السلام عليكم ياشباب
فى سؤال محيرنى شوية وعايز رايكم فية انا لو حبيت استخدم مرممات زادو للموتور هل المفروض انى استخدم قبلها موتور فلاش عشان انضف الموتور من جوا من الكربون والاوساخ اللى بتبقى موجودة جواة نتيجة استخدام الزيت لأن احنا عارفين ان المرممات دية بتعمل طبقة على السلندرات وكدة فهل المفروض انى انضف الموتور قبل استخدامها بحيث ان اسطح السلندر تبقى نظيفة وظاهرة والمرمم يقدر يعمل شغلة كويس ويبان تاثيرة ولا الأوساخ ( اسف للفظ ) مش بتبقى للدرجة دية او مش هتاثر فى عمل المرممات
ممكن تراجع تجربتى
ممكن تفيدك
http://www.nilemotors.net/Nile/319909-a.html
تحياتى
والله ياباشا الموضوع جميل وربنا يبارك لحضرتك بس المشكلة برضو ان مش جايب راى قاطع هل الموتور فلاش بياثر سلبا على الموتور او بيزود الخلوصات فى الموتور نتيجة ازالة الأوساخ الموجودة بين السلندر والشنابر وبالتالى بيخلى الموتور يخف ولا اية ياريت لو اجابة قاطعة لأنى موسوس شوية فى الحاجات دية هههههه ؟
حطيتة فى العربية من سنةاقتباس:
المشاركة الأصلية كتبت بواسطة gelgel2004
متابع
الحقيقه موش متاكداقتباس:
المشاركة الأصلية كتبت بواسطة hafizahmad
و برضه نشوف راى الخبراء بالمنتدى
تحياتى
والله انا شايف إنك قبل تغير الزيت نفسه بيعتبر غسيل للماتور خصوصا لو العربيه جايه من مشوار وتغير ع طوووول " بالنسبه للفلاش " انا قريت عنه كتير جدا وضرره أكتر من نفعه لانه بياكل الجوانات والاولسيهات لو منزلش كله ولازم له شفط مش كفايه الطبه " وناس قالت لك تحطه ع زيت جديد وليكن جركن تعاون ب 60 جنيه وناس تقول لك ع الغيار القديم ياعم ولا ده ولا ده انا اخد العربيه مشوار واغيره وهوه سخن او اشفطه لكن فلاش ده ميتهيأليش إنه كويس إمال الفلتر لزمته إيه بقه ... صح
شكر اجزيلا لكل الاخوة على الرد وهو فعلا مشكلة لو تبقى منة شوية فى الموتور لأنى قريت موضوع عن تجربة استخدام للفلاش هنا فى المنتدى والشخص اللى استخدمة بعد مانزلة من الموتور مع الزيت القديم كان بالصدفة بيظبت التكيهات فلقى ان فية لسة كمية منة موجودة وطبعا كانت هتبقى مشكلة لو فضل فى الموتور بس انا عايز استخدمة بس عشان المرممات وخايف انها تلتصق بالشوائب فى الموتور ومش على سطح السلندر ياريت تكون فكرتى واضحة
ممكن تجرب الفلاش تاني يا باشااقتباس:
المشاركة الأصلية كتبت بواسطة gelgel2004
ولا الفكرة مرفوضة بعد التجربة
ممكن بس بشرطاقتباس:
المشاركة الأصلية كتبت بواسطة s o p h o s
1/ بعد كل 40 000 الف كيلومتر
2/ يكون نوع معتمد و لا يحتوى على كيماويات قدر الامكان
3/ يستحسن تنزيل الزيت من الطبة و الفلتر و بعدين نشفط من فتحة تزويد الزيت بالهواء كويس جدا
جرب الفلاش
كده ولا كده الزيوت الجديده كلها من خواصها تنظيف الشوائب ومخلفات الاحتراق. ولو غيرنا الفلتر كل مره مع الزيت حنضمن نظافه المحرك من غير قلق استعمال الموتور فلاش.
وطالما استعماله فى خطوره ولو بسيطه على المحرك يبقى قلته احسن وممكن اغير الزيت بدرى عن معاده شويه واريح نفسى من القلق
للاسف معظم الناس بتستخدم الفلاش غلط....والاسوء انهم بيشتروا انواع رخيصه......زى الابرو المضروب ابو عشرين وخمسين.....وكل الحاجات الرخيصه دى بتنضف الموتور لكن بتضر زى ماالاخوه ذكروا الجوانات والاويل سيل....وده ناتج عن استخدام الشركه المضروبه مش الاصلى طبعا مواد كميائيه مضره......فااللى عايز ينضف موتوره يجيب نوع فلاش كويس مم شركات محترمه زى ليكوى مولى او xado ......غاليه علشان مكونتها بتنضف ومابترضش الموتور......وطالما حتحط مرمم من xado ....حط الفلاش بتاعهم
إضافات الزيوت بأنواعها المتعددة هي أسوأ شيء ممكن تعمله لزيت الموتور...
كل اللي بنسمع عليه من إضافات سواء كانت مرمم.. مقلل احتكاك.. زيت فلش.. زيت شنبر.. كلها مالهاش فايدة إطلاقا للموتور وأضرارها أكتر من فوايدها بكتير... ده بفرض إنها مش مضروبة أساسا...
رجاء... استخدم الزيت الصح اللي مواصفاته مكتوبة في كتالوج عربيتك.. وابعد عن إي إضافات للزيت نهائي...
ده مش كلامي أنا... ده المكتوب في كل كتالوجات العربيات بلا استثناء...
وكمان ده كلام كل شركات الزيوت المحترمة...
وتأكد.. إن مفيش شركة زيوت حتنزل إضافة تتباع للناس في الأسواق العادية إلا والموضوع في نصب بشكل من الأشكال...
اللي عايز يعرف أكتر ممكن يدخل على الموضوع ده..
إضافات الزيوت... إيه الحكاية؟
...