اخبار السويفت مع حضرتك ايه خلال الفترة اللي فاتت
عرض للطباعة
اخبار السويفت مع حضرتك ايه خلال الفترة اللي فاتت
العربية الحمد لله زي الفل ورائعة وبدون أي مشاكل
بالنسبة للعربية اللى في الخليج بـ 45 ألف ريال احتمال تكون سبورت أو 1400 سي سي ... أو فيها حاجات مش موجودة في اللى في مصر ... عشان كدة أغلى بكثير عن اللى هنا
بس عموما هي اللى زي اللى هنا في مصر في السعودية بسعر قريب برضه ... ولكن ناقصها حاجات زي الجنوط وزيادة عليها حاجات تانية مش فاكرها
لو تكرمت كنت عاوز رقم حضرتك اسئل حضرتك على كم حاجة ورقم استاذ احمد حسام .. رقمي 01002321297
اسمي علي
بس انا ليا استفسار اذا حد ممكن يفيدني أو حضرتك يا د ايمن
معايا زميل فى العمل معاه ارتيجا 2015 بس الزجاج بتاع الابواب مش بيقفل مع السنتر لوك
بمعنى انك لو نزلت من العربيه واى زجاج مفتوح وحبيت تقفل السنتر بالريموت الزجاج هيفضل مفتوح
والسؤال
الكلام ده موجود فى السويفت الهاتش باك ولا ايه
ولو فعلا الزجاج مش بيقفل مع السنتر ايه المطلوب يتعمل ويتكلف كام فى التوكيل
لان انا حجزت سويفت هاتش باك بتاريخ 26/3/2015 في التوكيل الموجود فى كليوباترا بالاسكندريه وقالولى الاستلام بعد 3 شهور ولو جات قبل كده هنتصل عليك
ولو ممكن معلومات عن كيفية استخدام زر ال أوفر درايف
أي عربية جديدة بتكون نفس القصة إلا لو كانت نازلة راكب فيها أصلا حاجة اسمها وحدة رفع ودي وظيفتها إنها ترفع الزجاج بصورة أتوماتيكية أول ما تقفل السنتر بالريموت ودي أصلا حاجة منفصلة عن الإنذار أو السنتر لكن بتركب عليهم
وحدة الرفع ممكن تركبها في التوكيل أو عند أي حد بتاع كماليات عربيات بس ما أعرفش سعرها كام
الأوفر درايف اللى هم الزرار بتاع الفتيس بتستعمله لما تكون طالع مطلع أو شايل حمولة كبيرة وعايز العربية تشد معاك وما تبقاش ثقيلة بتدوس عليه
شكرا علي سرعة الرد يا د/ أيمن
وبعد اذن حضرتك هو التكييف فى السويفت 2015 هاتش باك شغال على البطاريه ولا الدينامو ولا الموتور وأذا هو شغال على البطاريه أو الدينامو زى مابنسمع دى ميزه ولا عيب
والعربيه عامله مع حضرتك كام كيلومتر بعد التليين واستهلاك البنزين قل فعلا ولا لأ وتقريبا دلوقتى الصفيحه بتعمل كام كيلو متر مع حضرتك داخل المدينه .......................... وآسف على الاطاله