إستفسارات بخصوص الكروز 2014

**MdMostfa** · 02-08-2014 10:44 PM

بعد بحث وتدوير كتير إستقريت إن شاء الله على كروز 2014 بس كان عندي حبة إستفسارات أتمنى الناس اللى معاها كروز تقدر تساعدني فيها علشان اقدر احسم قراري إن شاء الله

1. الكروز 2014 منها هاي لاين ولا كل اللى موجود ستاندرد بس؟
لما سألت التوكيل قاللى فيه ستاندرد بس، حتى الويب سايت بتاعهم مفيهوش غير مواصفات الستاندرد وعاملة دلوقتى من منصور 153 الف رغم إني شوفت ناس كاتبه هنا ع المنتدى إنها إشترت هاي لاين في شهر 7 يعني لسه قريب جدا!

2. لو فيه هاي لاين، الفرق بينها وبين الستاندرد إيه، وألاقيها ف أنهى معرض وسعرها في حدود كام تقريبا؟

3. كتير كاتبين إن الكروز فيها ebd والتوكيل سواء ع التليفون أو موظف المبيعات بيقولولي لأ مفيهاش غير ABS و ESP حتى بروشور النسخة الستاندرد مفيهوش ذكر للebd على عكس ما ناس كتير هنا كاتبه إنه موجود فيها!

4. هل العربية تصلح لحد متعلم سواقة جديد وأول مرة هيركب سيارة بعد التدريب المكثف في سنتر تعليم مانويل واتوماتيك ولا هيبقا فيه تعقيدات من التكنولوجى الكتير اللي فيها وممكن يبوظها لقلة خبرته؟

معلش انا عارف إن الأسئلة كتير بس دي اول مرة هجيب عربية وسعرها مش بسيط، صحيح أنا مش عايز أجيب أي حاجه والسلام بس بردو مش عايز أجيب حاجة ابوظها واصرف عليها كتير بسبب قلة خبرة ودراية فهبقا شاكر جدآ لأي حد هيقدر يساعد بمعلومة حتى لو كانت بسيطة..

تحياتى..

**armobarak** · 03-08-2014 12:46 AM

المشاركة الأصلية كتبت بواسطة MdMostfa

بعد بحث وتدوير كتير إستقريت إن شاء الله على كروز 2014 بس كان عندي حبة إستفسارات أتمنى الناس اللى معاها كروز تقدر تساعدني فيها علشان اقدر احسم قراري إن شاء الله

1. الكروز 2014 منها هاي لاين ولا كل اللى موجود ستاندرد بس؟
لما سألت التوكيل قاللى فيه ستاندرد بس، حتى الويب سايت بتاعهم مفيهوش غير مواصفات الستاندرد وعاملة دلوقتى من منصور 153 الف رغم إني شوفت ناس كاتبه هنا ع المنتدى إنها إشترت هاي لاين في شهر 7 يعني لسه قريب جدا!

2. لو فيه هاي لاين، الفرق بينها وبين الستاندرد إيه، وألاقيها ف أنهى معرض وسعرها في حدود كام تقريبا؟

3. كتير كاتبين إن الكروز فيها ebd والتوكيل سواء ع التليفون أو موظف المبيعات بيقولولي لأ مفيهاش غير ABS و ESP حتى بروشور النسخة الستاندرد مفيهوش ذكر للebd على عكس ما ناس كتير هنا كاتبه إنه موجود فيها!

4. هل العربية تصلح لحد متعلم سواقة جديد وأول مرة هيركب سيارة بعد التدريب المكثف في سنتر تعليم مانويل واتوماتيك ولا هيبقا فيه تعقيدات من التكنولوجى الكتير اللي فيها وممكن يبوظها لقلة خبرته؟

معلش انا عارف إن الأسئلة كتير بس دي اول مرة هجيب عربية وسعرها مش بسيط، صحيح أنا مش عايز أجيب أي حاجه والسلام بس بردو مش عايز أجيب حاجة ابوظها واصرف عليها كتير بسبب قلة خبرة ودراية فهبقا شاكر جدآ لأي حد هيقدر يساعد بمعلومة حتى لو كانت بسيطة..

تحياتى..

1- كروز 2014 نازلة فئة واحدة بس وبيتقال عليها هاي لاين ... أنا جبتها في آخر شهر 6 كانت بـ 149000 .. بس أسمع إنها بقت بـ 153000 فعلا .

2- مش متأكد من ال ebd بس هي فيها ABS w ESP w TC

3- العربية مش معقدة وإن شاء الله تعرف تسوقها بـسهولة

ربنا يهدييك للاختيار الصح وهي عربية جميلة جدا ماشاء الله ومتحسش وإنت سايقها إنك سايق كوري خالص

**cosmo** · 03-08-2014 01:03 AM

مفيش esp بدون ebd

**skoda1996** · 03-08-2014 02:35 AM

المشاركة الأصلية كتبت بواسطة armobarak

1- كروز 2014 نازلة فئة واحدة بس وبيتقال عليها هاي لاين ... أنا جبتها في آخر شهر 6 كانت بـ 149000 .. بس أسمع إنها بقت بـ 153000 فعلا .

2- مش متأكد من ال ebd بس هي فيها ABS w ESP w TC

3- العربية مش معقدة وإن شاء الله تعرف تسوقها بـسهولة

ربنا يهدييك للاختيار الصح وهي عربية جميلة جدا ماشاء الله ومتحسش وإنت سايقها إنك سايق كوري خالص

رد ممتاز و انا معايا العربية و انصح بيها بشدة
بس رأيي الشخصي في كونها كوري
الفلوينس فرنساوي و لا تركي ... لانها تقفيل تركي ؟ الناس بتقول فرنساوي
الكورورلا ياباني و لا تركي .... لانها تقفيل تركي ؟؟؟الناس بتقول ياباني
الكروز موتور و شاسية و عفشه الماني ... تقفيل كوري ... تبقي عربية كوري ؟

لو عشان كانت بتنزل زمان دايو لاسيتي و شيفروليه اشترتها ... يبقي الفلوينس نفس القاعده دي
لانها كانت من شركة سامسونج SM3 و رينو اشترتها
ملحوظة اخيرة : التقفيل الكوري أرقي كتير جدا من التركي
اعذرني علي التعقيب .. يارب تقبل رأيي

**MdMostfa** · 03-08-2014 04:26 PM

متشكر جداً لردود حضراتكم

بس هل أكيد موضوع إن الكروز 2014 ملهاش غير فئة واحدة بس وهى الستاندرد؟

فيه ناس هنا كاتبه انها جايبه هاى لاين ده بالاضافة لإنى قريت إن فيه ناس معاها كروز فرش جلد والمفروض انها دى الهاى لاين، إنما الستاندرد على حسب ما واضح عندى فى البورشور فهى فرش قماش!!

ياريت حد من ملاك العربية أو اللى نزل سأل عليها يأكدلنا المعلومه دى وشاكر جداً لردودكم!

**ashouhdy** · 03-08-2014 04:51 PM

مجموعة الفرامل ال bosch اللي فيها هي متكاملة abs ebd عشان شركة bosch مش بتعمل abs اصلا من غير ebd

و متعتمدش في المبيعات عالمعلومات لانهم اصلا مكانوش يعرفوا اية ال tc من الاساس

Sent from my SM-C115 using Forum Runner

**armobarak** · 03-08-2014 07:46 PM

المشاركة الأصلية كتبت بواسطة mdmostfa

متشكر جداً لردود حضراتكم

بس هل أكيد موضوع إن الكروز 2014 ملهاش غير فئة واحدة بس وهى الستاندرد؟

فيه ناس هنا كاتبه انها جايبه هاى لاين ده بالاضافة لإنى قريت إن فيه ناس معاها كروز فرش جلد والمفروض انها دى الهاى لاين، إنما الستاندرد على حسب ما واضح عندى فى البورشور فهى فرش قماش!!

ياريت حد من ملاك العربية أو اللى نزل سأل عليها يأكدلنا المعلومه دى وشاكر جداً لردودكم!

أكيد العربية نازلة فئة واحدة بس وهي الهاي لاين ... ونازلة فرش قماش ...اللي كان نازل فرش جلد (وفي رأيي كان سيء جدا ) كان التوب لاين 2013

**nouranwar** · 03-08-2014 08:24 PM

لو حضرتك عايز عربية قمة في الفخامة و الثبات الرائع جدا جدا جدا يبقي الكروز طبعا
الاول الكروز كات 3 فئات البيزك و الهاي لاين و التوب لاين دلوقتي كل اللي بشوفه هاي لاين معرفش فيه البيزك ولا لأ !!!
العربية جبت بيها 205 و ثبات متناهي (رائعة)
بالنسبة ان حضرتك لسه متعلم فالعربية كبيرة مش صغيرة فخلي بالك علشان عريضة (فخمة جدا)
من الاخر ربنا يباركلك ان شاء اللهو تجيب كروز علشان هقعد اكلم حضرتك عليها مش هسكت علشان انا بعشق العربية ديه

**skoda1996** · 03-08-2014 11:25 PM

المشاركة الأصلية كتبت بواسطة armobarak

أكيد متقبل رأيك لإن تقريبا كلامنا في النهاية واحد :d

أنا أقصد بـكلامي إن بالرغم من إن تقفيلها كوري فانت مبتحسش بـده من جودة تقفيلها وعزلها الممتاز وثباتها الوهمي . العربية ممتازة ما شاء الله

تسلم يا محترم