انصحونى اتراج ولا سوزوكى ديزاير ؟

**مؤمن حمزه** · 31-10-2014 01:12 PM

الاتراج طبعا العربيه معايا بقالها كتير سحب رائع .اوسع بكتير من الديزاير و شنطتها اكبر ده غير ان سعر اعادة بيع السوزوكى سيء جدا عكس الميتسوبيشى ...ده غير اصلا ان وكيل السوزوكى بيبيع الوهم لان العربيه مش موجوده اصلا و مدة الانتظار وصلت ل9 شهور و اكثير..شغل تهريج و استعباط و عدم احترام....و الاوفر برايس عليها وصل 12 الف جنيه...اخر تهريج.

**shedoz** · 31-10-2014 06:45 PM

المشاركة الأصلية كتبت بواسطة مؤمن حمزه

الاتراج طبعا العربيه معايا بقالها كتير سحب رائع .اوسع بكتير من الديزاير و شنطتها اكبر ده غير ان سعر اعادة بيع السوزوكى سيء جدا عكس الميتسوبيشى ...ده غير اصلا ان وكيل السوزوكى بيبيع الوهم لان العربيه مش موجوده اصلا و مدة الانتظار وصلت ل9 شهور و اكثير..شغل تهريج و استعباط و عدم احترام....و الاوفر برايس عليها وصل 12 الف جنيه...اخر تهريج.

استاذ مؤمن فى اى مشاكل او اى حاجه ظهرت معاك والبنزين ايه اخبارو يعنى التنك كام لتر وبيمشى كام كيلو وشكرا يا فندم

**مؤمن حمزه** · 01-11-2014 01:36 AM

مافيش اى مشكله ظهرت معايا نهائيا من ساعة ماجيبتها و لله الحمد و مش انا بس انا و كل ملاك العربيه ...العربيه بتعمل بالتكييف حوالى 17 كيلو فى اللتر..من غير التكييف ممكن توصل ل20 كم فى اللتر حاجه رهيبه موضوع البنزين...العربيه موفره للبنزين بشكل غريب..العربيه ممتازه و عمليه جدا...واسعه جدا فرامل ممتازه موتور و فتيس على اعلى مستوى...و السحب و التسارع ممتاز جدا لان العربيه وزنها خفيف...........مافيش واحد من ملاكها اشتكى منها بالعكس الكل بيشكر فيها...و انا مازلت مصر انها اجمل عربيه نزلت السنه دى...و مع كل احترامى لسوزوكى اذا كان مش عارفين يوفروا العربيه نفسها هيوفروا قطع غيارها بعد كده ازاى.!!!!ياريت تفكر قوى فى الكلمتين دول...