صلاة النبي جنط 15 وبرضوا بتحك في المطبات!!

**zastaffa** · 30-08-2014 03:24 AM

المشاركة الأصلية كتبت بواسطة kaza

فية اقتراح جميل مادام الامجراند بتحك في الارض وحضرتك بتحمل حمولات كبيرة خش علي الشيروكي اعلي بكتير وتحميل زي مانت عايز وامريكاني وحركات وسيبك من الصيني وبلاها ايمجراند ام جنط 15 الصغير دة راحت ولا جت صيني ياراجل بلاش وجع دماغ صباح الفل

فيه أقتراح تاني بأه أن حضرتك بعد أذنك تنقطني بسكاتك وبلاش أستظراف عشان سيادتك معندكش موهبة الدعابة أو ملكة خفة الدم....وبرجاء لو سمحت ماتدخلش تاني تشارك في أي ردود علي مواضيع العبد لله هوا اللي كاتبها....كائن مستفز صحيح!!!!!!

**zastaffa** · 30-08-2014 03:33 AM

المشاركة الأصلية كتبت بواسطة hishamelgazzar

السلام عليكم ورحمة الله وبركاته
اخوكم هشام الجزار

استاز ايهاب صديقي ركبتله كاوتش شفاف كده كان مشتريه من تاجر كماليات امجراند من الهرم
هو بيقول ان العربية عليت حاجة بسيطة اوى لا تزكر لكن مع التحميل مش بتلمس الأرض

الصراحة هى حكت كام مرة كدا بس انا اللى كنت غلطان

بلنسبة للسوست بتاعت الكورولا او اللانسر متنفعلهاش انا قارنت الاتنين لقيت سوست الايمى اقوى يعنى بتاع الكوروللا هو اللى يركب سوست الايمى لو لقاها

المقصات الامامية بيضها فينو وياريت يتغير ببيض الكورولا وعلى فكرة نفس مقصات الكوروللا

المساعدين الامامى والسوست برضو اقوى من الكورولا

عندى مشاكل فعربيتى انا عارفها بس الحمدلله متعايش ومفيش للأسف طولة نفس انى اروح واجادل مع بتوع التوكيل

انا رشيت الأربع ابواب بسبب موضوع الصدا ومن ساعتها ما شوفتش وشهم والصيانات بعملها ف مودرن سرفيس السندباد

سلاما عليكم دمتم بود
معلش انا مش بدخل نايل الا من البيت وللتواصل

hi.elgazzar@facebook.com

hisham el gazzar

شرف كبيييييييييير جداااااااااااا ليه أن الباشمهندش هشام الجزار بحاله واللي مكسر الدنيا بمواضيعه المُبهرة وفيديوهاته الأكتر من رااااااااااائعة...ييجي برد علي مشكلة كتبتها....وعلي فكرة أنا متابع حضرتك من زمان أوي من أيام أل27 وأل28 وربنا يعلم أني أستفدت من خبرتك حل مشاكل كتيرة أوي قابلتني وجنبتني نصب الصنايعية وقلة ضمايرهم.....
بجد بجد ربنا يباركلك....مش هاقولك غير كدا

**kaza** · 30-08-2014 08:52 PM

المشاركة الأصلية كتبت بواسطة zastaffa

فيه أقتراح تاني بأه أن حضرتك بعد أذنك تنقطني بسكاتك وبلاش أستظراف عشان سيادتك معندكش موهبة الدعابة أو ملكة خفة الدم....وبرجاء لو سمحت ماتدخلش تاني تشارك في أي ردود علي مواضيع العبد لله هوا اللي كاتبها....كائن مستفز صحيح!!!!!!

يار اجل انت زعلت انا باضحك معاك عموما اسف لو كنت زعلت مش قصدي ازعلك فانت اخ اولا واخيرا لكن العربية لسة جديدة وموضوع حكها في المطبات ماحدش يقدر يقولك فية حاجة لانها فعلا عالية عن الارض
عموما باكرر اسفي وانا مش مستفز انا اغلب من الغلب تحياتي

**محمد محليس** · 27-09-2014 09:53 PM

الحمد لله انا معايا شاهين وبحمل فيها اللي انا عاوزة
...........................
.............................
...............................
وبردو بتحك .............!!؟؟؟
ياباشا العيب مش في العربيات
العيب في البلد الو.......... اللي احنا عاشين فيها

**zastaffa** · 03-10-2014 12:03 PM

حاجة أخيرة حبيت أضيفها بعد مارفعت العربية أمبارح في البنزينة وكانت كل حاجة واضحة أدام عيني
وهي أن الأحتكاك في المطبات بييجي من حاجتين مالهمش تالت....أولهم السلاحين الصُلب اللي جايين بطول العربية من أولها لأخرها واحد يمين والتاني شمال....((السلاحين مش العتب))
السلاحين دول أوطي حااااااااجة في العربية من تحت ((أوطي من الشكمان نفسه)) وبيبقي عليهم طبقة تخينة من بلاك الفابريكة واللي طبعا لقيت بعض أجزاءهم متكحت من عليها البلاك بشكل واضح جداااااااا ،، بس مافيهمش أي ألتواءات لأنهم جامدين جدا بصورة ماتخليهمش يتأثروا بالمطبات.....هما بس يعملوا صوت جامد ويبوظولك أعصابك مش أكتر...((بس طبعاً دا مش معناه أننا نمشي نهبد في العربية يمين وشمال))

السبب التاني من الشكمان اللي نادر جدا مابيحُك علي عكس ما غالبيتنا كان متوقع أنه السبب الرئيسي في صوت الخبط......بس طبعا لو المطب رذل حبتين هاتسمع صوت خبطته مصحوبة برنة مميزة مايتوهش عنها أي سواق

**MOHAMED HASAN** · 19-10-2014 12:56 PM

ربنا يكون معاكم بعد الى قريته د اكنت حشترى الام جراند بس خلاص حسبت على رايى و اجيب الكليو (لو نزلت ) 2015 واقسط المبلغ الباقى انا عندى الكليو 2004 وعمرى ما واجهت مشكله علو المطبات دى حتى لومحمل على الاخر على الرغم انى ساكن فى منطقه شعبيه والطرق عندى كلها جبال مش مطبات فى الهرم طالبيه و لو حد راح او ساكن هناك عارف انا بقول ايه