الموضوع: رابطة المظلومة اكسنت ار بى الجديدة

المشاركة الأصلية كتبت بواسطة adnfalcon

اخويا كان معاه rb 2013 كان بيجيب بيها 200 بس ثبات مش قد كده لو عملت مناوره فجأه لكن طوالي كويسه
عربيه محترمه دا رأيي الشخصي
وتصحيح بسيط اوكتافيا هاتشباك مش سيدان بس عربيه عاليه ومحترمه وثبات خيالي

200 كتير اوى ومفيش طريق فى مصر يتمشى علية 200 اساسا
ربنا يباركلك فى العربية

المشاركة الأصلية كتبت بواسطة john55

انا معايا العربيه بقالها سنتين ونصف عامل بيها حوالي 17000 الف كيلو العربيه تمام معايا شيك موفره في البنزين تابلوه عصري طلقه في الجري متحسش انك سايق اوتو سحبها زي المانوال سوند سيستم نقي غيرت المساعدين العربيه اتظبتت شويه في التنطيط لحد دلوقتي مزعلتنيش في حاجه الا حاجه واحده الدهان ضعيف جدا اي حكه بتعلم علي طول انا لوفكرت ابعها في اي يوم هجيب عربيه دبابه هههههه قصدي عاليه علشان مطبات مصر بفكر اجيب نيسان قشقاي بس العربيات غليت اوي يعني لو هبيع عربيتي مثلا ب100000 هحط زيهم علشان اجيب النيسان يبقي الاحسن عربيتي معايا مريحاني وربنا يديم نعمه علي كل الناس وشكرا

موضوع القشقاى انا فكرت فية فترة بس للامانة كلامك صحيح انا هخلى العربية افضل ما احط قد تمنها والبلد حالها ميطمنش
ربنا يسترها

المشاركة الأصلية كتبت بواسطة محمد محم عثمان

السلام عليكم ورحمة الله وبركاته ...انا عضو جديد واحب ان اقول لكم جمعيا جزاكم الله كل خير على المعلومات المفييده اللى بتكتبوها وبتفيدو بها الاخرين وانا اول واحد استفدت منها جدا واشتريت الهيونداى الار بى من معلوماتكم المفيده ....احب ان اقول لكم شكرا جزيلا

كلنا هنا بنفيد ونستفيد وانا اول واحد استفدت هنا
شكرا لمرورك

المشاركة الأصلية كتبت بواسطة mido casper

accent rb الجديده خصوصا الشكر فيها اكتر من الالنترا .. مبروك عليك وربنا يباركلك فيها :)

والله ناس كتير بتقولى انت معاك النترا هههههه
فعلا من قدام الشكل قريب جدا
عموما الالنترا اتقل شوية وعفشة اقوى شوية
بس ده ميقللش من الار بى

المشاركة الأصلية كتبت بواسطة محمد محم عثمان

بس انا ليه استفسار بسيط جدا .... التبلوه بيترب بسرعه جدا انا ركبها من اسبوع بالظبط والصالون مليان تراب وانا قرفت وانا مش عارف اعمل ايه حد يدلينى اعمل ايه واشغل التكييف ولا لسه شويه واحط نيتروجين فى الكاوتش ولا لا

طبعا نيتروجين فى الكاوتش
التكييف يفضل بعد لا1000 كيلو للامان بالرغم من ان كتير بيقولوا العربيات بتنزل متلينة

موضوع التراب له حل جميل اوى علبة زيت بارافين 3 جنية وكيس قطن صغير 3 جنية
شوية زيت على القطنة وتنظف التابلوة بالكامل هتلاقى كل التراب اتشال والتابلوة بيلمع لمعه حلوة وكمان بيحمى التابلوة من الشمس

المشاركة الأصلية كتبت بواسطة adnfalcon

دا علي طريق الجيش ودا أحسن طريق ف مصر يتمشي عليه 300 لو عايز
بس اخويا باع العربيه

يا باشا تعيش وتغير عربيات