السلام عليكم ورحمة الله وبركاته يا شباب
وكل سنه وحضراتكم طيبين
طبع كلنا عارفين ان ريموت الفيكترا اقصى مدى له علشان يقفل او يفتح العربية هو 20 متر ودة لما تكون بطارية الريموت جديدة ولسة بخيرها طيب اية رأيكم لما نخلى المدى دة بدل 20 متر نخليه 50 متر
الموضوع بسيط جدا
حضراتكم عارفين ان ريموت الفيكترا بيبقى فيه حجر بطارية واحد 3 فولت ومن فئة CR 2032 اللى هو بتاع الساعات ودة غليظ شوية كل اللى هنعمله هنشيل الحجر دة ونضع بدلا منه حجرين فوق بعض كل واحد فيهم 3 فولت من فئة CR 2016 ودة نحيف شوية علشان يركبوا مكان الحجر الغليظ
ممكن واحد يسألنى : ممكن كدة الريموت يبوظ علشان زودت الكهربا اللى داخلة عليه هقول له طبعا لا ليه بقى علشان الاتى :
كدة اصبح الريموت الجهد بتاعه 6 فولت بدل من 3 فولت علشان الحجرين متوصلين على التوالى [ فوق بعض ] وشدة التيار ثابتة وممكن تقل كمان يعنى الامبير ثابت يعنى مفيش تاثير على مكونات الوحدة نفسها يعنى مضاعفة القوة والاداء بتاع اشارة الريموت فقط والطريقة دى تنفع لاى ريموت سيارة شغال بنفس الحجر السابق
ودى صورة الحجارة سابقة الذكر






يارب الموضوع يعجبكم
تحياتى