هاك على الفيزا الخاصه

**khaled_yassin** · 02-08-2014 09:53 PM

حصلتى مشكله من ساعه ومحتاج رايكم
كنت بدفع اشتراك النت عن طريق الفيزا من الموقع بتع tedata
هى فيزا مشتريات
بعدها لقيت رسايل عماله تيجى على الموبيل ان فى مشتريات بتتم من الفيزا بتاعتى
كلها بالريال السعودى
فطبعا كلمت البنك الاهلى
قولتلوا ان فى رسايل اتبعتتلى بعمليات مشتريات انا ما عملتهاش
المهم فى الاخر اوقف الكارت وبيقولى هنستنى 10 ايام لحد ما المبلغ يسمع ويتسحب من حسابك
طب يا عمنا اوقف العمليه قبل ما تتنفذ يقولى اى كلام ولا فاهم منوا اى حاجه
فى الاخر اوقف الفيزا وقالى تابع معانا على مدى ال10 اايام واى عمليه هتسمع فى حسابك هنعمل شكوى عليها
طب الفلوس دى مين هيحاسب عليها بيقولى انت ,,,,,لو اتثبت انى انا الى عملت المشتريات
طبعا انا مش فاهم منهم اى حاجه وعايز اعرف دلوقتى ايه الى المفرو ض اعملوا ؟؟
والفلوس دى مين هيشيلها؟؟؟

**Hussein_Ramdan** · 02-08-2014 10:04 PM

ينهار منيل انا كام يوم روحت البنك عملت فيزا طبعا منفصلة عن حسابى كنت عايز استخدمها فى الشراء والفاوتير
حد يقولنا ياجماعة اية الى هيتم معا الراجل دة هيخدو الفلوس منو ولاة هيرحوعها لي

**Y a r i s** · 02-08-2014 10:21 PM

كان في برضو البنك عندي عمال يزن عليا علشان اخود كرت ئئتماني وحبت حجات كده وانا ارفض ،.. المهم البت بتسئلني عن سبب رفضي قلتلها انا مش رافض الفكرة ولا خايف منها ان كل الي بخشاه هو غباوت معاملات البنوووووك .

فعلاً عيب التعامل مع البنوك ان كل حاجة عندهم يقلولك هوا كده وعاجبك عاجبك مش عاجبك برضو هتدفع . انا باستغرب ان حضرتك بتقول اتصلت بالبنك الاهلي وردوا عليك. ... انا عمري ما اتصلت. على البنك الاهلي ولقيت حد رد عليا ابداً ودايماً الخط مشغول .

**khaled_yassin** · 02-08-2014 10:47 PM

شركه ماستر كارد قمه فى الاحترام
البنك الاهلى دة عايز ضرب النار
الناس كلمونى من ماستر كارد دلوقتى وبيسالنى بيقولى حضرتك فى اكتر من عمليه تمت وراء بعض فى وقت قصير بمواقع اجنبيه وسعوديه وحضرتك مصرى ,, هل حضرتك قومت بالعمليات دى
قولتلوا انت وقعتلى من السماء انا الفيزا حصل ليها هاك وكلمت البنك الاهلى وما استفدش باى معلومة
فشرحولى اعمل ايه بالظبط و وقالى الفلوس هترجع لحضرتك تانى بس لازم تروح لاقرب فرع ليك فى البنك وتقدم طلب بوقف كل العمليات دى
قولتلوا هما قالولى استنى 10 ايام على ما تسمع
قالى حضرتك تروح بكره اقرب فرع وتقدم الطلب واحنا هنتابع معاك

**khaled_yassin** · 02-08-2014 10:52 PM

المشاركة الأصلية كتبت بواسطة Hussein_Ramdan

ينهار منيل انا كام يوم روحت البنك عملت فيزا طبعا منفصلة عن حسابى كنت عايز استخدمها فى الشراء والفاوتير
حد يقولنا ياجماعة اية الى هيتم معا الراجل دة هيخدو الفلوس منو ولاة هيرحوعها لي

انا على طول شغال بيها مشتريات وزى الفل
لما افكر ادفع te data يحصل الفلم دة

**Hussein_Ramdan** · 02-08-2014 11:03 PM

المشاركة الأصلية كتبت بواسطة khaled_yassin

انا على طول شغال بيها مشتريات وزى الفل
لما افكر ادفع te data يحصل الفلم دة

اصل انا بردو البنك الاهللى انت استخدمتو من الموبيل ولاة الجهاز

**khaled_yassin** · 02-08-2014 11:56 PM

من اللاب

**MuhamedNabil** · 03-08-2014 12:20 AM

شكرا على التحذير
و لازم تبلغ tedata برده عشان يتخذوا اللازم و غيرك ميتضريش

**DreAmO** · 03-08-2014 02:10 AM

ممكن يكون جهاز حضرتك فيه فيروس او سباي وير .. بيتجسس عليك
وهو اللي سجل بيانات الكارت وانت بتدفع الاشتراك وارسالها للشخص اللي الفيروس شغال لصالحه

أو حضرتك بتستخدم نت عن طريق شبكه والشبكه فيها تجسس