الموضوع: ملاك كورولا 93-97

المشاركة الأصلية كتبت بواسطة Ahmed Galal

تسلم يا استاذ محمد محل رفيع و ابراهيم كويس هات منهم الحاجه و مهما كان الاستيراد الاصلى احسن من الصينى و التايوانى الجديد و بلى العجل لوحده قدام الناحيه الواحده اصلى هاتعملها حوالى 250 جنيه و ممكن تجيب سره كامله بالشمعدان بكل حاجه استيراد بنفس التمن فشوف بقا اللى يريحك و قصدى طبعا بأخر الموتور يعنى ممكن اعملله طقم شنبر على جوانات على اويل سيلات لو احتاج لكن افك بقا بلوك و اخرط و اجيب بساتم و الكلام ده ابداااا استحاله و المشكله ان كل ما افكر ابيع و اجيب بقا الكورولا الاعلى خصوصا من 2003 ل 2007 لان الموديل ده تقريبا اعتماديته زى الملكه بالظبط الاقى ان عربيتى بتمن السوق ما تجيبش الفلوس اللى تستاهل بيعها لان رينجها من 40 الف ل 50 الف على حسب الحاله فمش المبلغ المغرى اللى ابيع بيه العربيه فقررت اخليها معايا على طول ان شاء الله حتى لو هاتكون عربيه تانيه فى البيت وجودها مش خساره ابدااا و انصح اى حد معاه العربيه ديه و اللهى ما يفرطش فيها هايندم جدا جدا جدا لو باعها

والله نظرية حكاية الاحتفاظ بالملكة عربية تانية بس تكون الميزانية تسمح ويكون عندك مكان جراج وظروف لكن فكرة معقولة للي عنده الملكة وعايز عربية احدث ..
لكن انت زعلتنى يا احمد اختلف معاك في السعر للملكة دي بتمسك فلوس محترمة جدا وده معروف في اوساط واسواق السيارات وبين التجار وكونتاكت كارز وبيبقى ممكن تلاقى الناس اللى تقدرها ..الحالات السليمة من الملكة المانيوال 1300 ستاندارد تكييف دواخل فابريقة رشة برة (93-97) كان واحد معرفة لى بايعها من اكتر من 6 شهور قبل الاسعار ما تغلى واقل بكتير من عربيتى ومش اول يد ب 52 الف وكان مستقل بيهم ..احنا مبنخليش العربية عايزة مسمار اصلى الا بنجيبه اديك شايف ..وبنخليها في حالة الزيرو والله كل اللي بعمله تغيير الزيت كل اقل من 3000 كم ..يعنى معاملة واعتمادية اعلي من عربية زيرو ..
ليا سؤالين معلش تعبتك كالعادة انت متعود منى علي كده :
1- امتى تقرر تفتح الموتور او تدخل في موضوع الشنابر والجوانات والرودية وامتى تقرر الاستمرار علي وضعها (وهل احمد كشمير اللي يفتح الموتور ويشوف ولا عندك حد أحسن) ..
2-عايز اسالك علي رينج سعر الرادياتير الاصلى(استيراد) بحالة ممتازة رغم ان اللي عندي سليم 90% وماشى زي الفل لكن انت عارف بحب الاساسيات دى تكون 100%.

انت ليك face book account ممكن يسهل تواصلنا ..

صباحك سعيد ياباشمهندس احمد ..

وفين تواصل باقى ملاك الملكة انتوا هتسيبوا الموضوع لي ول/ احمد جلال كالعادة وبعدين ينام الموضوع فين تواصلكم وخبراتكم ..

بالنسبه للاسعار هيا متفاوته بس مهما كان اكبر تمن ممكن توصلله برده مش مستاهل البيع و فك الموتور ده تلجأ له لما العربيه تبتدى تاكل زيت و العزم بتاعها يقل و ما تقدرش تجرى بيها هاتحس انت انها تعبت خلاص بيبقا كبس الموتور قل و محتاج الشده البسيطه بتاعت الشنابر و كده و طبعا احمد كشمير يعمله و انت مغمض ثانيا الردياتير ده جننى و ليه معاه قصه مش هانساها انا كنت ماشى تمام بالردياتير بتاع العربيه الفبريكه من ساعه ما اشتريتها و بعدين ضرب منى فى سنه 2011 فى العيد الصغير و جبت من احمد ردياتير استعمال محترم المونيا بتاع العربيات ال 1600 الاوتوماتيك بس حتيت له ماده بتنظف دوره المياه جبتها غاليه و اللهى ما استحملش وضرب هوا كمان و عشان كده ما انصحش حد ابدا بالواد ديه فقمت رايح لاحمد كشمير و قلتله عايز الردياتير بتاعها الحديد بتاع شغل و بيستحمل جابلى واحد برده ممتاز جدا و قعد معايا لحد اول السنه دى من 2011 ل 2014 و بدا يشرخ من العلبه اللى فوق واحد قاللى هاصلحه ب 200 جنيه قلت لا هاجرب اجيب الجديد التايوانى كان ب 750 جنيه من العالميه و نظيف جدا و باجرب فيه لحد دلوقتى كويس بقاله بتاع 8 شهور و كان الردياتير استعمال من 2011 ب 650 جنيه سواء المونيا او نحاس و ليا طبعا اكونت على الفيس بوك ابعتلى الميل بتاعك اضيفك

المشاركة الأصلية كتبت بواسطة Ahmed Galal

بالنسبه للاسعار هيا متفاوته بس مهما كان اكبر تمن ممكن توصلله برده مش مستاهل البيع و فك الموتور ده تلجأ له لما العربيه تبتدى تاكل زيت و العزم بتاعها يقل و ما تقدرش تجرى بيها هاتحس انت انها تعبت خلاص بيبقا كبس الموتور قل و محتاج الشده البسيطه بتاعت الشنابر و كده و طبعا احمد كشمير يعمله و انت مغمض ثانيا الردياتير ده جننى و ليه معاه قصه مش هانساها انا كنت ماشى تمام بالردياتير بتاع العربيه الفبريكه من ساعه ما اشتريتها و بعدين ضرب منى فى سنه 2011 فى العيد الصغير و جبت من احمد ردياتير استعمال محترم المونيا بتاع العربيات ال 1600 الاوتوماتيك بس حتيت له ماده بتنظف دوره المياه جبتها غاليه و اللهى ما استحملش وضرب هوا كمان و عشان كده ما انصحش حد ابدا بالواد ديه فقمت رايح لاحمد كشمير و قلتله عايز الردياتير بتاعها الحديد بتاع شغل و بيستحمل جابلى واحد برده ممتاز جدا و قعد معايا لحد اول السنه دى من 2011 ل 2014 و بدا يشرخ من العلبه اللى فوق واحد قاللى هاصلحه ب 200 جنيه قلت لا هاجرب اجيب الجديد التايوانى كان ب 750 جنيه من العالميه و نظيف جدا و باجرب فيه لحد دلوقتى كويس بقاله بتاع 8 شهور و كان الردياتير استعمال من 2011 ب 650 جنيه سواء المونيا او نحاس و ليا طبعا اكونت على الفيس بوك ابعتلى الميل بتاعك اضيفك

هو الرادياتير اعتقد بنسبة بسيطة المشكلة يمكن تنفيث بسيط في العلبة العلوية لما تغسل سربنتينة التكييف يبان والعربية دافية شوية بس مش بتنقص مية غير حاجات بسيطة مش مستاهلة حوارات الرادياتير ده دلوقتى والحرارة ممتازة اقل من الربع وهي ماشية طوالى بدون وقوف كتير في زحمة دخلت زحمة توصل لاعلي من الربع لحد قرب الثلث ..كده كويس مفيش داعى للتغيير خليه لما يبقى يضرب ده الاصلى كنت غيرته من 3 سنين بواحد استيراد بحالة ممتازة كان وقتها ب 250 جنيه واخد القديم كان ضايع وقالي يتكلف لحام 120 ج وهيلغي مواسير داخلية ويعك فضلت التغيير طبعا ..السعردلوقتى للرادياتير الاستيراد الاصلى لسة سائل عليه في العالمية قالى 450 جنيه ده في التليفون اعتقد ممكن افاصل فيه لو رحت وبرضه لسه هسأل عند رفيع بواسطة احمد هو بيديله اسعار وحالات قطع الغيار احسن لما هو اللي بيجيبها ومضمونة لو فيها حاجة تتغير بس بتكون بصراحة 100 % عموما سيبك من الراداياتير طالما الامور ماشية ..
بالنسبة للموتور هو الزيت نقص بعد 3300 ك اخر غيار نزل حتي علامة المنيمم بس لمبة الزيت منورتش وانا كنت متأخر في الغيار ده وكان لونه محروق شوية بس بينقص بمعدل اقل لو غيرت 2500 -3000 كم يمكن بيكون في النص بين المنيمم والماكس والعزم معقول بتجري وتسحب زي ما سقتها معايا من سنة ونص وجربت والموتور ناعم مفيش أي صوت خشونة او تخبيط ..لكن بتخسع خفيف شوية في المطلع زي مطلع المقطم عشان بطلعه كتير ..
العالمية ادانى اسعار حاجات تانية سالت عليها للافادة للجميع :
الشبكة الامامية بعلامة تويوتا 180 ج الفانوس الامامى 250الاصلى ج مقبض الباب الخلفي الخارجى 120ج جريدة كالون الشنطة مش موجودة ..
my facebook account name:Mohamed Mohsen
E-mail :mmohsen2@live.com

المشاركة الأصلية كتبت بواسطة mohamed.mohsen

هو الرادياتير اعتقد بنسبة بسيطة المشكلة يمكن تنفيث بسيط في العلبة العلوية لما تغسل سربنتينة التكييف يبان والعربية دافية شوية بس مش بتنقص مية غير حاجات بسيطة مش مستاهلة حوارات الرادياتير ده دلوقتى والحرارة ممتازة اقل من الربع وهي ماشية طوالى بدون وقوف كتير في زحمة دخلت زحمة توصل لاعلي من الربع لحد قرب الثلث ..كده كويس مفيش داعى للتغيير خليه لما يبقى يضرب ده الاصلى كنت غيرته من 3 سنين بواحد استيراد بحالة ممتازة كان وقتها ب 250 جنيه واخد القديم كان ضايع وقالي يتكلف لحام 120 ج وهيلغي مواسير داخلية ويعك فضلت التغيير طبعا ..السعردلوقتى للرادياتير الاستيراد الاصلى لسة سائل عليه في العالمية قالى 450 جنيه ده في التليفون اعتقد ممكن افاصل فيه لو رحت وبرضه لسه هسأل عند رفيع بواسطة احمد هو بيديله اسعار وحالات قطع الغيار احسن لما هو اللي بيجيبها ومضمونة لو فيها حاجة تتغير بس بتكون بصراحة 100 % عموما سيبك من الراداياتير طالما الامور ماشية ..
بالنسبة للموتور هو الزيت نقص بعد 3300 ك اخر غيار نزل حتي علامة المنيمم بس لمبة الزيت منورتش وانا كنت متأخر في الغيار ده وكان لونه محروق شوية بس بينقص بمعدل اقل لو غيرت 2500 -3000 كم يمكن بيكون في النص بين المنيمم والماكس والعزم معقول بتجري وتسحب زي ما سقتها معايا من سنة ونص وجربت والموتور ناعم مفيش أي صوت خشونة او تخبيط ..لكن بتخسع خفيف شوية في المطلع زي مطلع المقطم عشان بطلعه كتير ..
العالمية ادانى اسعار حاجات تانية سالت عليها للافادة للجميع :
الشبكة الامامية بعلامة تويوتا 180 ج الفانوس الامامى 250الاصلى ج مقبض الباب الخلفي الخارجى 120ج جريدة كالون الشنطة مش موجودة ..
my facebook account name:mohamed mohsen
e-mail :mmohsen2@live.com

انا كانت مشكله الردياتير عندى زيك كده بالظبط و كنت بتابع الميه كويس جدا بس انا ما باحبش اسيب حاجه فى العربيه فقررت اغيره لكن لو كنت سيبته كان كمل معايا تمام اما الموتور النقص اللى بتتكلم عنه ده لو ما معاهوش دخنه من المكنه و لو ما فيش اى تسريب ممكن يكون عادى و اصلا لو العلامه بتبقا قريبه من المنيمم تحت بيبقا فى العربيه حوالى 2 كيلو زيت يعنى ما تقلقش بس تابع مستوى الزيت انا اصلا عندى عيب رخم بقاله حوالى 5 سنين و متعايش معاه الكرتير بتاع الموتور بينقط زيت من حته رخمه و عملته مع احمد كشمير مره قبل كده و جابت تانى و بتابع الزيت و الدنيا ماشيه تمام الحمد لله فاهم حاجه المتابعه و العربيه الاوتوماتك شويه بيبقا فيها نخعه كده مع المطالع لان برده المكنه ال 1300 ضعيفه شويه بس طالما ما فيش اى اعراض اخرى يبقا الدنيا تمام و توكل على الله ما تقلقش

شكرا للمهندس احمد جلال جزاك الله خيرا
للإفادة للجميع :
لقيت 3 -4 محلات في الوكالة شغالين في قطع غيار الملكة متخصصين وكان قريب من شغلي ونزلت جبت الفانوس الاصلى حله من وش عربية وحاول يطلع لي مقبض من باب ورا يمين باب جديد زيرو لكن للاسف الاكرة مسمارها اتكسر منه وسالت ع الرادياتير وموجود ....
المحلات هي اولاد على (منعم) منتهى الذوق والمعاملة الطيبة وشاب محترم وعامل صفحة ع الفيس.وعنده كل حاجة وسالت علي المواتير والفتيس والعفشة كاملة ...
- حمادة الجمل - محمود الشبح - شامى متخصص فوانيس ومرايات يابانى وكورى ..
والله حاجة هايلة انك تلاقى قطع غيار اصلية يابانى سعر معقول لعربية عمرها 20 سنة نعمة ربنا يديمها ..

الف مبروك رواد نادي الكورولا الملكة اتشرفوا بانضمامك تانى ..