انا لاحظت في القاهره ان الباسات منتشرة اكتر من a7
عرض للطباعة
محدش يقدر يديلك احصاء رسمى لإنتشار عربيه قصاد عربيه تانيه غير واحد عنده ارقام بيع من التوكيلين
بس اللى انا شايفه حواليا فولكس جزء كبير من مبيعاتها معتمد على شريحة الشركات ال ميدل executives بياخدوا جيتا والاعلى بياخدوا باسات
الاوكتافيا ال A7 tsi اللى موجوده فى السوق بواقى او خليجى لكن الوكيل خلاص خلاها الموتور والفتيس القديم 1.6mpi انا لسه سائل عليها فى الوكيل 190الف و 220الف فئتين بس
ودى ببساطه حركه بيع من سكودا عشان يتجنب سمعة ال DSG اعتمد عالوصفه اللى شغاله وكررها فى شكل عربيه جديده لكن بقلب قديم
الناحيه التانيه الفولكس ال TSI بالنسبالها concept بتحاول تزرعه من 4 سنين فى مصر ومش هتتنازل عنه
انا رأيي تسأل مهندس فى التوكيل او عضو معاه فولكس 2013 هل زيت الفتيس ال DSG اتغير من تخليقى لمعدنى ولا لا؟
لإن حسب المقال ده Volkswagen Recalling 1.6 Million Cars Globally to Fix DSG Gearboxes - autoevolution
دا كان السبب الاساسى فى مشاكل وحدة الميكاترونيكس بتاعة الDSG ودى كانت اكبر مشكله
اما موضوع الكلتشات "طقم دبرياج" فا دا امر واقع بسبب تصميم الفتيس وحسب نوعية السواقه فى ناس بتغيرهم على 35الف كيلو وفى ناس غيرتهم على 60الف
الكلام النظرى بيقول لما تقف فتره طويله حط الفتيس عال N ولو ماشى فى زحمه غير بالمانيوال عشان تحمى الكلتشات من النقل الكتير فى زمن قصير
وفى انتظار رأى الخبراء =D