مشكلة فى الفتيس اول مره تحصلى

**sniperwolf** · 18-08-2014 07:47 AM

المشاركة الأصلية كتبت بواسطة moustafa kasem

سنبرى ولف يا باشا بجد فعلا انا كنت حبيع العربية ديه بسببكوا حصلحها واخليها على مساعدتكوا ديه واهتمامكوا بالنسبة للكود ده حسالك عليه المهندس واقولهولك بالظبط بالنسبة لموضوع تغير الزيت وانى انزله تانى واحط زيت تانى انا فعلا عايز اجرب كده بس المشكله انى معنديش وقت ومحتاج العربية ضرورى الفترة الجاية بس انا ححاول اعمل الموضوع ده يوم الجمعة ان شاء الله ويارب يبقا خير

ان شاء الله ياباشا تبقى حاجة بسيطة بس اهم غير الزيت وشوف ...وزى ما قولتلك لو العمرة بسيطة اتكل على الله واعمل لقيتة دخل فى كلاتشات وكدة يبقى خط احمر وارمى الفتيس وهات واحد استيراد لانها فاشلة بكل المقاييس وهتدفع قد واحد استيراد + العطلة ووقفة العربية وهيرجع تانى فى الاخر بعد فترة ابيض ياورد ولا اكنك عملت حاجة

**sniperwolf** · 18-08-2014 07:47 AM

المشاركة الأصلية كتبت بواسطة amr elsisi

في واحد متخصص فتيس اوتو في صقر قريش
بجوار توكيل تويوتا تقريبا اسمة اسلام
لو حتروح اجبلك عنوانة بالظبط
روح عندة وشوف كمية العربيات الموجودة عندة وموديلات عالية
وبعدية بشوية محلين قطع غيار استيراد اوبل

حضرتك ياباشا جربت تعمل عمرة فتيس قبل كدة وياريت لو جربت تقول كان اية السبب .... وهل اسلام بتاع تعمير الفتيسات دى بيدى ضمان على القطع الى بيركبها ؟

**moustafa kasem** · 18-08-2014 08:32 AM

هو انا استقرت يارجاله على انى حركب واحد استراد وحاخد القديم بقا اخليه معايا اشوف بقا ليه تصليح اخليه قطع غيار ابيعه على حسب ايه الحيكون فيه لان الانا حعمل عنده الموضوع ده قلى انا مبصلحش فتسات ومنصحكش بكده لان محدش بيرجعهولك كما يجب وانت مش حمل تعب الفتيس انه يقرفك تانى فانا عايز اعرف انا ممكن اوديه لحد يعرف ايه الفيه ولو يتصلح يعمله واخليه او ابيعه ارجوا سماع ارئكوا فى حاجه زى ديه

**moustafa kasem** · 20-08-2014 02:04 PM

استفسار يا شباب انا حستلم العربية انهردا ان شاء الله بعد تركيب الفتيس الجديد اعرف منين ان ادائه كويس وانه تمام من الاخر اختبره ازاى عشان اعرف انه تمام