طقطة التكييف - لسه جديد - هتجنني إيه الحل ...

**SERGIOOO90** · 04-08-2014 04:09 AM

عندي مشكلة في التكييف من يونيون إير
صوت طقطة كل 10 - 15 ثانية زي مايكون تمدد في الأجزاء الداخلية الصةت
مقلق للنوم و مستفز جدا و مستمر بشكل يضايق
كلمتهم الفني قاللي عادي و هيروح و إلى الآن بقاله 3 أسابيع ماراحش المفروض أعمل إيه وللا من حقي أرجعه ؟؟؟!!!

**DreAmO** · 04-08-2014 07:01 AM

هو في حد لسه بيشتري يونيون اير !

شوف الموضوع ده يمكن يفيدك
http://www.nilemotors.net/Nile/418778-a.html

**SERGIOOO90** · 04-08-2014 11:44 AM

هوا الموضوع منتشر للدرجادي حاجة تقرف و الله

**M_samii** · 04-08-2014 03:32 PM

لو بتسيب الريش تتحرك جرب تثبتها

**hhhhhm** · 05-08-2014 06:17 AM

أنا كان عندى نفس المشكله دى فى تكييف شارب
لغاية من كام يوم حركت الخرطوم اللى بياخد من الكمبروسر لوحدة الأسبليت الداخليه بالصدفه فعملت نفس صوت الطقطقه ده مرتين وسبحان الله من يومها ماسمعتش أى طقطقه جرب يمكن تظبط معاك

كان عندى مشكله تانيه وهى أن التكييف صوته عالى شويه بس دى الفنى علشان عنده ضمير نبهنى ليها وهى أن الوحده الخارجيه المفروض أنها بتتوزن بميزان ميه وهو لسه بيركب لو مش موزونه صح بيبقى الصوت عالى ودى حلها 4 حتت ورق كرتون أو أربع حتت كاوتش تحت الوحده بيظبطوا الصوت جدا

**mero100** · 05-08-2014 11:03 AM

العضو صاحب الموضوع .. موضوع الطقه اللي بتحصل دي زي ماحضرتك بتوصفها كده بالظبط ..كانت عندي في مكيف هواء و كان لسه جديد و فعلا موضوع مزعج لان صوت الطقه بيبان ليلا و تقريبا كل 20 ثانيه و بيبقي عامل زي صوت طقه قطعه بلاستيك ..

الحل :
اشتكيت و جالي كذا فني شاف الموضوع و كلهم قالوا الموضوع بسيط و عادي و ده تمدد بلاستيك و انكماشه اثناء عمليه التبريد و الفصل .. المهم .. صعدت الموضوع .. جالي لجنه من الشركه المنتجه .. و كان الحل ابسط مما تتخيل .. و هو وضع قطع صغيره من الشحم الابيض عند كل مفصلات و اماكن تحرك الريشه بالوحده الداخليه .. و اتحل الموضوع نهائيا .. بالتوفيق و اسف للاطاله .