نفسى الاقى حد يعملنا تقرير عن الاتراج !

**shedoz** · 03-08-2014 07:27 PM

مفيش اى حد من ملاك الاتراج عايز يفدنا كده

**ARKOON** · 03-08-2014 09:09 PM

محدش اشترى العربية اساسا ؟؟
بمعنى ايه يخليك تدفع 97 ألف في عربية 3 سلندر وحجمها قد كدا ومفهاش حاجة مميزة غير انها تقفيل بلادها
ودي حاجة مش شوية بس دا الى مغلي سعرها .. عموما من ساعة ما نزلت العربية دي وشوفتها وركبتها في المعرض مش لاقي اي اتراج ماشية في الشارع ولو لقيت حد هثبتوا واسألوا عن العربية :)

**ARKOON** · 03-08-2014 09:22 PM

العربية ميزتها في توفيرها للبنزين تحفة لكن اعتمادية الماتور لسة مع الوقت هتلاقى اكتر من مشاركة وموضوع عن العربية .
ودا الموقع الرسمي للعربية . The All-new Mitsubishi Attrage 2013. Finally your perfect match is here. .

**mestca** · 03-08-2014 10:08 PM

العربية معايا بقالها اسبوع و لسة هرخص بس ماشاء الله العربية كويسة خاصة انى معايا كيا سيراتوا و مش حاسس بفرق غير ان الاتراج اكتر نعومية و عفشة حلوة قوى و باور كهربا بيتقل كل ما تزيد سرعتك بالنسبة للماتور بقى فهوا متناسب مع وزن العربية ازاى خد المثال دة
وزن الاتراج الاوتوماتيك حوالى 930 ك مع قدرة ماتور 78 حصان يعنى 1 حصان لكل11.9 ك
اما البومة و زنها حوالى 1218 ك مع قدرة ماتور 105 حصان يعنى كل 1 حصان على 11.6 ك
يعنى الفرق فى قدرة الماتور مع وزن العربية قريب يعنى متسوبيشى عاملة حساب العربية فى السحب عن طريق وزن العربية اللى اخف مع توفير بنزين حل معادلة صعبة

**shedoz** · 03-08-2014 10:30 PM

المشاركة الأصلية كتبت بواسطة mestca

العربية معايا بقالها اسبوع و لسة هرخص بس ماشاء الله العربية كويسة خاصة انى معايا كيا سيراتوا و مش حاسس بفرق غير ان الاتراج اكتر نعومية و عفشة حلوة قوى و باور كهربا بيتقل كل ما تزيد سرعتك بالنسبة للماتور بقى فهوا متناسب مع وزن العربية ازاى خد المثال دة
وزن الاتراج الاوتوماتيك حوالى 930 ك مع قدرة ماتور 78 حصان يعنى 1 حصان لكل11.9 ك
اما البومة و زنها حوالى 1218 ك مع قدرة ماتور 105 حصان يعنى كل 1 حصان على 11.6 ك
يعنى الفرق فى قدرة الماتور مع وزن العربية قريب يعنى متسوبيشى عاملة حساب العربية فى السحب عن طريق وزن العربية اللى اخف مع توفير بنزين حل معادلة صعبة

اولا ربنا يباركلك فيها ويديك خيرها ويكفيك شرها ممكن اعرف دى الفئه الكام وايه الكماليات اللى فيها ويعنى سحب العربيه مقار لسحب السيراتو بما انك واخد عليها ؟ وهل ممكن تبقى تصورها وتنزلها فى الموقع هنا

**shedoz** · 03-08-2014 10:32 PM

المشاركة الأصلية كتبت بواسطة arkoon

محدش اشترى العربية اساسا ؟؟
بمعنى ايه يخليك تدفع 97 ألف في عربية 3 سلندر وحجمها قد كدا ومفهاش حاجة مميزة غير انها تقفيل بلادها
ودي حاجة مش شوية بس دا الى مغلي سعرها .. عموما من ساعة ما نزلت العربية دي وشوفتها وركبتها في المعرض مش لاقي اي اتراج ماشية في الشارع ولو لقيت حد هثبتوا واسألوا عن العربية :)

يا فندم اسعار العربيات كلها بقت كده اكيد انت متباع بس انا بدأت اشوف منها وخلى بالك هيا لسه مبقالهاش شهرين تلاته تقريبا والمعارض كلها منزلها وبعدين ميتسوبيشى مش هتعمل اى عربيه والسلام اكيد ملهاش حل دى وجهت نظرى

**mestca** · 03-08-2014 11:17 PM

الفئة الاولى اوتوماتيك السحب كويس مش شايف فرق سوى ان السيراتوا مانيول و الاتراج اوتوماتيك ودة الفرق بس
العربية فيها abs و طبعا edb و باور كهرباء 2 زجاج كهرباء 1 ايرباج للسائق راديوا 2 سماعة mp3 cd
مفيش فتحة usb العربية واسعة جدا من جوة اوسع بكتير من الافيوا الشنطة واسعة من جوة و فرق الوسع دة جاى لان الماتور 3 سلندر اصغر من ماتور الافيوا 4 سلندر ودة معوض فى المساحة الداخلية العربية لسة همشى بيها اكتر و ابقى احكيلكوا عليها كل فترة لانى مش هقدر اوصف كل مافيها و انا لسة بجربها بس المقدمات كويسة قوى

**dr_hady4447** · 04-08-2014 03:35 AM

المشاركة الأصلية كتبت بواسطة mestca

الفئة الاولى اوتوماتيك السحب كويس مش شايف فرق سوى ان السيراتوا مانيول و الاتراج اوتوماتيك ودة الفرق بس
العربية فيها abs و طبعا edb و باور كهرباء 2 زجاج كهرباء 1 ايرباج للسائق راديوا 2 سماعة mp3 cd
مفيش فتحة usb العربية واسعة جدا من جوة اوسع بكتير من الافيوا الشنطة واسعة من جوة و فرق الوسع دة جاى لان الماتور 3 سلندر اصغر من ماتور الافيوا 4 سلندر ودة معوض فى المساحة الداخلية العربية لسة همشى بيها اكتر و ابقى احكيلكوا عليها كل فترة لانى مش هقدر اوصف كل مافيها و انا لسة بجربها بس المقدمات كويسة قوى

منتظرينك