مطلوب المساعدة فى تحديد قيمة ايجار قانون جديد

**ali ashraf** · 06-08-2014 10:31 PM

السلام عليكم عندى شقة 175 متر بهضبة الاهرام فى عمارة ساكنة بالدور الثانى فوق الارضى و تطل على حديقة و على الوجهة بحرى العمارة بمنطقة الفيلات (ن) بها مصعد طبعا و مفيش فيها غاز تشطيب سوبر لوكس كنت شطبتها علشان السكن لكن يبدوا انى هنقل من القاهرة المهم مبفكرش ابيعها . لو حبيت ااجرها قانون جديد تبقى فى حدود كام؟ و هل وجود اجهزة تكييف ترفع قيمة الايجار؟ الحقيقة انا معرفش فى العقارات و الايجار بس عايز ما يرضى الله المناسب لى و المناسب للمستأجر و ما هى القوانين المتبعة فى ايجار القانون الجديد يعنى سنوى و لا سنتين و هل يزيد سنويا؟ و شكرا

**mohamed_selim** · 06-08-2014 10:45 PM

وجود التكييف يزود من الايجار بس فى رايي التكييف هيتبهدل
الافضل عقد سنه بسنه و اقصاها سنتين مع زياده ١٠٪ للسنه التانيه
التامين و المقدم حسب عرف المنطقه فى الاغلب شهر و شهر بس انا لو مكانك و مشطب كويس و فى تكييف هاخد شهرين تامين
العقد يتكتب فيه انه لا يجدد و فى ناس اصلا بتمضى المستاجر على وصل امانه بقيمة الشقه ياخده و هو خارج

**Fo1Fo** · 07-08-2014 08:56 AM

الموضوع عرض وطلب اطلب اعلى قيمه وشوف ايه اللى هايجيلك . زمان ايام لجان تقدير اﻻيجارات كان اﻻيجار السنوى يقدر ب %7 من قيمه الشقه ( وده ارشادى بالنسبه لك ) وحاليا تقل عن كده بسبب العرض والطلب

**mohamed_selim** · 07-08-2014 09:27 AM

الكلام ده بتاع تقدير الايجار القديم و ما يمشيش على الجديد لانه قليل جدا
هو هيشوف سمسار او البوابين و يعرف نظام المنطقه ايه و يحط سعر على اساسه

**أسامه الحسيني** · 17-08-2014 01:40 PM

ششوف الايجار فى المنطقه ما شي على كام واسال اكتر من سمسار علشان محدش ينصب عليك
ف فى سمسار يقولك ادينى مفتاح الشقه واجبلك فيها 10 تلاف فى الشهر وبعد كدا يقولك اخرها الف ودا الى موموجود ويحتك تحت الامر الواقع
واطلب فى الشقه بتاعتك على الاساس دا
والمده بتكون حسب الاتفاق
وفى الغالب بيكون التجديد سنه بسنه وبتاخد تامين شهر وقراءة العداد سواء مياه او كهرباء علشان متظلمش حد ولا هوا يظلمك
وفى الاول والاخر كله بالاتفاق واحسن حاجه اجرها لاسره افضل بكتير
وبالتوفيق