الموضوع: تقرير عن مميزات وعيوب اللوجان الشكل الجديد 2015

المشاركة الأصلية كتبت بواسطة dr_hassan1977

اولاً شكراً لحضرتك علي الرد و علي الموضوع لانه كان سبب رئيسي في اني رجحت كفت اللوجان علي حاجات تانيه
لا اللي اقصده ان العربيه تحس انها مخبوطه بس مفيش خربشه في الباب بس اللي استغربتله انه نفس المكان في اكتر من عربيه فخوفت ان العربيه فعلاً يكون صاجها خفيف زي ما البعض بيقول و اقل خبطه بتظهر لكن ممكن تكون صدفة ان نفس العربيات اتخبطت في نفس المكان و الله اعلم
علي العموم انا استلمت العربيه و العربيه مبدئياً ما شاء الله جميلة بس لسه هنجرب و نشوف اخبارها ايه وشكراً لحضرتك مره تانيه

يا باشا استمتع بعربيتك ومتخليش الشك يلعب بدماغك وربنا يديك خيرها ويكفيك شرها وشر طريقها وتحت امرك في اي استفسار في اي وقت

المشاركة الأصلية كتبت بواسطة flyingshield

انا ليا استفسار يارجاله انا معايا الفئه الثالثه مانيوال وحاسس ان استهلاك البنزين عالي بيكتب ٩.٥ لتر / ١٠٠ كيلو التفويله بتعمل معايا ٥٨٠ كيلو تقريبا هل ده طبيعي ولا ايه مع العلم اني عامل بالعربيه ٤٧٠٠ كيلو تقريبا

ريح رجلك علي دواسة البنزين شوية الكبس علي دواسة البنزين بيزود الاستهلاك وكمان الزحمه وتشغيل التكييف واتجاه حركة الرياح كل ده بيأثر علي استهلاكك للبنزين اعمل بيها مشوار علي طريق سريع وحدد السرعه علي 90 وشوف الاستهلاك هيبقي كام معاك وانتا تقريبا بتعمل 580 كيلو في التفويله يعني حوالي 580 كيلو علي 40 لتر بنزين يعني اللتر يمشيك 14 ونص كيلو استهلاك معقول جدا يعني ال 10 لتر يمشوك 145 كيلو حلو أوي بردك

المشاركة الأصلية كتبت بواسطة flyingshield

شكرا لردك ياباشا بس هي ٥٨٠ كيلو ب ٥٠ لتر معظمهم طريق مفتوح لو ينفع ياباشا رقم تيليفونك اكون شاكرلك [/size][/color]

طالما معظمهم يبقي بردك استهلكك معقول لان اكيد رجلك تقيله علي دواسة البنزين بزيادة شوية

وده رقم تليفوني وتحت امرك في اي وقت 01282321455

المشاركة الأصلية كتبت بواسطة doc.3o3o

معلش ياجماعه استفسار بسيط بما ان البوست ده اقنعني باللوجان
باذن الله ناوي على اقل فئه ف الاوتوماتيك 2015 ... هجيبها على بنك ناصر ان شاء الله
كنت عايز ارقام التوكيل اكلمهم اسالهم هستني قد ايه ف الحجز جايز يقولولى شهر ولا اتنين ولا حاجه...
لو اكتر من كده عايزكوا تقولولى معارض كويسه واجيب منها باقل اوفر برايس .. يعنى تلاته اربعه ولا حاجه لكن تمانتلاف دى تقيله شويه

التوكيل هتنتظر مش اقل من 5 شهور لان الضغط عليها زيادة في الحجز وكمان المعارض بره هتسلمك بعد نص شهر او شهر وهتدفع اوفر برايس مش اقل من 8000 جنيه وبالاخص لانك هتتعامل مع بنك ناصر واي معرض بيكره نفسه في التعامل مع بنك ناصر وهتلف كتير علي ما تلاقي معرض بيتعامل مع بنك ناصر ربنا معاك ويعينك والمعارض المضمونه اللي ممكن تسئل فيها سمير ريان والطارق والليثي بس نصيحة من اخوك لو هتتعامل مع بنك ناصر يبقي ريح دماغك وهتها من التوكيل لان لو حجزتها باوفر برايس في اي معرض اي حد هيجيله كاش هيسلمه عربيتك علطول وانتا هتفضل محطوط علي قائمة الانتظار