مشكله فى الالنترا 2015

**WAEL .H** · 03-08-2014 02:15 AM

خلاص يا دكتور
No news is good news

المشاركة الأصلية كتبت بواسطة dr ahmed saleh

Wael.H بشكرك جدا على اهتمامك بس هيا فين الناس دى ....كله بالسمع عايز ناس يكلمونى عن خبراتهم الشخصيه المفروض المنتدى هنا اكبر منتدى عربى للسيارات والحقيقه فى الموضوع اللى ببحث فيه الاجابات غير كافية على الإطلاق

**WAEL .H** · 03-08-2014 02:17 AM

وممكن تدخل على مواقع امريكية وتشوف الريفيوهات عليها
بس تقولنا

**Mido Casper** · 03-08-2014 04:05 AM

المشاركة الأصلية كتبت بواسطة dr ahmed saleh

شكرا mido casper شكرا wael.h بس المشكله ان الالنترا 1600 هنا فى السعوديه مفيهاش abs ....البديل تويوتا ياريس (( منتشره جدا هنا بس أعتقد خفيفه حبتين )) او متسوبيشى لانسر شكل 2008 (( الشارك شكل قديم وأكيد هينزل الحديث )) وانا صراحه معجب جدا بالانترا بس خايف من عيوبها فهل من مجرب يفيدنى

لا متوصلش للياريس ... عندك الراف 4 و الكورولا والفورد فوكس والفورد تورسان ..
الكوري عندك الاسبورتاج.. واعتقد انهم في نفس الرينج ..
الالنترا مش محبذه وخصوصا عشان حضرتك بتقول من غيرabs مع ان من اسباب انتشارها في الشكل القديم اللي نازل من 2009 هو كميه الاوبشنز والرفاهيه اللي فيها و علي رأسها ال abs

**baherhassan30** · 03-08-2014 07:35 AM

[QUOTE=devil_storm;3875689290]مميزات الالنترا
صالون واسع
تسارع كويس
تكييف كويس
شكل كويس
قطع غيار منتشره خارج التوكيل و استراد ( سعر قطع الغيار في التوكيل غاليه جدا)
سعر اعاده بيع كويس

عيوب الالنترا
ثبات متوسط مش عالي ذي الاوربي
دهان وحش
صاج ورق و بتتبهدل بسرعه عكس الاوربي
تقفيل متوسط و اقل شويه من الاوربي
نظام التعليق مش كويس بالذات لو بتمشي في فواصل كباري او ملقات علي سرعه عاليه مع مطبا هوا

مؤؤؤؤؤؤؤؤؤؤؤؤؤؤيد جداااا الكلام ده
وبما اني من ملاك الالنترا في السعودية
دي عيوب الالنترا
اي عيب تاني اختفي في موديلات 2013
ونصيحة من اخوك المصري
بلاش تشتريها من غير الـ ABS
لو دورت شوية هتلاقيها موجودة بالـ ABS شوف الوعلان
ولو مش ناوي تنزلها مصر هات الـ 1800 وانت تحس انك راكب طيارة
بلاش الـ 2000 لان الفئة دي نزلت علشان التاكسيات بسسس .. وكبر ماتور على الفاضي
اصلا هي في الاخر عربية تصنف من العربيات الصغيرة
والخلاصة انك بجد مش هتندم انك اشترتها بس حافظ عليها
ومبروك مقدما
واي سؤال انا موجود

**devil_storm** · 03-08-2014 06:09 PM

المشاركة الأصلية كتبت بواسطة dr ahmed saleh

شكرا mido casper شكرا wael.h بس المشكله ان الالنترا 1600 هنا فى السعوديه مفيهاش abs ....البديل تويوتا ياريس (( منتشره جدا هنا بس أعتقد خفيفه حبتين )) او متسوبيشى لانسر شكل 2008 (( الشارك شكل قديم وأكيد هينزل الحديث )) وانا صراحه معجب جدا بالانترا بس خايف من عيوبها فهل من مجرب يفيدنى

يارس ايه يا برنس !!! لا طبعا، انا سوقتها و طبعا الالنترا افضل بمراحل و فئه اعلي و الالنترا لو من غير عجل افضل من اليارس

**dr ahmed saleh** · 04-08-2014 10:25 PM

Wael.H ; mido casper; devil_storm; baherhassan30
اشكركم على النصائح الغاليه والاهتمام ..ربنا يبارك فيكم
ومازلت متعجب من امتناع ملاك الالنترا عن الاجابات الشافيه والقاطعه

**MOSTAFA MAHER** · 04-08-2014 11:47 PM

انا عايش فى السعودية انصحك ب فورد فوكاس ثبات و راحة و امان وعزل انا كنت شاريها ب 60000 الف ريال من توكيلات الجزيرة موتور 1600 cc و فيها ABS , EBD , ESC,BA , AIRBAGS دى الى هيا اول فءة

**dr ahmed saleh** · 05-08-2014 12:51 AM

Mostafa Maher فورد رائعه بس عندى بعض الاستفسارات
اولا : هيا تقفيل امريكى ولا أوربى
ثانيا: التكييف بتاعها أخباره ايه
ثالثا: ناوى أنزلها مصر ان شاء الله فهل قطع الغيار متوفره فى مصر بسهوله
رابعا : طولت عليك أعذرنى بس انا فى حيره رهيبه

**MOSTAFA MAHER** · 05-08-2014 02:22 AM

المشاركة الأصلية كتبت بواسطة dr ahmed saleh

mostafa maher فورد رائعه بس عندى بعض الاستفسارات
اولا : هيا تقفيل امريكى ولا أوربى
ثانيا: التكييف بتاعها أخباره ايه
ثالثا: ناوى أنزلها مصر ان شاء الله فهل قطع الغيار متوفره فى مصر بسهوله
رابعا : طولت عليك أعذرنى بس انا فى حيره رهيبه

١-تقفيل المانى الخمات جودة ممتازة
٢-بالنسبة لتكيف الصبح الجو بيكون فوء 45 فا بعمل التكيف على 3 مراوح فى الليل بعمل التكيف على مروحة واحدة بس و بيكون تلاجة
٣-أنا بردو ناوى انزلها مصر بس مش عارف اخبار قطع الغيار اية
٤-لو احتجت حاجا أنا تحت أمرك يا باشا

**Sameh samy** · 05-08-2014 02:40 AM

انا سقت الالنترا والسيراتو ولقيت السيراتو الجديدة اثبت وفراملها اقوي وصالونها عجبني اكتر ودي ازواق وانا في الاخر اشتريت كورولا لس السيراتو عندي احسن من النترا
متجيبش موتور مختلف في مصر بصرف النظر عن البنزين والضريبة بس قطع غيار الموتور موش هتلاقيها والريسيل هايبقي وحش بسبب غلاء البنزين والضريبة
بصراحة عيوب ومميزات الالنترا من وجهة نظري وبتكلم عن ال1600 لان دي اللي جربتها
شكل رائع
صالون واسع
تسارع متوسط اقل من الموديل السابق
تكييف ممتاز
خامات داخلية رخيصة لكن انيقة
ثبات سئ خصوصا من الخلف
فرامل زبالة وبتزحف جامد
الصاج زي معظم العربيات الجديدة
ارتفاع عن الارض متوسط وبتحك