الموضوع: مشكلة امبير الحراره افيو2006 كوري

معايا عربيه افيو 2006 كوري اشتريتها مستعمله بس للاسف مكنتش مؤهل او عندي خبره كفايه اني اشتري عربيه المهم لقيت فيها شوية مشاكل اتحلت كلها وبقيت زي الفل والعربيه جميله والله بس في مشكله واحده مش لاقيلها حل انا مرحتش التوكيل بيها بصراحه لانه غالي طبعا المهم المشكله هي

ان امبير الحراره نازل تحت ومش بيرفع خالص غيرت بسببه العدادات بالكامل ولسه نفس المشكله وسالت ف الحرفيين مكان قطع غيار قالي ملهاشش صوبع حراره وفعلا كل ما اروح لاي كهربائي يقولي انا اول مره مقدرشي اوصل لصوبع الحراره ومش لاقيله حل ومش عارف هو فيها فعلا ولا لا


كمان قطع غيارها مش بعرف اجيبها منين بالظبط يعني مرايات فوانيس اريال وخلافه

انا معايا افيو 2006 شاريها من سنة ونص بجيب حاجتها من التوفيقية عند البنا او عزيز سليمان
او جسر السويس عند الشرقاوى
وبعمل الصيانة بعد ما خرجتها من التوكيل عند مركز سبيد سيرفس المهندس هانى ميشيل راجل محترم جدا ومعروف في المنتدى
انا شايف انك من المنيا ممكن تسال المهندس هانى على الموضوع بتاعة وهو هيرد عليك وكمان ممكن تكلمة على المحمول وقولة نفس عربية جاد الكريم السماوى اللى لسة عامل الصيانة عندك وربنا يوفقك وتحل المشكلة
ودة رابط الموضوع
http://www.nilemotors.net/Nile/28764...r-enghany.html