ما فائدة كابل البك

**abdelmessih67** · 18-08-2014 09:42 PM

الاخوة الافاضل العربية بتاعتي تمبرا مو 98 و من يومين كانت بتقطع بنزين و تفصل على السلانسيه و بقيت اطفي و ادور فيها كل شوية لحد ما رحت للميكانيكي لما فك الكاربيراتير لقى السلك الموصل ببك الكاربيراتير فاصل , دلوقتي انا لي سؤال : العربية كاربيراتير يعني حسب معلوماتي البيكاهات بتاعت الكاربيراتير مش محتاجة توصيلة كهربائية طب ايه فائدة السلك الموصل للبيك ؟؟؟؟ و ليه لما السلك الكهربائي اتقطع البنزين فصل عن الكاربيراتير رغم انها مش انجكشن ؟؟؟؟

شكرا لتعبكم

**ayam7** · 19-08-2014 12:28 AM

بك السلانسية عندك كهرباء مع اول تكة كونتاك بيفتح مجرى دائرة البنزين
و هو عبارة عن ملف كهرباء وجواه صابع حديد لما يوصل للملف كهرباء بيجذب الصابع ويفتح البنزين للكربراتير كدفعة تحضير لتسهيل الدوارة ويستمر مفتوح للحفاظ طول ما الكونتاك مفتوح على السلانسية

**aliyehia** · 20-08-2014 02:04 AM

على فكره فيه ناس بتلغيه و يبقى بك سلانسيه عادى

**gadoo30** · 20-08-2014 09:43 PM

ما كتبة الأعضاء صحيح كانت عندى دوجان موتور تمبرا راكب بالعرض والبيك كان كهربا ودة بيوفر البنزين ومش بيتسد بسهولة وكنت بستعمل بنزين 80 وزى الفل لمدة 4 سنوات
لو غيرتة هاتة كهرباء وعلى فكرة فية ناس بتقص منة حته وتقلبة عادة بس المشكلة اللى عندك اتحلت لما وصلت السلك ولا لاء لانها حصلت عندى مرة وطلع العيب مش من البك ولكن بنزين مغشوش بعد ما لفيت حوالين نفسى

**abdelmessih67** · 21-08-2014 10:01 AM

المشاركة الأصلية كتبت بواسطة ayam7

بك السلانسية عندك كهرباء مع اول تكة كونتاك بيفتح مجرى دائرة البنزين
و هو عبارة عن ملف كهرباء وجواه صابع حديد لما يوصل للملف كهرباء بيجذب الصابع ويفتح البنزين للكربراتير كدفعة تحضير لتسهيل الدوارة ويستمر مفتوح للحفاظ طول ما الكونتاك مفتوح على السلانسية

أهلا بالاخ ايمن و اشكرك على المشاركة و المعلومات المفيدة , الحقيقة كلامك اثار عندي العديد من التساؤلات هل معنى كلامك ان ساعة التدوير في الصباح الباكر مش محتاج اني ادوس بنزين لاني لما بأخرج بالعربية لازم اقعد اكارك دواسة البنزين مع الكونتكت علشان تدور ؟؟؟؟؟

**abdelmessih67** · 21-08-2014 10:09 AM

المشاركة الأصلية كتبت بواسطة gadoo30

ما كتبة الأعضاء صحيح كانت عندى دوجان موتور تمبرا راكب بالعرض والبيك كان كهربا ودة بيوفر البنزين ومش بيتسد بسهولة وكنت بستعمل بنزين 80 وزى الفل لمدة 4 سنوات
لو غيرتة هاتة كهرباء وعلى فكرة فية ناس بتقص منة حته وتقلبة عادة بس المشكلة اللى عندك اتحلت لما وصلت السلك ولا لاء لانها حصلت عندى مرة وطلع العيب مش من البك ولكن بنزين مغشوش بعد ما لفيت حوالين نفسى

أول ما وصلنا سلك الكهرباء اشتغل البك عادي و بطلعت تقطع بنزين بس أنا عايز اعرف ايه فوائد البك الكهرباء تاني ؟؟؟؟ و ليه الناس بتقلبه عادة زي العربيات القديمة ؟؟؟؟؟