الموضوع: مقارنة بين لانسر وبروتون

زي ماقالك eng geo انا شايف اللانسر تتفوق في استهلاك البنزين والاعتمادية لكن انا شايف تسارع اللانسر مش سيء بالعكس العربية خفيفة علي موتور كويس بالتالي بيديها تسارع كويس بس قابل بقي الخفة اللي علي السرعات العالية في اللانسر والصاج الضعيف
انا كان معايا بروتون وعارف تمام قطع غيارها ايه .. كانت بالنسبة ليا مناسبة مش غالية ولا رخيصة لكن شاء القدر ان ابن خالتي يعمل حادثة بالبومة بتعته وانزل اجيبله قطع الغيار واتفاجأت علي قد مالعربية زي الرز في الشارع الا ان قطع غيارها غالية اوي واغلي من بروتون .. يعني الاكصدام خلفي ب 1400 والشنطة ب 2400 او 2500 والفانوس الخلفي ب 600-800 حسب ازا كان ابيض او احمر .. يعني ازا كان بتاع السوبر اكشن او العادية .. علي فكرة دي اسعار الاستيراد اللي هيا اغلي من الجديد الاصلي في توكيل بروتون
+
ان السمكري اللي رشلي العربية قبل كدة هو اللي اشتغل في البوما وقالي من الخبطة الخفيفة اللي حصلت عصرت فردة شاسيه وبوظت الشنطة والفانوس والاكصدام وكل ده من خبطة عبيطة من ميكروباص علي سرعة متوسطة
بالنسبة للاستهلاك انا شايف البوما احسن .. استهلاك البروتون الطبيعي في الزحمة والتكييف يعمل 200 في الصفيحة .. غير كدة يبقي في مشكلة في المانافول لو كل حاجة سليمة

في المجمل انا شايف ان البوما احسن في سوقها واستهلاك البنزين وانتشار قطع الغيار والاعتمادية والراحة والتقفيل والخامات والوسع لكن في الثبات والسحب ورخص قطع الغيار والتميز والصاج القوي في صالح البيرسونا