ايه رأيكم فى العربية ديه هل حد جربها ؟؟؟؟؟
عرض للطباعة
ايه رأيكم فى العربية ديه هل حد جربها ؟؟؟؟؟
المشكلة في الموتور
مشكلة ايه ؟؟؟
نفس الموتور بتاع الشكل القديم وصغير عليها ومأثر عليها في السحب والسرعة
العربية تحفة فنية فى الصالون من جوة والخامات نظيفة جدا والعربية دى اللى ممكن تقول عليها تغيير فى شكل الصالون شكل مختلف تماما من نظام الزارير والشاشة اللى فى الوسط والكراسى الجلم مكملة شياكة الصالون والميزة كمان تقفيل بلادها يابانى ولا تقولى تيوتا واى حاجة تقفيلها واضح ..... ولكن يا فرحة ما تمت لالالالالالالالالا تحديث بالموتور او الفتيس بتاع الشكل القديم واللى قبلة
سحب ضعيف جدا مع 4 غيار فقط العربية شكلا فقط ولكن الموتور سحبة ضعيف
محدش جربها للان لكن مافيش شك انها تحفه فنيه خالصه وملامحها خارجيا وداخليا يخليها من اجمل عربيات ٢٠١٥ العبره لسوقها في الانتشار الغير متوقع لان في فئتها السعريه عربيات واكله السوق السنه اللي فاتت ونفسها حتاكله السنه الجايه ويمكن اللي بعديها كمان
العربيه حلوه بس التوكيل ظالمها و كمان فيه مثل قديم بيقول (المازدا فاسده و لو كانت زيرو)..مع الاعتذار لكل مالكى المازدا.
يعنى ابعد عنها ؟؟ انا كنت بفكر فيها بصراحة بس طالاما موتور سحبه ضعيف يبقى مش حلو كدة ولا رأيكم ايه ؟؟
كمان نسيت اقول لحضرتك سعرها مبالغ قوى فيها وغاليةةةةةةةة 217000 الهاى لاين وهيا ماتتركبش غير هاى لاين ولو السعر دة يبقى اوكتافيا الفئة التانية وش على طول من غير ادنى تفكير تغيير فى كل حاجة من موتور لفتيس لشكل وفخامة وثبات وسعر اعادة البيع ,,,, وسعر المازدا غريب شوية واعتقد حياثر على المبيعات ولصالح التيوتا والسوبارو والسنترا
بالعكس انا شايف ان الهاي لاين سعرها مناسب جدا لما تقارنها بباقي منافسيها لما تكون تقفيل ياباني وشكل جديد واخدة ست جوائز عالمية وفيها كمية كماليات كبيرة زي الجنوط وفتحة السقف وفرش جلد كامل وزينون وفوانيس متحركة وليد امامي وخلفي وكرسي كهربائي وحساس مطر واضاءة وبارك وزجاج فيميه ومفتاح بصمة وانذار غير طبعا الشاشة والكوماندر والبروجيكتور وده كله في بينزل في الفئة بتاعة غبور
عربية فخمة جدا وثابتة جدا موتورها اي نعم صغير عليها ومتقل العربية بس مجرب هو والفتيس ومفيش فيهم مشاكل مش في قوة وسحب الكوري وتويوتا بس عاملة زي الاوكتافيا بطة في الطلعة
التويوتا تقفيلها التركي باين عليها والسوبارو فقيرة والسنترا درجة تانية
هي باكيدج حلو لاي واحد بيدور على الفخامة والتميز بس من غير جري
ياباشا سعرها غير منافس بالمره سعرها كتير اوى اوى اوى عليها . انا معاك ان الشكل الخارجى تحفه والانتريور تحفه وفيه اهتمام شديد اوى بالخامات الداخليه انما الكارثه ان العربيه نازله بموتور قديم جدا موتور تكنولوجى 6 او 7 سنين ورا وكمان جير بوكس 4 نقلات قديم برده جدا الموتور اللى نازله بيه بيدى عزم 145 نيوتن ودى متنفعش تكون ارقام موتور فى 2014 ولا فتيس يكون 4 نقلات فى عربيه معديه 180 الف مش معقوله اضحى باداء فى سبيل شويه شياكه بره وجوه طيب ما اروح اجيب استرا موتور اقوى فتيس 6 نقلات وبرده شياكه بره وجوه اروح اجيب سيفيك اجيب سوبارو اجيب فلوانس حاجات كتير
وعلى فكره العربيه اللى واخده الجوايز دى برده مش بتنزل بالموتور الحفرى اللى منزلينه مصر
ما اختلفناش ان الموتور صغير عليها لكن موضوع قديم تكنولوجيا مش تمام لان المواتير معدل تطورها بطئ
موتور التويوتا vvti من سنة 1996 ممكن دخلت عليه تحسينات لكن اساسه قديم وموتور المازدا القديم محترم وقونه زي موتور الاوكتفافيا 1600 يعني مش وقيع وبالنسبة للفتيس شوف فتيس الكورولا 2014 الي نازلة السعودية والخليج هتلاقيه اربع سرعات
الموضوع ان الموتور والفتيس مش مناسبين لحجم العربية انما مش حفريين ولا حاجة وهي طبعا نازلة برة بالموتور الاسكاي اكتف وفعلا بعض الجوائز لها دخل بالموتور وقوته واستهلاكه للبنزين وانظمة امان مرتبطة بيه لكن طبعا نسبة انضغاطه عالية جدا 1:13 ولكن بردة تصميم العربية وكماليتها كان من عوامل نجاحها
واعتقد ان سحب العربية دي يقارن بالاوكتافيا 1600 وكل واحد يحسب حسبته ويحدد اولوياته
اسباب اقتناء المازدا
مقصوره داخليه رائعه - متعه القياده و التحكم الرهيب
اسباب عدم الاقتتاء
عدم الانتشار - يعنى مثلا فى عربيات منتشره بغباء زى للكورولا
فى عربيات منتشره بس فى كل شارع زى السيفيك و فى عربيات مش موجوده خالص زى المازدا
قطع الغيار خارج التوكيل
سواء ان كانت تكنولوجيا قديمه او لا و لكن المحرك اداءه ضعيف و شبه الالمانى ال 1600مش هتعرف تجرى ولا معا الكورى و لا اليبانى
ايه رايكم فى bmw 316i 2007 ؟؟؟
شفتها من كام يوم . شكلها احلي كتير من الموديل القديم وواضح الاهتمام بالشكل قوي فيها سواء الداخلي او الخارجي و من قدام شكلها شبه الفولفو حبتين و النواكل لايقه عليها انما مع الاسف الحلو ما يكملش لان العربيه واطيه من قدام و موتورها ضعيف و كان لابد الاهتمام بالميكانيكا يعني بالموتور و الفتيس بأنهم يحطوا فيها حاجه أقوي و تكنولوجيا احدث لكنهم مع الاسف صلحوا الجاكيت فالبنطلون ضرب :dirol:
هو كلام حضرتك سليم ولكن الاوكتاوفيا الجديدة ال 1600 سس مش بطة خالص علشان دى بقيت 16 صباب عكس الفنتازيا كانت 8 صباب عندى سوال مش فاهم يعنى اية السنترا درجة تانية حاول توضحها وكلامك على التيوتا والسوبارو صح مية فى المية وخصوصا السوبارو وتوكيلها وحش جدا زائد شكلها مش قوى
بالنسبة للسنيترا لو دخلت على المواقع المتخصصة وشوفت الريفيوهات وتقييم العربية تلاقيها لا تتميز عن منافسيها غير في حجم الصالون لافي قوة الموتور ولا في توفير البنزين ولافي الفرامل يعني امكانيتها ضعيفة بالاضافة الى الخامات الرخيصة وسمعتها ان جودتها سيئة من واقع ناس ركبتها برة مصر وهي دي معلوماتي عنها...
انا شفت العربيه بليل على طريق السويس ومكانتش علقت نمر لسه شكلها تحفه ووهمى الله اكبر
بس التخلف انها تنزل بلسعر دا بلماتور القديم والفتيس القديم !
يعنى كمان المشكله مش مشكله ان الماتور هخلى العربيه بطيئة و سحبها بطىء
انما كمان هتبقى مش موفره فى البنزين ولا صوت الماتور هادى على السرعات بسبب الفتيس ال 4 سرعات
بيتهيألى مفيش عربيه نازله 2014 سرعات غير المازدا
كل العربيه يأما فتيس cvt زى الكرولا و الفلوانس او فتيس 5 سرعات زى السيفيك او فتيس 6 سرعات زى الالنترا و السيراتو و الاسترا او الاوكتافيا و 7 و 8 سرعات للمرسديس و ال bmw و الجيب
الشارك والكورولا الخليجي اربع سرعات
سيبك من سعر غبور خصوصا فى المازدا عنك سونستا او سمارت كار وسعرهم معقول
Mazda3 -s- 2015
------------------------
2 ايرباج - ABS - مفتاح ستارت - اشارات على المرايات - سنتر - باور - تكييف - زجاج كهرباء - مرايات كهرباء.
------------------------
ضمان 3 سنوات
------------------------
فقط : 168000 جنيه
سونستا موتورز لتجارة السيارات - Sonesta Motors
كنت قريت قبل كذا مرة ان المازدا الجديدة مش نازله ب esp ? صحيح الكلام دا ?
لو دا صحيح يبقى العربية ماتسواش ف نظرى 150 الف
خصوصا لو نازله بال powertrain القديم ,, اللى معروف عنه ان استهلاكه للبنزين عالى
كدا يبقى الصراحة خليها تصدى ,, و لا ترقى ابدا لمنافسه الاسترا و السيفيك و الكورولا
العربية فعلا تحفة وكفاية التقفيل والصناعة ياباني
لكن بالموتور والفتيس وعدم الانتشار مش هتنافس
غبور منزل 4 عربيات مازدا باسعار معتقدش انها حتنافس
Mazda 3 sedan
Core : 184,000
Highline: 217,000
Mazda 3 Hatchback
فئة واحدة هايلاين
220,000
Mazda 6
2000CC : 470,000
2500CC : 635,000
Mazda CX-9 ---- 3700CC
775,000
ليه محدش بيتكلم عن نوع العفشة..... وليه اللي بيتكلم عن السعر م يتكلمش عن الاوكتافيا الهاي لاين اللي ب ٢٧٠ الف حتي بعد م رجعت للموتور القديم.... والكورولا الهاي ب ٢١٧ برضه بس تركي
[b]مع احترامى لرأيكوا يا جماعه طبعا
العربية تحفة فنيه فى التصميم الخارجى و الداخلى خصوصا اللون الأبيض منها فاخمة جدا
بالنسبه للموتور انه ضعيف أنا متفق تماما . لكن العربية دى ممكن تكون للى مش من هواه الجرى و الشد و السحب يعنى تنفع للى بيسوق براحته
و كمان احنا عاملين نتكلم على الموتور و أساسا الطرق فى مصر كلها مكسره و لو على الطريق بيبقى زحمه يعنى مفيش فرصة انك تشد و تجرى حتى لو معاك عربية موتورها جامد اخرك هتمشى على 120 مثلا لو الطريق مفتوح شوية فى ظل ظروف الطرق الى فى مصر يعنى و فين و فين لما تفتح و لو مسافر الردارات مش هترحمك :)
ملخص كلامى ان حتى لو معاك موتور قوى مش هتعرف تستغلة فى مصر
المازدا بصراحة عربية جميييييلة جداااا فى كل حاجة رغم ان موتورها ضعيف بس هتبقى كويسة جدا فى طرق مصر
و فى الأخر ده رأيى الشخصى طبعا :)
والله انا عاوز اعرف حاجه لان انا بعشق المازدا عشق رهيب بس كل الناس مخوفاني من موضوع 105 حصان هو ده قليل فعلا ولا عادي انا مش هطير يعني في الطالعه بس بعد كده بتسحب ولا برده بطيئه والتوكيل ايه نظامه محترم ولا لا واسعار قطع الغيار عامله ايه والمازدا 3 2015 مفيش منها 1800 او 2000 في مصر ولا لا
ولو جبتها سعر اعاده البيع ايه نظامه انا كده كده مش هبيع بس لو ربنا اراد حاجه تانيه لو بعت هخسر اوي ولا خساره بسيطه قريبه من الكورولا
باختصار انا عامل دلوقتي 820 كم بالعربية وااقدر ااقول اني فعلا احسنت الاختيار بعد عمل تست دريف للكورولا والسنترا والفلوانس الجودة والسعر والمواصفات هنا مازدا تكسب وحكاية الموتور على فكرة استهلاك الموتور معايا 6.9 متوسط وبيقل مع مثبت السرعة مبيوصلش 6.4 لسرعة 95كم والتكييف تلاجة بمعنى الكلمة والعزل 10/10 والاوبشن والخامات 10/10 معلش انا مزودتش عن 100 عشان التليين سحب العربية ضعيف حبتين لحد سرعة 40 كم لاكن بعد كدة والله نفس سحب الجالنت 2000 سي سي اللي كانت معايا قبلها وفي رائي متفرقش عن مثيلاتها 1600 سي سي وفتيس اربع غيار زي الكورولا الخليجي والانسر شارك وكان في عضو بيقول صوت الموتور عالي الكلام دا مش صحيح الموتور لحد سرعة 100كم مش مسموع نهائي داخل الكبينة وطبعا شكل العربية برة وجوة تحفة ودي ازواق واي استفسار للي مقبل على شرائها تحت امركم
انا عندي ملحوظة من كلامكم و صلحولي لو غلطان
المازدا الهاي لاين نفس سعر الاوكتافيا a7 الفئة الثانية اللي عليها
حاليا over price 10000 LE...
الكلام علي الموتور Mazda 105 hp 1600 cc
A7 109 hp 1600 cc.. تقريبا نفس القوة
ولكن الMAZDA 3 تتفوق في كل حاجه(عفشه،تقفيل،كماليات،ش ل،ياباني)
ال a7 تتفوق في اعادة البيع فقط
اعتقد ان العربيتين من غير ESP
دا رأيى الشخصي طبعا الMAZDA 3 تكتسح
بالنسبة للوسع الخاص بالصالون القاعدة قدام مريحة جدا وواسعة من قدام من حيث المساحة ولو رجعت الكرسي للخلف على الاخر القاعدة ورا هاتكون اوسع من الانسر شارك واريح كمان دا لاني قارنت بين الاتنين وبخصوص الراحة للسائق ااعتقد القاعدة متوسطة لاني بقارنة بقعدتي في الميتسوبيشي جالانت كانت ااكبر وااريح وعزل العربية ممتاز لحد سرعة 100 بخصوص الشنطة باختصار بحر وسعها ممتاز يعيبها ممكن ان المدخل ضيق شوية لان العربية مرفوعة قوي من الخلف عشان تاخد الشكل الرياضي لكن كمساحة من الداخل ممتازة غير ان الكنبة الخلفية بتنطوي بالكامل فتبقى بحر
انا كنت فى غبور العبور يوم الخميس، الحجز ب 10 الاف، استلام بعد شهرين، بس اعتقد فى معارض فيها فورى زى بى اوتو و سمير ريان و السقا بس جايز الفئة الأولى فقط
احلى لون فى رأيى الأحمر ثم الفضى ثم الأزرق السماوى اليترولى
بصراحة العربية الهاى لاين تحفة فنية لا تقل عن الأودى فى جودة الخامات الداخلية ( الأودى احسن من ال بى ام فى رايى فى التقفيل الداخلى)
انا شفتها من جوة....بصراحة تحفة فنية....ايه الشياكة والنضافة والخامات العالية دي....عربية معمولة بمزاج
وهي غالية عشان كدة...من الآخر عربية مصروف عليها
ربنا يبارك للي اشتراها
ارتفاع العربية ايه يا جماعة ... وبتحك في المطبات ولا لا