عايز حل ل موضوع رفعي ده

**J A G U A R** · 04-08-2014 03:12 AM

المشاركة الأصلية كتبت بواسطة mahmoud_ali

وانا كمان زيك بس انا 68 وطولى 168

انت كده ممتاز جدا

الوزن والجسم المظبوط بيكون بين الطول والوزن 100

**3mr Farrag** · 04-08-2014 04:14 AM

بص يا باشا
انا يعتبر نفس مشكلتك
و قعدت ادعبس علي حل لحد ما قرفت
مع احترامي لبقيه الناس اللي ردت
بس معظم الردود اي كلام حمصي
مافيش حاجه اسمها اضرب بضتين علي حته سمنه علي زبادي خلاط بشويه عسل خرفان هتتخن ديه
ده معلش اسمه اي كلام
فيه حاجه اسمها ميتابولزم الجسم و ده بيفرق من شخص لشخص
واحد لو اكل شويه شيبسي علي كذا يوم ممكن يتخن كام كيلو
الكلام ده حقيقي مش هجص و اعرف ناس كده
و فيه واحد مهما ياكل مش هيتخن بردوا و لو تخت بيخسوهم علطول
هنا ذي ما قال حد من الاعضاء الغدد نشيطه جدا و بتحرق اي حاجه بتاكلها
فلازم تاكل كميه كالوري مهوله علشان فعلا يفرق معاك

غير لو في دكتور يظبطلك ادويه في تقليل نشاط الغدد بس مع الجيم

حاجه تانيه من الاخر كده انتا مهما هتتخن هيجي يوم و معتقدش هيكون بعيد هتخس تاني و ترجع تاني لأنك مش هتقدر تنتظم علي الاكل بطريقه رهيبه علشان تعوض الحرق اللي جسمك حرقه

هنا بقي لازم الجيم لأن العضلات ممكن تخس فعلا بس مش هتخس للدرجه ذي الدهون
تاكل كميات رهيبه من البروتين علي قد ما تقدر مع مكمل غذائي ذي السيرياس و هو فعلا ممتاز بس بضعف المقدار اللي هما كتبينوا علي 4 مرات في اليوم يعني هتاخد منه 2500 كالوري و كمل بقي من الاكل علي قد ما تقدر

ولا يقل عن 4 شهور بالنظام ده علي الاقل علشان يبان فرق ملحوظ