الموضوع: أسعار قطع غيار رينو لوجان الشكل الجديد 2015

المشاركة الأصلية كتبت بواسطة emad gebaly

عندي سؤال اما معايا تيو لوجان 2015 وعملت حادثة وربنا سترها
بس عايز اسال على الزجاج الخلفي للعربية
في التوكيل بيقولوة انه 1980 جنية
هل ممكن الاقية برة ولا مش هلاقي انا سالت في التوفيقية قالوا مش موجود حاجة للعربية في السوق غير الفوانيس

كمان هل زجاج الدكتور جريش دة كويس ولا لا

اولا مش عايز حضرتك تضايق والحمد لله انها جت علي قد كدا واكيد فديت حاجه اكبر

بالنسبة للزجاج حرام تجيبه من التوكيل الزجاج في دكتور جريش مش هيكلفك من 400 ل 500 بالتركيب ودكتور جريش من انضف الزجاج اللي شوفته وبيصدر برا مصر كمان وكل الزجاج في مترو الانفاق من صناعة دكتور جريش مصنعهم في العاشر من رمضان وياريت حضرتك تروحلهم هناك افضل هتضمن التركيب النضييف وكمان السعر هيبقي مخفض عن الموزعين

المشاركة الأصلية كتبت بواسطة emad gebaly

شكرا ليك جدا بس انا عايز اتاكد انت عندك معلوامت انهم عندهم الزجاج بتاع الشكل الجديد للوجان وهل هيكون فيه السخانات ؟

معنديش معلومه بس حضرتك ممكن تروحلهم وهما عمتا بيوفروا اغلبية الزجاج الخلفي والامامي للسيارات وكمان الزجاج الخلفي بيكون مطابق للمواصفات ومجهز بالسخانات

المشاركة الأصلية كتبت بواسطة mokh_2003

الموضوع يا شباب زى الفل
انا عاجبنى اوى موضوع اللوجان ده
وعجبانى العربية أوى بس اللى مضايقنى فيها انها مش اتوماتيك
زى سنة 2014 وبعدين عايز اسال الجماعة اللى جابوها اتوماتيك 2014 لحوة ولا ايه اخبارها
على العموم نستنى معرض فروميولا 2015 ونشوف الدنيا هترسى على ايه

الاوتوماتيك خلاص نزلت يا غالي والحجز شغال عليها دلوقتي

المشاركة الأصلية كتبت بواسطة bebo312

كنت في رينو العبور يا رجالة وسالت عن بعض قطع الغيار وحبيت اشارككم فيها

انا معايا مبدئيا رينو لوجان 2014 الشكل الجديد

تيل الفرامل امامي 405 ( ودة اكبر من التيل بتاع لوجان القديمه )

طقم طنابير امامي 770 ( ودة اكبر من الطنبورة بتاع لوجان القديمه )

شمعدان امامي شمال (جهه السائق) لسياره فيها abs
بسعر 1430


كل الاسعار غير شاملة الضريبة بمعنى اننا هنزود 10 % لكل سعر غير مصنعية التركيب

مثلا : سعر التيل الامامي × ضريبة 10% =
(405) × (1.1) = 445.5

مصنعية التركيب بقى الله اعلم

تسلم يا غالي

المشاركة الأصلية كتبت بواسطة malekmfg2005

طب لو امكن نعرف سعر حاجات الصيانة الدورية ... يعنى طقم السيور و بلي الكاتينة و البوجيهات و الفلاتر ... لو امكن الاسعار بره عاملة ايه ... يعنى لو موتور النيو لوجان هو هو اللوجان القديمة ال 8 صباب ... يا ريت نعرف من الناس اللى بتعمل صيانات لعربياتها ... الصيانة الدورية بتتكلف كام؟؟؟ لان صراحة 2500 جنيه لصيانة دورية فى عربية اقتصادية ده حاجة مخيفة و لو على مستواي الشخصي ... فارجوا توضيج النقطة ده

شكرا

مش بيرضوا للاسف والحجه الدائمه ان الاسعار بتتغير واسعار قطع الغيار مش ثابته ومش بنقدر نحكمها

الاسعار بره فرق كبير جدا بس الخوف من الضمان لان العربية لسه جديدة ولو ابتدينا نعمل صيانتها بره لو حصل اي مشكله مش هنقدر نلزم الشركة باصلحها

وال 2500 مش بتدفع غير في صيانة ال 60 الف علشان بتغير طقم كاتينه وسيور وبوجيهات وفلاتر