هاك على الفيزا الخاصه

**amrezzat82** · 03-08-2014 02:33 AM

الموظف بتاع البنك فتاي - لازم تروح اقرب فرع تعمل حاجة اسمها ديسبيوت DIspute على كل العمليات ديه و تاخد رقم الطلب بكل العمليات اللى جالك بها أشعار على الموبايل و تتأكد ان مفيش حاجة تانية متجنبة و مجلكش بيها أشعار notification
و بعد كده لو سمحت تقدم شكوى فى موظف اللى رد عليك و تطلب انه يتحاسب و تتابع

ثاينا اعمل سكان محترم بزون ألارم فريzonealarm free على اللاب عشان ينضف اي حاجة موجودة عندك

ابعت ايميل على tedata customerservice@tedata.net بتفاصيل اللى حصل معاك بس من غير ما تعطيهم رقم الكارت كله و اكتبلهم على صفحتهم على الفيسبوك

**amrezzat82** · 03-08-2014 02:36 AM

المفروض تسأل على حاجة اسمها سيكيوركود للماستر - ده رقم اضافي بتدخله ع الماستار ع النت عشان يبقى فى حماية اكتر مش اي حد ياخد كارتك

**mk3** · 03-08-2014 03:58 AM

يا نهار الوان
ده انا لسه اول مره استخدم الكارت على موقع تى داتا اول امبارح وحسيت بشئ غلط بسبب ان المعاملة على موقع البنك اللى بيحولى عليه قبل العملية وموقع تى داتا ايرور وده شككنى ان فى شئ غلط ......اتصلت بخدمه عملاء تى داتا طبعا عاملين من بنها...قالى فى الاخى هات رقم المعاملة من البنك بتاعك وهنشوف.....الكلام ده كان الخميس وطبعا البنوك اجازم جمعه وسبت ...ملحوظه الفيزا مدفوعه مقدما غير مرتبطه بحساب

**DreAmO** · 03-08-2014 04:37 AM

موقع Te Data ملوش اي علاقه بالفيزا ولا الدفع بيتم على موقعهم اصلاً

لما بتطلب تدفع بالفيزا بيتم تحويلك على موقع البنك العربي الافريقي .. وانت كمستخدم المفروض تتأكد من صحة رابط البنك .. كإجراء إحترازي .. وهتلاقيه بيبدأ بالربط المؤمن HTTPS .. وده معناه ان تصفحك مشفر ومؤمن

وبعد ما بتدفع على موقع البنك بيتم رجوعك لموقع Te Data تاني وبيظهرلك رقم عملية الدفع .. علشان البنك رد على موقع Te Data ان الدفع تم بنجاح .. عن طريق كود برمجي بينهم

سبب الإختراق حاجه من اتنين .. اما موقع البنك مخترق وده يكاد يكون مستحيل وكان هيبقى في الاف العملاء عندهم نفس المشكله مع البنك

و اما جهازك نفسه اللي مخترق او شبكتك .

**Ahmed_Rahem** · 03-08-2014 08:05 AM

الموضوع دة حصل معايا مرة زمان - قبل موضوع رسائل الموبايل - والبنك قالى ابعت فاكس بالمبلغ الى انت معترض علية وبيعملوا شكوى مع شركة فيزا او ماستر كارد والمبلغ بيترد بعد شهر، والمفروض اى موظف بنك عارف كدة.

**khaled_yassin** · 03-08-2014 07:59 PM

المشاركة الأصلية كتبت بواسطة amrezzat82

المفروض تسأل على حاجة اسمها سيكيوركود للماستر - ده رقم اضافي بتدخله ع الماستار ع النت عشان يبقى فى حماية اكتر مش اي حد ياخد كارتك

انا فعلا معايا الكود دة وبستخدموا ديما

**Land_Cruiser** · 03-08-2014 08:24 PM

المشاركة الأصلية كتبت بواسطة DreAmO

ممكن يكون جهاز حضرتك فيه فيروس او سباي وير .. بيتجسس عليك
وهو اللي سجل بيانات الكارت وانت بتدفع الاشتراك وارسالها للشخص اللي الفيروس شغال لصالحه

أو حضرتك بتستخدم نت عن طريق شبكه والشبكه فيها تجسس

في الأغلب ده فعلا اللي حصل لحضرتك.الجهاز بتاعك عليه virus او malware و سرق رقم الكارت والرقم السري بتوعك. يستحسن تكشف عليه ب antivirus كويس بأسرع وقت

**r0xer** · 03-08-2014 08:39 PM

دي حاجة عادية جداً...

واللي هيحصل انك هيتعملك Charge back.والفلوس هترجعلك مش قبل 40 يوم.

السؤال المهم هو ازاي جهازك حصل عليه هاكينج؟ وهل انت محتفظ ببيانات الفيزا على جهازك وبالذات ccv !

الفلوس هترجع متقلقش وTEDATA ولاغيرها مستحيل تكون طرف او ليها مسؤولية حتى...دي عملية اختراق لجهازك انت بنسبة 99.9% :D

**khaled_yassin** · 04-08-2014 05:11 AM

المشاركة الأصلية كتبت بواسطة r0xer

دي حاجة عادية جداً...

واللي هيحصل انك هيتعملك charge back.والفلوس هترجعلك مش قبل 40 يوم.

السؤال المهم هو ازاي جهازك حصل عليه هاكينج؟ وهل انت محتفظ ببيانات الفيزا على جهازك وبالذات ccv !

الفلوس هترجع متقلقش وtedata ولاغيرها مستحيل تكون طرف او ليها مسؤولية حتى...دي عملية اختراق لجهازك انت بنسبة 99.9% :d

الف شكر ليك يا باشا وتقريبا فعلا المشكله فى جهازى , اهو درس وبنتعلم