مثبت السرعة فى الميجان مش شغال

**medo_molto** · 09-08-2014 04:39 PM

محتاج يا وحوش حد اروح لة يظبط لى مثبت السرعة عشان مش شغال عندى لا هو ولا محدد السرعة مع انى لما بشغلة المبة الخضرا والبرتقالى بينورو وبيتكبو على الشاشة بس بدوس على + و - مفيش اى حاجة بتحصل وشكيت فى الاير باج ن كشفت كشف كمبيوتر شامل قالى تمام كل حاجة وقالى الزراير نفسها الى فى الطارة الى هى الكروس (+ و - و O و R ) مش شغالين وعاوزين يتغيرو بس مش مقتنع بصراحة فياريت لو حد اتعامل مع حد بيفهم فى الموضوع دا يدلنى علية اروح لة

**medo_molto** · 10-08-2014 04:58 PM

**msamirahmed87** · 10-08-2014 06:39 PM

اكشف في التوكيل وهو هيشخصلك العطل فين 50 جم

**Hany Saad** · 10-08-2014 08:37 PM

كويل الايرباج مقطوع......موجود تحت الطارة و بيعمل صوت حكه مع دوران طارة الدريكسيون
المفروض تلاقى لمبة ايرباج برتقالى منورة فى الطابلوه أو يكون حد فاصل الكابل بتاعه من جوه علشان تحذير الأيرباج ميظهرش
لازم تغيره علشان تشتغل الأيرباج الأمامية و معاها مثبت و محدد السرعة....متلعبش فى الزراير لأن مفهاش أى مشكلة

تحياتى

**تامر.محمد** · 11-08-2014 10:47 AM

انا كان عندي زرار تقليل السرعة بتاع المثبت مش شغال برده , بس انا كنت مطنش يعني
غالبا الزرار نفسه فعلا بيعوز يتنضف او يتغير

**midaoo** · 12-08-2014 12:45 AM

بص المشكله ديه مشكلة كويل ايرباج مفهاش كلام والزراير سليمة واما بتشغل مثبت السرعة ومحدد السرعة بتنور برتقالي او اخضر لأنو فعلا كا كهرباء شغال وكلو تمام بس كويل الاير باج هوا اللي فيه مشكلة وهحكيلك قصتي معاه
أولا مش لازم ينورلك علامة الأير باج انا الموضوع حصل معايا بالتاتالي اول حاجه يكون + شغال و - لأ
وبعد كده المثبت والمحدد مشتغلوش خالص
وبعدها بحوالي نص سنة زهرتلي مسج check air bag واللمبة بتاعت الأيرباج نورت
وأخير مرحلة ولسة موصلتلهاش ممكن الكلاكس يقوف
كويل الأير باج ده مسئول عن الكلاكس والأيرباج ومثبت السرعة في عجلة القياده
ولو عاوز تتأكد من كلامي روح بس التوكيل احكيلهم مشكلتك هتلاقي الي بيستلم الشكاوي حتي موصلكش للمهندس وهيقولك مشكلة كويل اير باج
اسعاره.
في التوكيل 1900 جنيه طبعا سعر غبي جدا ويعجز
سألت هنا أبل كده وردود جاتلي عن احسن واحد في القاهرة بيجيبو استراد خارجي بي 800 جنيه اسمو صقر قريش
انا من الاسكندرية انشاء الله هروح اعملو عند صقر قريش في أٌرب فرصة لأني مبثقش في حد هنا في الأسكندرية عن تجربة ألا في التوكيل نفسو وأسعاره غالية جدا ومع العلم ان حتي التوكيل انا من رأي كاكفأه
80%
أسف علي الأطاله :) .....

**تامر.محمد** · 12-08-2014 08:29 AM

صقر قريش مربع في المعادي فيه صنايعية رينو , و فعلا موجود هناك بالسعر اللي بتقول عليه

انا حاليا عمال ادور على طريقة لعلي اوصل بيها لحل ارخص من كده

**تامر.محمد** · 17-08-2014 10:21 AM

اضافة
هو الواضح ان شريط الايرباج كل سلك فيه مسئول عن حاجة
عندي زرار ال(-) فصل الاول , و قلت الزرار فيه مشكلة
بعد كده لمبة الايرباج نورت , ساعتها فهمت ان فيه حاجة , مع ان زرار ال(+) كان شغال
بعد كده قطع كله بقى

فالواضح ان سلكة ال(-) اتقطعت الاول , بعد كده السلكة المسئولة عن التحقق من الايرباج , و بعد كده سلكة ال(+)