لمالكي اتراج هاي لاين

**ahmedemo** · 04-08-2014 11:05 PM

يا جماعة انا بحثت في النت كله عن صورة واحدة للمتسوبيشي اتراج اتوماتك هاي لاين اللي بتنزل في مصر ملقتش ولا صوره و كل الصور متاخده من تايلاند والفلبين و ماليزيا مع ان الفئات اللي بتنزل هناك مختلفه في الشكل و الاوبشنز عن مصر وتلاحظها حتى في الشبك الامامي لان اللي بينزل في مصر لونه اسود اما اللي بينزل برا بيبقى كروم لامع
حتى في موقعكم الكريم لم اجد سوى صور الفئة الاتوماتك العاديه من غير اوبشنز.
ارجوا من الساده ملاك الاتراج الهاي لاين عمل تقرير مصور للافاده العامة و شكرا

**ahmedemo** · 04-08-2014 11:16 PM

حتى الصور اللي منزلها الوكيل داياموند موتورز مش مطابقة للواقع برضوا واخدنها من مواقع برا مصر ودا واضح قوي ان حاطين صورة للعربيه من جوا وفيها شاشه تاتش مع ان المديلات اللي بتنزل في مصر مفهاش الكلام ده و دا بناء علي البروشور اللي الشركة منزلاه على نفس الموقع
http://www.mitsubishimotors-eg.com/i.../attrage_6.jpg

**ahmedemo** · 04-08-2014 11:17 PM

و دا لنك موقع الوكيل
MITSUBISHI MOTORS Egypt

**mestca** · 05-08-2014 12:21 AM

الفرق الوحيد اللى بين الهاى لين و الاول اتوماتيك الجنط اسبور 15 بوصة و الراديو الكبير شامل usb و الطارة مالتى فانكشن و الانذار وبس غير كدة موجود فى الفئة الاولى اتوماتيك اللى هو abs و edb و الايرباج و الامبليزر و المريات الكهرباء

**bougee** · 05-08-2014 07:34 AM

على فكرة العربية تعبانة بكل ما تحملة الكلمة في التقفيل ....
أنا شوفتها في معرض في جسر السويس أمس
بصراحة البلاستيك في كل مكان وغير كده ياريت بلاستيك تقيل ...
البلاستيك ضعيف ... الأبواب من الداخل بلاستيك ضعيف وخفيف اووووووووووي وسألت على سعر أعلى فئة ولقيتها 113 ألف جنيه ...
بصراحة شركة ميتسوبيشي بالعربية دي ضربت سمعتها

مع إحترامي لكل من إشترى الأتراج ... ولكن دي كلها آراء شخصية بتختلف من شخص لأخر

**Mido Casper** · 05-08-2014 08:34 AM

سبب ان العربيه اللي بتنزل غير اللي بره عشان الجمارك بتاعتنا الاوفر :/ ف ياريتها بتبقي مختلفه و بس ده وبيبقها تقفيلها حاجة استغفر الله ..

**ahmedemo** · 06-08-2014 05:35 AM

المشاركة الأصلية كتبت بواسطة mestca

الفرق الوحيد اللى بين الهاى لين و الاول اتوماتيك الجنط اسبور 15 بوصة و الراديو الكبير شامل usb و الطارة مالتى فانكشن و الانذار وبس غير كدة موجود فى الفئة الاولى اتوماتيك اللى هو abs و edb و الايرباج و الامبليزر و المريات الكهرباء

شكرا على رد سياتك الجميل بس احب الفت انتباهك الى ان الفئه الاولى اوتوماتك مافيهاش abs ولا ebd ودا انا متاكد منه لاني شفتها في معرض في المعادي و المهندس المسؤول قالي كدا بس ما اتأكدتش الا بعد ما كلمت دايامند موتورز وقالولي نفس الكلام و قالولي ادخل على الموقع هتلاقي البروشور اللي فيه مواصفات كل فئة في الاتراج ودا لنك البروشور عشان تتاكد
http://www.mitsubishimotors-eg.com/B...es/Attrage.pdf

**mestca** · 06-08-2014 08:16 AM

انا معايا الفئة الاولى اتوماتيك و فيها ABS , EDB و كانوا قالولى انها مفيهاش فعلا سواء الوكيل او المعرض بس انا لما فتحت الكبوت و شوفت جهاز abs الراجل استغرب و راجع العربية لا تكون الهاى لاين وقالى حظك حلو مفيش فرق بينك و بين الهاى لاين الا شوية حاجات بسيطة مالهاش تاثير فبصراحة معرفش بقى هل كل الفئة زى و لا جت كام عربية غلطة

**هانى شوقى** · 06-08-2014 05:56 PM

المشاركة الأصلية كتبت بواسطة mestca

انا معايا الفئة الاولى اتوماتيك و فيها ABS , EDB و كانوا قالولى انها مفيهاش فعلا سواء الوكيل او المعرض بس انا لما فتحت الكبوت و شوفت جهاز abs الراجل استغرب و راجع العربية لا تكون الهاى لاين وقالى حظك حلو مفيش فرق بينك و بين الهاى لاين الا شوية حاجات بسيطة مالهاش تاثير فبصراحة معرفش بقى هل كل الفئة زى و لا جت كام عربية غلطة

الغلط فى كتالوج العربية كل الفئات دى نازلة ب abs الكلام اللى وصل للمعارض غلط