الموضوع: رابطة المظلومة اكسنت ار بى الجديدة

المشاركة الأصلية كتبت بواسطة hacker5

عربيتى 2012 ماشية 47 الف كيلو
العربية ممتازة جدا عدا المساعدين الخلفى سيئين للغاية و حلهم بتركيب مساعدين معدلين و سوست كيا سيراتو
كمان نازلة بكاوتش هانكوك اوبتيمو ناشف شوية و صوته عالى لكن كويس مع الفرامل و ان شاء الله هاغيره بيوكوهاما او تويو مقاس 14\65\185
استهلاك بنزين كويس جدا و موتور مصحصح و استجابته سريعة
العربية ناعمة جدا عن الالنترا 2008 معرش ازاى مع انهم نفس الموتور تقريبا
قطع الغيار منتشرة و اسعارها معقولة
يعنى سألت على فوانيس الشبورة اصلى بـ 550 جنيه اصلى و دراع النور الاصلى اللى فيه الشبورة بـ 195 جنيه اصلى
الاكصدمات ضعيفة
كمبيوتر رحلات ظريف جدا بيديك كل معلومة عن العربية بس فيه حاجات لسة مش فاهمها
العربية صفقة مربحة الحقيقة و لو رجع بيا الزمن هاتشريها تانى

مع حضرتك فى كل ماسبق
بس دراع النور انا سألت علية فى التوكيل 500 جنية وناس سألت فى توكيلات تانية 400 جنية
عموما انا غيرتة ب 400 استيراد اللى فية فوجات وميزة الفوجات انها بتظهر فى العدادات قدامك

وجبت فوج لايت الاتنين 600 استيراد بالعافية
اعتقد حضرتك تقصد سعر الفانوس الواحد فى التوكيل 550 ودة سعلر معقول لفانوس اصلى