الموضوع: رابطه مالكي الباسات b6 3c من 2006-2011

انا ربنا كرمني وجبت باسات 2008 هاي لاين وكيل من 3 ايام وبسم الله ماشأالله العربيه جميله وربنا يبارك فعربيتكو جميعا،
بس في حاجات مش عارف اشغلها،،
1- في فالطاره زرار عليه رسمة سماعه تليفون بس مش لاقي بلوتوث اصلا،
2- زرار الاوتو هولد لما بدوس عليه مش بيحصل اي حاجه ولا بينور ولا في لمبه بتظهر فالعدادات،مش عارف بيشتغل ازاي،
3- وهي العربيه فيهاaux ولا ﻻ ومكانو فين،

مساء الخير يا جماعه،،هي الباسات كومبرسور واحد ولا اتنين،،
انا عربيتي 2008 هاي لاين تكييف كيمترونك والتكييف كان شغال زي الفل بس من يومين كدا لما بشغل التكييف بقت الفتحات اللي عند كرسي السائق بتطلع هوا ساقع واللي عند الكرسي اللي جنب السواق بتطلع هوا سخن والاتنين مظبوطين علي وضع Lo دي يبقي عيب ايه او ابص علي ايه قبل محد يشتغلني وحتي لو غيرت وضع الهوايات لاعلي او لاسفل نفس القصه الجنب اليمين سخن والشمال بارد ولكم جزيل الشكر

انا اشتريت العربيه من شهر تقريبا ومغيرتش فلتر التكييف بس انهارده الصبح جربت التكيف والجانبين اشتغلو بارد بس مش عارف المشكله كانت في ايه

دي أول مرة لي أفكر في شراء باسات و الحقيفة ناس شكرت لي في الموديل القديم حتى 2005
لكن الان امامي عربيه 2007 و سعرها معقول
بس ناس كتير حذرتني أن هذا الموديل حتى لما كان على الزيرو كان دائم المشاكل بالفتيس و التكييف بصفة خاصة و أن أسعار قطع غيارها عاليه جداً و صيانتها مكلفة جداً و أنها تعمل فقط ببنزين 95
ناس تانية قالت أن هذا الموديل ليس بة أي مشاكل نهائي و أنه يعمل ببنزين 92 عادي

ياريت أهل الخبرة يفيدوني أي الرأيين صحيح؟ و ياريت تفيدوني أيه أسعار قطع الغيار و هل هناك أعطال متكررة؟

و شكرا للجميع

دي أول مرة لي أفكر في شراء باسات و الحقيفة ناس شكرت لي في الموديل القديم حتى 2005
لكن الان امامي عربيه 2007 و سعرها معقول هي الفئة التانية ستيب ترونك من غير فتحة سقف و موتورها 1600 سي سي و بها 8 اير باج و طارة مالتي

بس ناس كتير حذرتني أن هذا الموديل حتى لما كان على الزيرو كان دائم المشاكل بالفتيس و التكييف بصفة خاصة و أن أسعار قطع غيارها عاليه جداً و صيانتها مكلفة جداً و أنها تعمل فقط ببنزين 95
ناس تانية قالت أن هذا الموديل ليس بة أي مشاكل نهائي و أنه يعمل ببنزين 92 عادي

ياريت أهل الخبرة يفيدوني أي الرأيين صحيح؟ و ياريت تفيدوني أيه أسعار قطع الغيار و هل هناك أعطال متكررة؟

و شكرا للجميع

المشاركة الأصلية كتبت بواسطة Ahmed Saad

للأسف مواتير ال fsi مش بتنفع مع بنزين 92 وبتكركر جامد علشان نسبه انضغاطها عالي 1:12 عكس ال Tsi نسبه انضغاطها 1:10 فممكن تشتغل 92 عموما ممكن كل تفويله تحط علبه اوكتين بووستر هتلاقى التسقيف قل جدا علشان التسقيف الكتير بيأثر جامد على المحرك على المدى الطويل

انا للأسف عندى نفس المشكلة العربية باسات 2012 بتكركر او تنتش لما اكون على سرعة عاليه و بعدين انزل بالسرعه و اجى ادوس بنزين علشان اعلى بالسرعه تانى الاقيها كركرت و رحت كشفت مرتين بالجهاز مطلعش فيه error و احد فيهم قاللى ممكن تكون الموبينا بتفصل و الثانى كان احمد زاهر اللى فى صقر قريش المعادى قاللى ممكن يكون علشان بحط بنزين 92 و نصحنى احط 95 و لما فولت 95 التنتيشة راحت شويه لكنها مازالات موجوده و مش معقول كل مره ححط 95 لأن الموضوع مكلف جدا.
يا ريت لو تقدر تفيدنى لأن موضوع التقطيع ده له اسباب كتير منها البوجيهات او اسلاك البوجيهات او طرمبة البنزين او الموبينا و ممك تكون اسطوانه الدبرياج لأنها تقريبا قربت تتغير. و هل لو فيه عيب فى الحاجات اللى فاتت كان ظهر على الجهاز فى الكشف؟؟