الموضوع: فك بطانة الباب الجانبى

فكيت البطانة زى ما قولتم لى لقيت ماكينة السنتر راكبة فى مكان داخلى صعب الوصول إليه المهم رشيت عليها w40 من برة كدة لأن عشان تفك السنتر لازم تفك الجزء اللى بيمسك الباب بالداير المهم خدت الليلة وروحت لواحد بتاع إبواب فكها بمفتاح نجمة من الباب من الخارج وفك السلك الصلب وطلعها بالعافية وهى راكب فيها سلك الكهرباء
المهم شغل السنتر يا ريس لقيناه بايظ تسمع التكة من غير حركة خارجية ليه وعشان نفك السوكيت شغلانة ليها سقاطة من الجنب لازم تتشد الأول من النهاية البتاعة البايظة دى منظرها يوحى إنها لاتقل عن 300 جنيه قلت له خليها من غير سنتر واكشف على الباب التانى لقيناه مركبين فية سنتر مش بتاعها ومش شغال لغيناه من النهاية خد عشرين جنية السنت بقى فى البابين الأمامين ولا أنصح حد يمد إيدة فى ذلك الكان لأن اللألمان دماغات عالية بس على فكرة فك البطانة ما فيهاش مشكلة بالمرة المشكلة فى السنتر

المشاركة الأصلية كتبت بواسطة danash

فكيت البطانة زى ما قولتم لى لقيت ماكينة السنتر راكبة فى مكان داخلى صعب الوصول إليه المهم رشيت عليها w40 من برة كدة لأن عشان تفك السنتر لازم تفك الجزء اللى بيمسك الباب بالداير المهم خدت الليلة وروحت لواحد بتاع إبواب فكها بمفتاح نجمة من الباب من الخارج وفك السلك الصلب وطلعها بالعافية وهى راكب فيها سلك الكهرباء
المهم شغل السنتر يا ريس لقيناه بايظ تسمع التكة من غير حركة خارجية ليه وعشان نفك السوكيت شغلانة ليها سقاطة من الجنب لازم تتشد الأول من النهاية البتاعة البايظة دى منظرها يوحى إنها لاتقل عن 300 جنيه قلت له خليها من غير سنتر واكشف على الباب التانى لقيناه مركبين فية سنتر مش بتاعها ومش شغال لغيناه من النهاية خد عشرين جنية السنت بقى فى البابين الأمامين ولا أنصح حد يمد إيدة فى ذلك الكان لأن اللألمان دماغات عالية بس على فكرة فك البطانة ما فيهاش مشكلة بالمرة المشكلة فى السنتر

:D:D الموضوع دة حصل معايا قبل كدة بس فى الباب اللى قدام كان ساعات يشتغل عادى وساعات يعلق قلت انزل ادعبس واشوف اية اللى فية فكيت بطانة الباب وانا متوقع الاقى الكويل الجميل بتاع السنتر اللى كلنا عارفينة دة المهم شلت البطانة وفكيت طرف البلاستيك اللى ملزوق على الباب جوة وادور مش لاقى حاجة !! يمين شمال مش شايفة والاقى كائن غريب عجيب فى اخر الباب عند الكالون كنت فاكرة الكالون فى الاول واكتشفت بعد كدة من منظر التوصيلات اللى راكبة علية والسلوك انهم عاملين الكالون بالسنتر يونت واحدة والاكرة واللوك راكبين عليها بوصلات (اللوك بيتحك داخل سلك زى سلك الفرامل بتاع العجلة )
بعد عناء فكيتة وطلعتة برة ( كان كل حاجة جوة الباب اتفكت باستثناء الزجاج "فى حتة من مجرى الزجاج اتفكت" ) كان حاجة غريبة كبير قد كف اليد وطالع منة دراعات واماكن التوصيلات بتاعة اللوك والاكرة والفيشة بتاعة الكهربا

حاولت افكة اعرف اية اللى جوة معرفتش بس تصورى لية انة موتور كهربا وعن طريق تروس راكبة علية يفتح ويقفل .. المهم من حركة الدراعات حسيتة تقيل شوية فجربتة وهو مفكوك كان فية دراع مش بياخد مشوارة للاخر روحت مطلع ال wd-40 وتعاملت
غرقتة من جوة wd-40 وجربت لقيتة اشتغل تماااااام اوى نركب بقى ..
الفك كوم والتركيب كوووم تانى .. مقرف فعلا علشان تقدر تركب الوصلات علية وتشتغل كويس وتركبة مكانة بس بعد عناء ركبتة واشتغل ومن بعدها قررت انى مفكش بطانة الباب تانى :D
ومحاولتش اسأل عن سعرة :)


مادام بتقول بيعلق ساعات يبقىمعنى كدة انة سليم بس ممكن يكون محتاج يتنضف كنت بعد مافكيتة عملتة بال wd-40 وجربت
فى ناس لما بيموت خالص بيركبو سنتر عادى (كويل) على اللوك .. واللوك بيبقى واصل للكالون فلما بيتحرك بيوصل لية يفتح ويقفل

خد بالك انا بنكلم على الباب الخلفى يعنى عشان أفكه تانى يبقى درب من الخيال
الخلاصة بعد ما بقى يدوي ما فيش مشاكل الباب الخلفى من الجهة الأخرى كان متركب فيه حاجة بلدة وكل شوية تسمعله زنة من غير ما يشتغل وفصلته
الأدمانيين كويسين وشغالين لو تحب نقلب الموضوع غيرت مية العربية كان فيها مية حنفية وعليها العلبة الخضرة ebro لما كنت بفتح الأربة بيكون فيها ضغط تقريبا بسبب تبخر المية لما غيرتها بمية أسبانى ب29جنية الحرارة ما بتعلاش على طول ولايوجد ضغط فى الأربة بصراحة فكرة لابد مية خضرة فى الموتور وكان الميكانيكى عايز يغير لى الترموستات بواحد إيطالى بتاع الفيات بيشغل عند 85درجة مردتش وقلت له لو الألمان عايزين يعملوا كدة كانوا عملوها ولك جزيل الشكر على الإهتمام

المشاركة الأصلية كتبت بواسطة danash

خد بالك انا بنكلم على الباب الخلفى يعنى عشان أفكه تانى يبقى درب من الخيال
الخلاصة بعد ما بقى يدوي ما فيش مشاكل الباب الخلفى من الجهة الأخرى كان متركب فيه حاجة بلدة وكل شوية تسمعله زنة من غير ما يشتغل وفصلته

لو مش عايز تشترى السنتر الاصلى بتاع العربية اشترى مكنتين سنتر عاديين وركبهم على السلك بتاع اللوك ووصل السلوك فى السوكيت اللى عندك جوة الباب شوف انهى سلكتين بتوع السنتر الاصلى ووصل عليهم السنتر الجديد .. العربية من غير سنتر خنقة

انا ريحت دماغى بجيب مية مقطرة وعلبة اثيلين جليكول (المادة الخضرا ) وبعمل انا المية الخضرا وبزود مية مقطرة
دواير المية المغلقة بتبقى مضغوطة يعنى العربية لو سخنة وفتحت القربة لازم يبقى فية ضغط , ميزة المية الخضرا انها بتغلى عند درجة حرارة اعلى من المية العادية , المية العادية بتاعة الحنفية بتغلى عند 100 درجة مئوية وبالتالى هيبقى الضغط اقل نتيجة لأن نسبة التبخر هتبقى اقل .. عند 100 المية هتتحول بخار وحجم البخار اكبر من السائل (المية ) وبالتالى هيبقى الضغط جوة اقل وهتحافظ على الخراطيم وقربة المية
وسيبك من كلام الميكانيكى

انا كنت متابع علشان اعرف نتيجة فك السنتر . الحمد لله انه اتفك

أحلى تعليق قرأتة لغاية دلوقت يا أستاذ وليد هى دى الدماغ العالية

بصراحة ياهندسة اليومين دول مش بتوع صرف فلوس أجيب السنتر والحاجات بتاعتة بعدين الفايدة فى المشوار دة إنى عرفت أفكه