مشكلة فى الفتيس اول مره تحصلى

**moustafa kasem** · 10-08-2014 01:05 AM

انا معايا فيكترا 2002 ال2000cc الايكوتك اوتومتك فجاء لقيت الفتيس نقلته مش مظبوته وبيخلى زى العربيه تنتش والاغرب جيت ركنت بجيب r لائت كانى جيبها على n مفيش اى رد فعل قفلت العربيه وشغاتها تانى الفتيس جاب rعادى جدا وركنت الفكره انى قلقان جدا لان الموضوع ده اتكرر مرتن وفعلا انا معنديش استعداد اغير فتيس ارجوا المساعده لانى فعلا قلقان وخايف جدا

**sniperwolf** · 10-08-2014 02:21 AM

العربية معاك اية اخبارها فى الطلعة والمشى ؟

**john55** · 10-08-2014 02:24 AM

شوف حضرتك انت غيرت الزيت اخر مره امتي

**ayman hamdy** · 10-08-2014 04:50 AM

دى اعراض نقص زيت الفتيس
يا اما تزوده يا اما تغيره
تحياتى

**Hesham.H** · 10-08-2014 11:15 AM

المشاركة الأصلية كتبت بواسطة moustafa kasem

بشكركوا يا بشوات على مشركتكوا بس انا عمرى مغيرت زيت الفتيس والعربيه عمله 180 الف كيلو بس مرتين زودته قبل كده
انا بس عايز استشارتكم فى حاجه انا لما حصل معايا كده روحت اقرب بنزينه الراجل كشف على الزيت قلى مش ناقص قلى بس الزيت مرمل مليان براده فقلى غير فلتر و زيت فتيس الفكره اعمل الموضوع ده فين وبتاخد كام كيلو زيت هى والنوع الكويس الاستخدمه

ازاى يا راجل يا طيب ١٨٠ الف كيلو ماغيرتش فيهم زيت فتيس خالص ؟!!! الزيت ده بيتغير كل ٦٠ الف بالكتير ... روح عند ميكانيكى كويس وخليه يفضى الزيت ... هاتحط ٣ لتر ونص موبيل atf320 سعر اللتر ٥٥ جنيه
وربنا معاك

**moustafa kasem** · 10-08-2014 12:12 PM

هشام باشا بشكرا على معلومتك بس انا الميكانيكا الكنت بتعامل معاه كان بيقولى ده بيتزود مش بيتغير فا كنت ماشى بنصحته يلا قدر الله ما شاء فعل بالنسبة لمعلومة تغير الفلتر بتاع الفتيس ده ضرورى ولا مش ضرورى وهل هو متوافر ولا تغير الزيت يكفى واعمل الخدمة ديه فين

**Hesham.H** · 10-08-2014 02:47 PM

المشاركة الأصلية كتبت بواسطة moustafa kasem

هشام باشا بشكرا على معلومتك بس انا الميكانيكا الكنت بتعامل معاه كان بيقولى ده بيتزود مش بيتغير فا كنت ماشى بنصحته يلا قدر الله ما شاء فعل بالنسبة لمعلومة تغير الفلتر بتاع الفتيس ده ضرورى ولا مش ضرورى وهل هو متوافر ولا تغير الزيت يكفى واعمل الخدمة ديه فين

لا شكر على واجب يا مصطفى
عندك فى الفيكترا مافيش فلتر .. فى مصفاه قبل البادى فالف بتحل محل الفلتر ... اما بتفكها هاتشوف حالتها عاوزه تتنضف بس ولا تغيرها والافضل فى حالتك تتغير طبعا ويارب تلاقى منها حاجه نضيفه
تعملها فين بقى الزملاء الأعزاء اللى من منطقتك يقدروا يفيدوا اكتر منى
تحياتى

**moustafa kasem** · 11-08-2014 12:36 AM

يا هشام باشا بجد مش عارف اقولك ايه بس انا كنت بكلم ناس اعرفهم فى التوكيل بتاع الديب ده توكيل فى المعادى معتمد من منصور قلولى ده كده العربية احتمال كبير تكون جابت فتيس وقلقونى انا حتى خايف اودهلهوم من الكلام القلهولى وخايف اتحرك بيها اصلا

**sniperwolf** · 11-08-2014 04:37 AM

المشاركة الأصلية كتبت بواسطة ayman hamdy

دى اعراض نقص زيت الفتيس
يا اما تزوده يا اما تغيره
تحياتى

هوة طلما كدة يبقى الاحسن ينزل زيت الفتيس و يعملة حمام زيت علشان ماشى علية بزيادة اوى اوى يعنى ( الكلام دة فى حالة واحدة لو فتح كرتيرة الفتيس ولقى الدنيا متبهدلة شوية ملقاش يبقى يحط الجديد وخلاص) اية رائيك يا ايمن باشا ؟