الموضوع: كاتينة الميجان

ازاى انت اللى تغيرها ولا تغيرها عند مين ؟

لو ازاى انت اللى تغيرها يبقى الموتور هيخرب !!
لان الكاتينة دى بتوصل مجموجة من التروس مع بعض
والتروس دى متصلة باجزاء بتعمل بالتزامن مع بعض
وليها ظبطة
يعنى مش زى سير التكييف او الدينامو او الباور اى حاجة واى وضع
لازم وانت بتركب الكاتينة يكون لكل ترس وضع معين خاص بيه

الخسائر المحتملة فى حالة عدم ضبط التروس عند تركيب الكاتينة
اولا العربية مش هتدور ابداً
الموتور هيضرب مدافع
كسر احد البساتم او اكثر
تدمير صمامات الحر والعادم (الصبابات) فى المحرك
ولتلافى الخسائر هتتكلف من 2000 الى 4000 جنيه
هات السير والشداد بتاعه معاه
وروح غيرها ب 200 ج عند عادل فى صقر قريش المعادى احسن !!
تقبل مرورى