الموضوع: كروز 2014 ولا شارك 2014

المشاركة الأصلية كتبت بواسطة DODGE2013

شارك سيك من الشفورليه الكوري الفاشله

الشيفي يوم ما تركبه يا يكون امريكي يبلاش

ماشى يا باشا بس ايه الاسباب انه شارك اه و ايه الاسباب انه كروز لأ ؟؟؟

المشاركة الأصلية كتبت بواسطة ashouhdy

النقاط اللى خلتني ابعد عن الشارك :

1- صوت الماتور عالى فوق المتوقع حتلاقي واحد يقول عشان دة رياضي ومش عارف اية في وجهة نظرى مش مبرر نهائي

2- خامات المقصورة من جوة تحت المستوى بالذات اللى بلون بيج فاتح ..

3- من تجارب الاعضاء على جروب الشارك الجديدة ان ناس كتيير جدا منهم واحد معرفة عندة مشكلة تزييق جامد في العفشة الخلفية

4- الشنطة اللى ورا يدوبك تاخد شنطة كبيرة وشوية اكياس يعنى لو طالع الساحل مع الاسرة مش حتعرف

النقاط اللى تتفوق فيها الكروز:

1- عزل عجيب

2- عفشة ناعمة بعبط ومع ذلك ثبات غرييبمش فاهم اذاى بقوا مع بعض !

3- الخامات الداخلية ارقي والتقفيل اعلى بكتير ... قارن بعينك وايديك في اى معرض

حتى دوس على الزراير وشوف خامة البلاستيك وصوت التكة

4- مواصفات امان بتاعة بلدها اللى بتنزل برة (امريكا) و كفاية ال tc وال esp اللى فيها

5- شنطة ضخمة بجد تشيل كتير قوى




مش حتكلم على قوة ماتور او فتيس لأن الشارك برضوا ممتازة فيهم ... بس مش عارف الشارك الفتيس 4 سرعات ولا 6 ذى الكروز


6- العربية كل حتة فيها GM لدرجة ان بدور على الحاجات الكورى اللي فيها مش لاقي

و اتأكدت ان العربية دى تجميع كوري فقط


الكروز ينقصها بس شوية كماليات زيادة مش عارف موجودين في الشارك ولا لأ

ينقصها مرايات ضم و سنسور خلفي و بلوتوث ... انا عن نفسي مركب كاميرا خلفية و بشغل الموبايل عالكاسيت ب وصلة aux

بص يا باشا الشارك الفتيس 4 سرعات بس و مفيش tc ولا esp ولا epd بس abs و اتنين اير باج بس
و موضوع التزيق ده انا اول مره اسمعه و بالنسبه لصوت المتور مش فارق معايا
انا فارق معايا طبعا حجم الشنطه بس مش ده اللى يخلينى اجيب عربيه او لا و موضوع الخامات انا حسيته بصراحه و انا بشوف الاتنين ان الكروز احسن و موضوع التصفيح برضه
و اه انا شفت موضوعك بتاع الكاميرا و تقريبا قرأت كل المواضيع اللى انت عاملها عن الكروز
عموما انا ميال اكتر للكروز
هو انا لو عايز اللون الازرق اللى انت حاطت صورته فى توقيعك ده الاقيه عند مين فى اسكندريه عشان انا سألت عند كام حد فى القاهرة و مش موجود

المشاركة الأصلية كتبت بواسطة mahmoud_ali

مع انى من ملاك الانسر بس انا بقولك ان الكروز بعد التجديد احلى وخد رأى ملاكها هيفيدوك اكتر

طب ايه اللى يخليك تبعندى عن الشارك مع انك معاك شارك ؟؟

المشاركة الأصلية كتبت بواسطة ashouhdy

ولو معاك قرشين زيادة هات دة

car dvd player stereo gps navigation autoradio chevrolet cruze 2013 3g wifi | ebay


ب 3 ونص

يبقي العربية واقفة عليك كاملة بكل حاجة ب 154الف

طب ده ميخرجنيش من الضمان ؟؟؟؟

المشاركة الأصلية كتبت بواسطة j a g u a r

لو مكانك اختار كروز

شكرا يا باشا على الرد بس ممكن توضح اسبابك ؟؟

المشاركة الأصلية كتبت بواسطة J A G U A R

سعرها قليل مقابل امكانياتها اللى مش موجوده غير فى فئات اعلى زى esp و tc

متشكر يا باشا انا فعلا معجب بوجود ال esp و ebd و ال tc فيها و ده بيخليها اعلى فى الموضوع ده من كل اللى فى نفس سعرها

المشاركة الأصلية كتبت بواسطة ashouhdy

ولو معاك قرشين زيادة هات دة

car dvd player stereo gps navigation autoradio chevrolet cruze 2013 3g wifi | ebay


ب 3 ونص

يبقي العربية واقفة عليك كاملة بكل حاجة ب 154الف

هل ده موجود في مكان في مصر ؟ ؟؟ وهل لو ركبته يخرجني بره الضمان؟

يا باشا المفروض تجرب وتشوف الاثنين
وتشوف مقتنع بمين اكتر لاني شايف الاثنين كويسين
ورايك والتست هو الفيصل
والفروق هتفرق من شخص للتاني مش عربيات بشكل كبير

المشاركة الأصلية كتبت بواسطة s o p h o s

يا باشا المفروض تجرب وتشوف الاثنين
وتشوف مقتنع بمين اكتر لاني شايف الاثنين كويسين
ورايك والتست هو الفيصل
والفروق هتفرق من شخص للتاني مش عربيات بشكل كبير

انا ركبت الاتنين بس معملتش تست درايف لحد فيهم
صالون الكروز اشيك بس برضه تحس ان الكبوت بتاعها اعرض و ده يحسسك انك مش عارف كل ابعاد العربيه كويس
و انا عارف ان الاتنين كويسين فمحتار صراحه

متابع