الموضوع: نيسان سنترا تصل مصر اليوم -حصريا علي نايل موتورز

ذهبت الى اوتو ايجيبت لمساهدة السنترا الوكيل (سبق ان شاهدت الخليجى) و يصراحة العربية شيك جدا جدا و حجمها مدى على الكامرى و من الداخل واسسسسسسسسسعة جدا ك البيجو 508 مثلا او اكتر، و التقفيل و التصميم رائعان. مش مهتم قوى بموضوع ازرار التكييف الحقيقة. بس لو التوكيل جاب نسخة بفتحة سقف و 6 ايرباج و عملها ب 190 الف مثلا يبقى حتكتسح

سألت عن قطع الغيار قال لى لم تسعر بعد، عادى هما يبيعوا و احنا نحتاس

أنا ناوي بإذن الله أجيبها هنا من السعودية
سعر الستاندرد هنا 60200 ريال ..

العربية من ناحية الكماليات يعني يعتبر تقريبا مفيش فيها كماليات غير حاجات عادية ... أنا معايا كامري قديم 93 .. ومع ذلك فيها كماليات مش موجودة فيها .. عندي في الكامري في إضاءة في شنطة التابلوه وفي الشماستين وفي شنطة العربية وإضاءة للراكب الأمامي ده غير إضاءة الصالون طبعا .. حسب ما شفت .. السنترا مفيش فيها غير إضاءة الراكب الأمامي فقط شكل اللمبات الصالون الأمامي فيها زي لمبات الفلوانس الأمامي .. - مش عارف إذا كان في إضاءة في الشنطة ولا لأ ..

الميزة الهايلة اللي في العربية بصراحة إنها واسعة بشكل مذهل رغم إنها من بعيد تبان إنها صغيرة .. يعني أنا قعدت في كرسي السواق والراكب الأمامي واسع جدا .. نزلت قعدت على الكنبة الخلفية واسعة جدا .. في مساحة واسعة لرجليك .. ركبتك مش هتلمس الكرسي اللي ادامك إلا لو واحد طويل قوي ..
الشنطة بتاعتها نفس الشيء .. وسع شنطة الكامري تقريبا .. بالإضافة طبعا إلى إن شكها وتصميمها يعتبر شيك جدا ..
الحاجة اللي مقلقاني هو حكاية الفتيس cvt .. لأني قريت عنه كلام يخوف .. إنه تسارعه بطيء وإنه لو باظ مفيش له تصليح .. ولازم يتغير ..

مع احترامي لمحبي النيسان
السنتيرا سمعتها عالميا مش ولابد ما فيهاش تميز على منافسيها غير في حجم الصالون
موتورها الاضعف واستهلاكها للبنزين الاكبر وفراملها اضعف وخاماتهاالداخلية افقر وجودتها الاقل والكلام ده من الريفيوهات بتاعتها على المواقع العالمية وكلام ناس ركبوها برة

عربية جميلة وواسعة

المشاركة الأصلية كتبت بواسطة mohamed.hany

انا كنت متخيل زي حضرتك كدة بالظبط لغاية معرفت الاوبشنز بتاعها اللي في وجهة نظري فقيرة مقارنة بالسيراتو و الفلوانس و الالنترا و الكورولا و عوامل الامان زي ال tc و ال esp اللي موجودن في عربية ب 150 الف زي الكروز.
الي صدمني هو شكل التابلوه اللي لا يليق ابدا بعربية موديل 2015 كامل احترامي لمحبي العربية بس هل حد شاف شكل التابلوه و العدادات و التكييف و قارنهم بأي عربية سواء النترا او سيراتو او كروز او كورولا ؟ بكل امانة لما شفت التكييف اول حاجة جت في بالي الفيرنا .


انا لا اقصد ابدا مهاجمة العربية بس انا كنت متخيل شئ اخر و فخامة و امان و اوبشنز اكتر و ده في وجهة نظري ترجمة لسعرها اللي اعتبره مقبول .

طبعا دي وجهة نظري و ممكن يختلف او يتفق معايا الناس و اختلاف الرأي لايفسد للود قضية .

فعلاً شكل التابلوه صدمة أنا كنت بقول هتنافس الكورولا بالرغم ان ما فيهاش esp trc ........... بس كدة صعب. الحلو ما يكملش :(

المشاركة الأصلية كتبت بواسطة basoom82

فعلاً شكل التابلوه صدمة أنا كنت بقول هتنافس الكورولا بالرغم ان ما فيهاش esp trc ........... بس كدة صعب. الحلو ما يكملش :(

العربية كويسة
بس مينفعش تنافس الكورولا والدليل حركة السوق