ترموستات الكوعة سكودا فليشيا

**meno flicia** · 02-08-2014 05:45 PM

السلام عليكم ...
انا شوفت كتييييييييير عن ترموستات الكوعة في منتدانا العظيم دة وسمعت اني لما الغيها بيساعد في عدم زيادة الحرارة والسخونة في موتور الفليشيا ..

سوالي هنا الي مش لاقيلة اجابة ..
عاوز اعرف مكان ترموستات الكوعة .. وياريت يكون في مؤشر يشاورلي
وازاي الغيها ..

وشكرا لكم .. انا عارف اني بتقل عليكم وان اسئلتي كتيرة ولكن العربية لسة شاريها ومدايقني موضوع الحرارة .. هي فيليشيا كومبي وخصوصا اني مبتدا وراشق عندكم هنا في المنتدي :]

**zxcv38** · 02-08-2014 06:10 PM

أهلا وسهلا بكل
1 وظيفة الكوع هو عبارة بلف بتفتح عند درجة حرارة 88 لمرور سائل التبريد والهدف منه وصول المحرك إلى درجة حرارة 90 والحفاظ على درجة حرارة ثبته
2 ليه بنلغيه علشان الأجواء العندنه حرار 88 درجة مش مناسبة لجونه ممكن كمان بحكم التقادم يقفل وميفتحش والوش السلندر يروح
3 المكان في خرطوم رفيع خارج من قربة المياه شوفه رايح فين هتلاقى الكوع متوصلة فيه

**عبدالله برعى** · 02-08-2014 06:37 PM

لاداعى للالغاء

http://www.nilemotors.net/Nile/430053-a.html

**sakr_skoda** · 02-08-2014 06:37 PM

علشان نعرف هل الثيرموستات موجود ولا ملغى لازم نعمل تجربة::

فك الخرطوم الرفيع اللى داخل اعلى القربة ودا فى الصباح قبل الدوارة وبعد كدا دور العربية لو الخرطون انفعت منه المية يبقى الثيرموستات ملغى غير موجود لو مافيش مية يبقى الثيرموستات موجود وانا اعتقد ان الثيرموستات ملغى**
جرب كدا ورد علينا علشان الفك والتركيب مشكلة حتى لو مسمار واحد لأن السن المونيوم ودا بيبقى العمل فيه بحذر شديد**

**Hamroosh** · 02-08-2014 09:05 PM

أحب اصحح لحضرتك المعلومة..... ترموستات الكوعة مش بتسخن الموتور الا لو كانت عطلانة. ولذلك يفضل تغيرها بواحده سليمة مش الغائها.

أهيمتها هي انها بتحافظ عى درجة حرارة الموتور بين 80 و 90 درجة. ودي هي الدرجة المثلى لعمل الموتور، وده بيقلل استهلاك البنزبن وبيساعد على التزيت الجيد للموتور وسلاسة في الحركة.

مكانها بيكون داخل الكوعة يعني مش بتشوفها من الخارج.. الكوعة دي لها ثلاث فتخات ،، واحد للداخل من الموتور والثانية بنفس القطر تقريبا رايحة للردياتير والثالثة رفيعة رايحة للقربة. الترموستات داخل هذه الكوعة مش هتشوفها غير لما تفكها او بطريقة عم صبحي عند الدوارة الصباحية والعربية بارده. لو لاقيت القربة بتقلب ماية تبقى مش موجوده ولو لاقيت الماية ثابته تبقى موجوده.

**aw2100** · 03-08-2014 12:14 AM

تركيب ترموستات الكوعه افضل بس المشكله لو عطلت وهى مقفوله ولو عاوز تركبها لازم تكون دورة التبريد عندك 10/10 وتكون حاطط المية الموصى بيها من سكودا ال g12 ودى عبارة عن لتر مية حمراء مركزه بتتزود بمية مقطرة مش مية تكييف لو مش متبع الكلام ده وحصل صداء فى دورة التبريد اول حاجة بتقفل الترموستات وكده تضمن ان جوان الوش ضرب
علشان كده بنهرب من الحكاية دى وبنلغى الترموستات
[youtube]http://www.youtube.com/watch?v=dlkT0gqzdeE[/youtube]