيه واحد بقا على النت على منتدى اجنبى اسمه toyota nation و اسمه kiwi corolla لو كتبت بس اسمه فى جوجل هاتشوف احلى تويوتا كورولا ملكه فى العالم و حاطط عليها كميه تجهيزات و اوبشنز غريبه و نادره و اصليه من المصنع ده بقا اللى نفسى اوصلله فى عربيتى

طبعا من غير كلام الراجل ده جامد جدا وانا شفت العربيه دي قبل كدا كذا مره ودي اساس جريي ورا الماتور ده الي هو blacktop 4age انا مركب نفيس الماتور بس هو بصراحه مظبطها بنظافه جامده احنا مشكلتنا ماعندناش حد جامد كده في التضبيط في مصر بس ان شاء الله هوصل لاحلى من كدا انا بقى عاوز اوصل للراجل ده والكورولا دي الي في الفيديو جببببببااااار CorollaCarClub.proboards.com Introduces " Hulk " - YouTube
وربنا يباركلك فيها وتوصل للي عاوزه وانا معاك اول ما تطلب حاجه هساعدك لاني لفيت جامد في موضوع التظبيط بس الفلوس موقفاني شويه :)

**O.M.S** · 02-08-2014 04:43 AM

المشاركة الأصلية كتبت بواسطة karim0000

يا ريت يا جماعة حد يعرف ازاي اعلي سخان الكربراتير عشان السخان بيشتغل بس واطي اوي و العربية بتترجرج من ساعة لما عملت الكربراتير فعايز اعرف الرجلاش بتاعه فين

بص يا باشا هو انت لو فكيت العمه بتاعت الماتور هيبانلك اوي الرجلاش ده وهو ناحيه البودي بس مش فاكر يمين ولا شمال لو كان الماتور 1300 لسه معايا كنت صورتها بس انا غيرتوا من زمان وتاني حاجه حاول ماتعليش الماتور قوي لانوا بياثر في الحراره جامد وده بياثر بدورو على وش السلند وجانها الاحسن ترجع للي عملك الكربراتير وتوريلوا العيب وتحس انت بالعربيه ماتكونش عاليه لان دي المشكله الي وقت انا فيها لغايه ماضيعت وش السلندر وربنا يباركلك فيها ان شاء الله :)

**O.M.S** · 02-08-2014 04:47 AM

المشاركة الأصلية كتبت بواسطة karim0000

و بالمرة كمان انا كان عندي الدركسيون تقيل شوية و العربية مش باور فا جبت علبة دركسيون جديدة تايواني بعد ما لفيت علي الاستيراد و ملقتش حاجة نضيفة بس الدركسيون خف شوية صغيرة بس يعتبر تقيل برده و روحت للعفشجي بيقولي القطمة عندك فيها بوش و شوف كهربائي يفكها و بيقولي ممكن يكون ليها بلي بيتغير و ممكن تجيبها كلها استيراد و انا بصراحة مش عاوز افك و انا مش عارف الدنيا فيها ايه انتوا ايه رايكم و هل فعلا القطمة لو فيها بوش ده يتقل الدركسيون ....ملحوظة العربية تويوتا عيون موديل 98 و ركبت الملكة و دركسيونها كان اخف بكتير مع العلم ان العربيتين علي كلام الناس نفس الميكانيكا و العفشة

بصراحه مش هعرف افتي في دي ومش عارف بس انا فاكر اني ركبت الكورولا 93 عند واحد صاحبي من غير بور وبرده الدركسيون كان تقيل جدا فا مش عارف دا عيب فيها ولا هي كدا :)

**Ahmed Galal** · 02-08-2014 06:57 AM

سخان الكورولا اتوماتك بس ليه كويل بيتعملله رجلاش بس صعب عليك تعمله لوحدك فهاتروح لميكانيكى او مركز الصفا للكربراتير بجسر السويس يظبطهولك
بالنسبه لعلبه الدركسيون هيا تقيله شويه و انت واقف لكن و انت ماشى خفيفه و بالنسبه للقطمه ديه مشكله مالهاش حل لو فيها بوش حتى لو غيرتها مش هاتتحل المشكله بتعمل صوت على طول فى المطبات و المكسر و حتى لو غيرتها مش هايروح الصوت بس ده عيبها الوحيد يعنى هيا ما بتتقلش الدركسيون و لا حاجه

**O.M.S** · 02-08-2014 03:45 PM

شكلنا كدا يا استاذ احمد هنستغلك كتير لان واضح ان حضرتك فاهم كويس فيها علشان كدا انا عاوز اعمل جروب على الفيس يجمع الكورلاويه لان بصراحه اسهل من المنتدى في موضوع النقاشات ومبيتوهش ولا ايه رايكم

**O.M.S** · 02-08-2014 04:57 PM

يا جماعه دا جروب على الفيس لسه عاملوا عاوزين نتجمع فيه هناقش كل المشاكل ونشوف كل حاجه متعلقه عن الملكه واهم حاجه تضبطها
https://www.facebook.com/groups/615151781929254/

**Mohamed.Mohsen** · 17-08-2014 09:36 AM

السلام عليكم

كورولا 1993 1300 ستاندارد كربريتور الحمد لله من الزيرو بحبها جدا ومتمسك بيها لمزاياها العديدة ..
كتبت موضوعات وردود كتير فيها اول ما سجلت في المنتدي من 4 سنين ..عربية ممتازة واحيي فكرة التجمع لاصحاب الموديل ده ..كنا عايزين نعملها من زمان ..احىى صاحب الموضوعه وعشقه النادر للملكة ..واسلم علي الصديق العزيز احمد جلال موسوعة الكورولا الملكة وعاشقها علي النايل موتورز واحد الاسباب تمسكى وحبى لها .. انا انضميت معاكم علي جروب الفيس بوك معلش عايز اسال عن الفوانيس الامامية العادية استيراد او جديدة الاسعار وايهما افضل ..وكمان مقبض اكرة الباب الخلفي يمين ..وحاجة صغيرة معرفش حد مهتم بيها ولا لأ اللي هى جريدة بلاستيك سودا حوالى 25 سم في 4 سم اللي بتغطى قفل وكالون الشنطة .. ..موضوعي الاساسى اللي إن شاء الله ه نتناقش بالتفصيل فيه هو تعديل المانيوال ال1300 الي اتوماتيك 1600 وتكلفته وفرص نجاحه عشان كنت ناوي اغيرر لعربية حديثة بعد 2010 اتوماتيك لكن مكنتش بلاقى عربيات تستاهل كحالات واقول كل حاجة ليها عمر وسنة الحياة التغيير وارجع افكر تانى في التحويل ل 1600 اوتو ..وهكذا التردد ....وفرصة اسألكم عن رينج اسعار العربية دلوقتى (ال1300 المانيوال ) دواخل فابريقة حالة ممتازة سليمة رش خارجى اول يد ..هنكمل كلام في صيانات وتعديلات العربية بس لما الموضوع يشد حيله ويكمل ويجمع اعضاء كتير ..وبالتوفيق للجميع

**Mohamed.Mohsen** · 17-08-2014 09:44 AM

المشاركة الأصلية كتبت بواسطة o.m.s

شكلنا كدا يا استاذ احمد هنستغلك كتير لان واضح ان حضرتك فاهم كويس فيها علشان كدا انا عاوز اعمل جروب على الفيس يجمع الكورلاويه لان بصراحه اسهل من المنتدى في موضوع النقاشات ومبيتوهش ولا ايه رايكم

معاك الفيس بوك اسهل ..في التعامل .

**Ahmed Galal** · 17-08-2014 06:26 PM

لك وحشه يا استاذ محمد ان شاء الله تكون بخير الفوانيس هاتجيبها استيراد احسن من الجديده و ممكن الواحد يعمل فى حدود 300 جنيه و مقبض الباب برده استيراد فى حدود 100 جنيه و الجريده اللى بتغطى الكالون فى حدود 150هاتلاقيها برده استيراد كل ده بقا هاتجيبه من محل العالميه للاستيراد موجود فى شارع دمشق جمب عرفه جابر و ده غير المحل بتاع القطع الجديده او ممكن من الحرفيين يا اما من بيت التويوتا او فيه واحد تانى فى شارع بعده برده متخصص فى الحاجات اليابانى بس مش فاكر اسمه ايه الصراحه هوا فى اتجاه الطيار بتاع المسامير و الكلبسات و طبعا التعديل لل 1600 ممتاز بس انا عن نفسى مستنى الموتور ال 1300 بتاعى يجيب اخره خالص

**Mohamed.Mohsen** · 18-08-2014 09:18 AM

المشاركة الأصلية كتبت بواسطة ahmed galal

لك وحشه يا استاذ محمد ان شاء الله تكون بخير الفوانيس هاتجيبها استيراد احسن من الجديده و ممكن الواحد يعمل فى حدود 300 جنيه و مقبض الباب برده استيراد فى حدود 100 جنيه و الجريده اللى بتغطى الكالون فى حدود 150هاتلاقيها برده استيراد كل ده بقا هاتجيبه من محل العالميه للاستيراد موجود فى شارع دمشق جمب عرفه جابر و ده غير المحل بتاع القطع الجديده او ممكن من الحرفيين يا اما من بيت التويوتا او فيه واحد تانى فى شارع بعده برده متخصص فى الحاجات اليابانى بس مش فاكر اسمه ايه الصراحه هوا فى اتجاه الطيار بتاع المسامير و الكلبسات و طبعا التعديل لل 1600 ممتاز بس انا عن نفسى مستنى الموتور ال 1300 بتاعى يجيب اخره خالص

وانت كمان يا باشمهندس احمد واحشنى جدا .. فاكر يوم مااتقابلنا وضيعت لك اليوم من الضهر لليل ..كان يوم جميل ..
انا بخلى احمد كشمير يجيب لى حاجات كتير (قطع غيار استيراد) غيرت دينامو اصلى وعوامة بنزين وكمبروسور تكييف يابانى دنسو الاصلى .. وحاجاته من عند محل نضيف جدا في الحرفيين ومتخصص في الملكة واسعاره معقوله (رفيع وابراهيم ) انا رحت معاه مرة هناك ..
يعنى الفانوس الامامى مفيش ديبو جديد وكمان سالت علي مقبض الباب لقيته ب 35 ج جديد افتكر جودة الحاجات الجديدة دي مش اعتمادية وشكلها فارق عن الاصلى .. الاستيراد هيكون الاصلى واحسن بس كويس انك عرفتنى رينج الاسعار .. اجرب العالمية ولا زي مانا ماشي مع احمد ورفيع .. ايه رايك؟؟
بالمرة يااحمد بلى العجل الشمال ناحيتى قدام فيه حفة خفيفة جدا بتروح وتيجى لما تبقى معدي بالليل اوى في شارع هادى جدا (يعنى حفة لاتكاد تكون مسموعة) دي تيجى جديد ولا استيراد ؟؟ ولا ايه ظروفهم ؟؟
انا زيك بالضبط هجيب اخر الموتور ال 1300 ده (واشوف هكمل بالعربية ولا اغير لكورولا احدث ممكن شكل 2010 ده عاجبنى جدا ) الموتور الملكة عمل معايا 202000 كم استاندارد متفتحش.. علي فكرة هيا مشيها قليل جدا حوالى 3000 كم في السنة اخر 4 سنين ومش عايز افتح ولا اعمل أي شغل ولا اغير وش ولا جوانات ولا شنابر ولا الكلام ده هو كده زي الفل زي ماجربت معايا بالضبط الحمد لله منتهي النعومة والسحب كويس ومفيش اعطال والحمد لله واحسن زيت زيت شل الاصفر وتغيره انت عارف طبعا اقل من 3000 كم والفلتر ..(انت تقصد يجيب اخره علي وضعه كده بدون أي نص عمرة ولاشنابر ولا جوانات ولا رودية ولا مع الاصلاحات دي؟؟)
تحياتى وتقديرى ونشوفك بخير ..

الموضوع: ملاك كورولا 93-97

LinkBack

أدوات الموضوع

عرض

-

-

-

-

-

المواضيع المتشابهه

رابطة ملاك الجميلة 《◀كورولا 2013 (الخليجي)▶》

عدد ملاك الوحش الياباني كورولا ٢٠١٤

طلب من ملاك كورولا 2009 - 2010

مساعدة عاجلة من ملاك كورولا 1992--> 1998

مساعدة عاجلة من ملاك كورولا 1992--> 1998

الكلمات الدلالية لهذا الموضوع

المفضلات

المفضلات

ضوابط المشاركة