الموضوع: تغير لمبة شاشة البيانات بالكليو "أفضل موضوع لشهر مايو 2009 عن قسم رينو "

ربنا يجزيكم خير يا جماعة على الردود الجميلة دي وربنا عالم أنا تعبت أد أيه عشان أجمع المعلومات دي......فك وتركيب التابلوه مخدش في إيدي ساعة إلا ربع عشان إنت عارف إنت ماشي إزاي

الله المستعان

الله اكبر .......بجد 100/100 يا عمووووووور بجد تسلم ايدك شغل احييك عليه ويارب الواحد يجمد قلبه زيك كده ويهابر بإيده في الحاجات دي مفيد جداً والله ان الواحد يكون ماشي بعربيته كده وعارف كل مسمار فيها رايح فين وجاي منين ...............

سؤال على الجنب كده طالما ماشاء الله ربنا قدرك تفك وتركب التابلوه ....المسامير دي بس هي اللي ماسكه التابلوه ؟ يعني هل انت وانت بتفكها حسيت انها مفكوكه او مهويه شويه ؟

السؤال ده لئني دايما عندي هسهس ناحية تابلوهات العربيات باحس انها من كتر شخللة شوارع المحروسه التابلوه بيشخلل هو كمان ويمشي عامل سيمفونيات بتناغم رائع مع كل تكسير في الشارع او عيون الفران اللي بيحطوها في الطريق دي .....نفس السؤال برضه..........هل بعد ما رجعت التابلوه بسلام لمكانه الطبيعي وسط اخواته الدركسون والايرباج :D حسيت اي فرق يعني كان بيعزف زي مانا بقول وبطل يعزف دلوقتي ولا مافيش فرق.

تحياتي يا وحشنا العزيز وجزاكم الله كل خير على مشاركتنا التجربه وجعلها الله في ميزان حسناتكم ان شاء الله .

أحييك علي شجاعتك و مجهودك.....و أنا من أنصار الdiy :)

شجعتني اني أفك حااجة تانية عندي....بس مش عارف ايه هي :)

المشاركة الأصلية كتبت بواسطة Ramy_Tantawi

الله اكبر .......بجد 100/100 يا عمووووووور بجد تسلم ايدك شغل احييك عليه ويارب الواحد يجمد قلبه زيك كده ويهابر بإيده في الحاجات دي مفيد جداً والله ان الواحد يكون ماشي بعربيته كده وعارف كل مسمار فيها رايح فين وجاي منين ...............

سؤال على الجنب كده طالما ماشاء الله ربنا قدرك تفك وتركب التابلوه ....المسامير دي بس هي اللي ماسكه التابلوه ؟ يعني هل انت وانت بتفكها حسيت انها مفكوكه او مهويه شويه ؟

السؤال ده لئني دايما عندي هسهس ناحية تابلوهات العربيات باحس انها من كتر شخللة شوارع المحروسه التابلوه بيشخلل هو كمان ويمشي عامل سيمفونيات بتناغم رائع مع كل تكسير في الشارع او عيون الفران اللي بيحطوها في الطريق دي .....نفس السؤال برضه..........هل بعد ما رجعت التابلوه بسلام لمكانه الطبيعي وسط اخواته الدركسون والايرباج :D حسيت اي فرق يعني كان بيعزف زي مانا بقول وبطل يعزف دلوقتي ولا مافيش فرق.

تحياتي يا وحشنا العزيز وجزاكم الله كل خير على مشاركتنا التجربه وجعلها الله في ميزان حسناتكم ان شاء الله .

رامي حبيبي إزيك......بص يا باشا الجزء الي إتفك يعتبر الجزء العلوي فقط من التابلوه عشان كدة مش محتاج مسامير كتيرة......باقي التابلوه في الصورة الي إنت شوفتها بعد ما شيلت الجزء العلوي

أما بالنسبة للتزيق ففعلاً كنت باسمع صوت تزيق بسيط أوي حتى إن ساعات وأنا ماشي أروح خابطه خبطة خفيفة:k41: كدة عشان الأصوات دي بتعملي أقلق وفعلاً بعد ما ركبته تاني الصوت دة إختفا تماماً

لأ المسامير مكنتش مهوية خالص

أي خدمة يا باشا

________
تم تثبيت الموضوع
ادارة المنتدى2

المشاركة الأصلية كتبت بواسطة kimo

والله والموضوع دة هايل وانا دوخت علية بصراحة شكرا لك وانا متاكد انك تعبت اوى ومقدر مجهودك بس تسمح لى اوضح لك شىء بالنسبة للمبات شاشة البيانات مش مستهلة فك التابلوة كلة اللى بيتفك بس الجزء النصف دائرة اللى فية شاشة البيانات انا غيرها قبل كدة تقريبا مسمارين وتشدها للامام هتنفك معاك بس بصراحة رب ضرة نافعة وانا مش عارف اشكرك ازاى على افاداتى شخصياولجميع الاعضاء

لا يا كيمو....ده أنا دوخت عشان أعمل الي إنت بتقول عليه ده....خد بالك من الصورة بعد ما شيلت التابلوه....أنا عامل الأسهم الي بتشير على المسامير شاشة البيانات ودي بتبقى خلف التابلوه يستحيل توصلها من غير فك الجزء العلوي

ملوحوظة : دي الطريقة الي بيتفك بيها شاشة البيانات الخاصة بالكليو MK2 PH1 الي هي في مصر من 2000 -2006 وشاشة البيانات الخاصة بالكليو MK2 PH2 الي هي موديل 2007-2008

معلش ما خدتش بالي من أخر مشاركة.......إنت متأكد إن الجزء ده بيتشد للأمام؟؟:k41:....أنا لما فكيت التابلوه كان كله حتة واحدة......عامة أنا هاتأكد من الموضوع دة

لو ركزت شوية في الصورة الي أنا باسحب التابلوه بإيدي هاتشوف الجزء النص دائري جزء لا يتجزء من التابلوه

الي هايجنني إني لما كنت باخش على منتديات خاصة بالكليو فقط كانت ناس كتيرة عندها المشكلة دي وكل الردود كانت لازم التابلوه كله يتفك:ack2: