مشكله عويصه جدا و غريبه فيرنا

**hamoudaaaaa82** · 03-08-2014 11:19 AM

يا شباب السلام عليكم

انا عربيتى فيرنا عندى مشكله بقالها 3 شهور مش لاقلها حل العربيه بعد ال 100 والتكيف شغال بتسخن و لو قفلت التكيف اول لما تسخن الحرارة تنزل مع العلم انى وانا ماشى فى وسط اليلد والحر والزحمه و مشغل التكيف و معليه على الاخر عمرها ما تسخن ابدا حتى لو 3 ساعات بلف المشكله بمجرد ان اجرى بيها و اعدى ال100 والتكيف شغال الحرارة تعلا و متنزلش غير لو قفلت التكييف
و لو فضلت مثبت سرعه على 80 و مش بحرق على المتور والتكيف شغال عادى جدا باخد الدائرى كلوا على 80 والتكييف شغال ول زودت عن ال 100 فى اى وقت تسخن على طول

1- تم تنظيق دورة المياة والريداتير بالكامل
2- غبرت الترموستات
3- كشفت على الشكمان كلو و سليم
4- كشفت على المتور و على البوجهات لتكون بتعرق

مش لاقى حل و غالبن هروح التوكيل بس قلت اسئل هنا جايز الاقى افادة و شكرا

**أسامه الحسيني** · 03-08-2014 11:43 AM

اتأكدت ان السرعه الثانيه للمروحه بتشتغل لما بتشغل التكييف

**hamoudaaaaa82** · 03-08-2014 11:49 AM

انا عندى المروحتين مفهومش مشكله والاتنين بيشتغلو و لو فيه مشكله فى المروحه هتاثر معايا وانا على السرعة و وانا واقف و انا ماشى براحه لاكن زى ماذكرت الحرارة بتعلى فقط بعد ال 100 مع التكييف

**hamoudaaaaa82** · 03-08-2014 11:50 AM

و هو فيه سرعات للمروحه انا معنديش فكرة

**Sameh samy** · 03-08-2014 12:24 PM

المراوح سرعتين ايوة اتاكد منها
اتاكد من الكباس وان اللي بتاعة موش خشن او تقيل لانو ممكن يكون حمل علي الموتور زيادة
اتاكد من صحة توصيل المراوح ممكن يكون السلكين مخلوفين المروحة بتلف عكس
التعريق موش معناة ان الموتر حالتة كويسة معناة ان العربية مظبوطة فقط وانا زمان كان معايا عربية موتورها خفيف وبتعرق مية برضو
علي فكرة كان معايا كورولا كانت بتسخن مع التكييف لما الموتور خف ودي مشكلة الفيرنا عربية جراية وناعمة واللي بيركب بيقرص عليها من غير مايحس فالموتور موش بيتحمل
نضف سربنتينة التكييف بالهوا وبعدين اغسلها لو فيها رمل بتعمل زي المنقد اللي بيعملو بية قهوة في القهاوي
متحطش في العربية مية من الحنفية ولا مية خضرا مالهاش اسم لان مرة جبتها وطلع فيها مية نار حط مية موبيل فقط
اتاكد من كفاءة طلمبة المية ان ضغطها شديد
اتاكد من سير الموجموعة انو مشدود كويس لانو بياثر علي عمل طلمبة المية

**hamoudaaaaa82** · 03-08-2014 12:38 PM

واضح انك فاهم كويس انا متوقعتش اى حاجم من الكلام دة بس سؤال اخير بدل ما الف على كل الكلام دة لو حطيت العربيه على الجهاز و كشف عليها باكمبيوتر لو اى عيب من الى انت ذكرته هيطلع فى الكشف ؟ او عمتن ممكن العيب دة او المشكله دة تطلع فى الكشف و شكرا