الموضوع: احذروا من كابيتال مول -ابراج الحرس الجمهوري

القصه بدأت مع سيل إعلانات في كل الجرائد عن انشاء مول كابيتال مول في مكان ممتاز امام دار الدفاع الجوي في قلب مصر الجديده ' المول أسفل ابراج الحرس الجمهوري التابعه لجمعية ظباط الحرس الجمهوري

كانت الإعلانات و بتوع المبيعات بيركزوا علي ان المول و الأبراج في مراحلهم النهائيه و ان التسليم في خلال ٦ شهور

و ادفع مقدم نص تمن المحل و مش هتدفع أقساط بعد كده علشان هيعملوا معاك عقد إيجار و الإيجار هيسد القسط علي ٥ سنين

رحناو كلنا ثقه علشان الموضوع تبع جمعيه محترمة '' ملهاش علاقه بالجيش و القائمين عليها متقاعدين'' و أخدنا محل و فعلا عملوا معانا عقد بيع للمحل و دفعنا مقدم نص التمن و الباقي بشيكات أقساط و ادونا عقد إيجار و شيكات إيجار اول سنه علي أساس المحل هيتسلم و يشتغل في خلال ٦ شهور و هم هيأجروه بمعرفتهم

طبعا الوقت ده كانت الأبراج و المول قائمه كهيكل خرساني و باقي التشطيبات و خلافه و دي مش سهله
و كان الله بالسر عليم الحال كما هو عليه من سنتين ولا أستلمنا محل ولا أخدنا إيجار و الهيكل قائم بدون اي تقدم يذكر في المول ولا الأبراج اللهم شوية هبل في الواجهات لبرج او ٢ يهدوا الناس بيها و اللي عرفناه بعد كده انهم متعثرين و مش عارفين يكملوا المشروع و الضباط مبهدليًنهم علشان شققهم لأن الأبراج دي بتتبني من ١١ سنه !!!و أقصي ما وصلوا له كان الهيكل ده و ماتوا علي كده

و اللي يفقع انهم لسه فاتحين باب الحجز لضحايا جدد لذلك و جب التحذير من الوقوع في المصيدة اللي وقعنا فيها

حسبنا الله فيهم شوية نصابين مالناش غير المحاكم هنعمل إيه المبلغ مش بسيط و كلفنا المحامي بتاعنا يبدأ في إجراءات القضية

السلام عليكم

أنا حصل معانا نفس اللي حصل مع حضرتك بخصوص محل كابيتال مول وأنا اريد محادثة حضرتك عبر الموبيل, نمرتي : 01006287616

أرجو الاتصال لأني بجد تايه واريد أن أعرف ما الاجراءات اللي إنت اتخذتها.