-بسم الله الرحمن الرحيم.
-أنا بفكر أجيب ال 301 ... المرة دي بأختار عربية ثباتها محترم بعد ما ثبات الكوري صدمني و كرهني في العربيات
-بدون مبالغة ال 301 ثباتها عامل ازاي غرز و مطبات هواء جامدة على 140 كم-س (خصوصا مطبات الهواء )
شكرا مقدما.
عرض للطباعة
-بسم الله الرحمن الرحيم.
-أنا بفكر أجيب ال 301 ... المرة دي بأختار عربية ثباتها محترم بعد ما ثبات الكوري صدمني و كرهني في العربيات
-بدون مبالغة ال 301 ثباتها عامل ازاي غرز و مطبات هواء جامدة على 140 كم-س (خصوصا مطبات الهواء )
شكرا مقدما.
لو انت مجربتش غير rb يبقى ليك حق تقول كده
انما فى عربيات كورى اثبت من 301
لو بتدور على ثبات فائق يبقي زود وهات الكروز
افتكر مره انا وابن خالتي اتحركنا بالعربيات بالليل من المنيا للقاهره علي طريق الجيش . . . هو معاه 301 طول الطريق انا و هو نشد من 160 ل 180 بس دا طريق تحفه مفهوش مطبات هوا بس قضناها غرز واسعه وضيقه ما بين مقطورات النقل الجميله . . . بس كان الثبات بالنسباله مرضي . . . دا رأيه هو مش أنا بس اعتقد لو حس الثبات وحش مكانش مشي علي السرعات دي وطاوعني ههههه
-والله حضرتك حضرتك كان معانا أوبل كورسا A لو تسمع عنها عربية قديمة ثباتها في مطبات الهواء أجدع من ال Elantra نفسها :D
-على العموم في رينج 135 ألف زيرو مفيش أحسن من 301....أكيد مش هجيب ريو أخت RB
-جين 2 مش داخلة دماغي خالص كمان دي بضمان عز-العرب :d
اوبترا
ثباتها احسن من 301
Sent from my SM-N900 using Forum Runner
انا سافرت بيها اليوم دمياط و انا راجع قرصت شويه
مشيت فتره علي 180 كم/س (الطريق سئ و مش مساعد اصلا)
العربيه فيه فردين غيري
الثبات انا شايفه معقول
الثبات ليه عربياته
لو هتحتفظ بال rb يبقى ماتجبش 301 ,,, مش هتحس انك عملت حاجة
السعر دا مش هيحيب عربية زيرو ثباتها ممتاز و ان كنت بحب ثبات ال gen 2
لكن يجيب مستعمل حالته نضيفة ,, سيفيك او سوبارو او فوكس و دول مدرسة ف الثبات
و ممكن مازدا او شارك
و لو هترجع بالموديل ورا شوية ,, ممكن e46 و ممكن C موديل 2003
انا لو في القاهرة اليومين دول والله كنت قلتلك تعالى جرب عربيتى
بصراحة سيبك من كلام الناس التجربة خير برهان ، حاول تجرب بنفسك فعلا
هو انت هتحس بفرق حلو عن الار بي بس متفكرش نفسك هتركب اوكتافيا مثلا ، فاهمنى ؟ بردو عربية ليها حدود
الاوبترا ثباتها احسن ؟ معرفش ممكن وضع الزيرو في الاوبترا كويس ، بس الكوري مشكلته ان مش بيمسك نفسه كتير وخصوصا في العفشة ، انا بركب اوبترا بتاعت زميلى بحس انها مراجيح بالنسبة لعربيتى مع ان المفروض عفشته متظبطة ومش محتاجة حاجة ، وكذا مرة نروح لعفشجى يقول لنا العربية زي الفل
الـ 301 لما كنت بخلى الكاوتش على 32 زي الكتالوج ما بيقول كنت بحس التماسك ورا مش قد كدة يعنى لو مطب في ملف او عين قط ، تحس ان العجل ورا بيشفت او بيزحزح معاك سنة بسيطة ، بس برضه العربية ككل ماسكة نفسها ، لما خليته على 30 الموضوع ده اختفى تماما
الثبات له جزئين بالنسبة لى ، احساس ومواقف
الاحساس هتلاقيها كويسة لحد 140 وبعد كدة حسب جرأتك ...
المواقف .. كنت هعمل حادثة كبيرة وتفاديتها بحادثة اقل ودخلت في الرصيف ، العربية ما اتهزتش ووقفت في مكانها الحمد لله مع ان السرعة كانت عالية
الموقف التانى ، ماشى على طريق صحراوى وواحد طلعلى على رجله فجأة من ورا عربية وبيجري بدون ما يبص اصلا ، وانا ماشى اقل واجب 120 و قبلها كنت 140 ، كنت هشيله بجد لولا ستر ربنا ، كسرت الدركسيون شمال جامد ! ع السرعة دى .. والعربية نزلت في الرملة ، انا قلت خلاص انا ميت ميت النهاردة بس الحمد لله فضلت الم فيها واحدة واحدة وعدت على خير
انا واثق ان في الموقف الاخير ده في عربيات كتير لو كنت راكبها بدل الـ 301 كانت اتقلبت من غير كلام
-أنا عارف أن 301 ثبات احسن من rb و مش زي اكتافيا هو وسط بس هل الموضوع يستحق التغيير و لا الواحد يضحي و يجيب شارك اوتو فاضية
-نظرا للشوارع الوحشة اللي عندنا...هل العربية بتتأثر جامد بشكل الطريق يعني بتكلبش في اﻷرض في مطبات الهواء و التعاريج و لا بترتفع و بتتحرك المؤخرة خصوصا أن الواحد لو ركب كورسا 2014 أقل حاجة في ألماني هتلاقيها ماسكة في اﻷرض كويس مع مطبات الهواء.
-الصراحة ان خايف بيجو كصيانة تكرهني في عيشتي زي ثبات الكوري ما مكرهني في عيشتي ^_^
-متشكر جدا لذوقك ..هحاول أسوقها بنفسي
علشان محدش يخدعك يا أستاذ توتي الثبات الأحساس به نسبي و كل يوم بتقابلنا مواقف مستحيل تتكرر في اليوم اللي بعده بنفس التفاصيل
فمبنقدرش نحط عربيتين في نفس الموقف بحذافيره
الثبات ما بيتوصفش ... الثبات ما بيتحسش .... الثبات بيتشاف علي الأرض ... عايز تحدد ثبات عربية يبقي لازم تحدد لها أختبار ثبات تجتازه ,, أجتازت تبقي ثابتة ما أجتازتش تركن علي جنب
لكن كوني أوصفلك أحساسي بثبات أي عربية يبقي أنا ها أضللك ,,, لأن أحساس حضرتك بالثبات غير أحساسي غير أحساس حد ثالث
و دي أفتكر كانت نقطة جدال بيني و بين صديق عزيز حول ثبات عربيتة الجديدة أنا شايفها ثابتة و هو من بعد عربيتة الألماني مش عرف يركب عربية ... أنا كنت شايفها ثابتة علشان كنت أيامها بستخدم عربية كوري أقل منها في الثبات ... فهمت وجهة نظره من بعد ما سوقت حاجات ثباتها عالي و أنزل أركب عربيات الناس بتقول عليها ثابتة زي الفانتازيا ألاقي رعب بالنسبة للعربيه الأعلي ... لكن ترجع تركب الفانتازيا بعد عربية صغيره بتلاقي الدنيا جميلة و الثبات حلو
الخلاصة الـ301 عربية علي شاسية و نظام تعليق محترم أنا مسوقتهاش لكن ركبت الشاسيه ده في حاجتين فرنساوي الـc3 و الجميلة 207 مش هاقدر أقولك إن إحساسي بالثبات و التحكم و دقة التوجية كان أحسن من الإلنترا 2008 و الماتريكس و السيراتو 2010 بكتير
اللي هاتلاقيه في الـ301 فرامل أقوي و العربية أمان أعلي و خامات و أوبشن أفضل ... ركوبة مختلفة .. متعة سواقة أكثر ... متانة أكثر
لكن الكلام ده مش بفرق الـ180 درجة لكن نقدر نقول الفرق 80 درجة (و طبعاً ده كلام في صالح الـ301)
قطع الغيار هاتبقي أرخص من الrb .. الهيونداي بقي ولعة ... لكن هل إستهلاكية قطع الغيار هي أكثر و لا الـrb دي بقي تقدر تعرفها من مالكي العربيه لكن في المجمل البيجو بيعمر في قطع الغيار معاك عفشة مش هاتسمع منها صوت لـ150 ألف كم لو طريقك نضيف .. موتورها حلو و كان معايا في 307 أقتصادي جدا (مانيوال 110 حصان) ... زيت كل 10000 كم و فلتر و فلتر هوا كل 20 ألف و كاتينة علي 60 و سير خارجي ببلية و بوجيهات وشكرا ... التيول رمسا و فاليو و نفس مستوي اللي في التوكيل و أدائهم ممتاز
بالتوفيق
-متشكر جدا فعلا الثبات ده بيختلف نسبيا من شخص لآخر....
-أيه رأي حضﻻتك في شارك فاضية بس ثبات عالي
أنا مبحبش العربيات الفاضية يا تجيب العربية توب لاين يا بلاش
الشارك ممتازة و من العربيات المحترمة جدا ... لكن علي الأقل لازم يبقي معاك في العربية الجديدة abs+ebd و 2 إيرباج و جهاز إنذار (فابريكة) و إيموبلايزر ... هل ده موجود في الشارك الفئة الأولي ...مش هانتكلم في جنوط 16 و طنابير خلفية ديسكات و لا بلوتوث و لا كمبيوتر رحلات و أعطال و لا تكييف تاتش و مرايات طي كهربا ,... لكن الأساسيات
الشارك هاي لاين تمام بيز لاين فاضي تكيف و باور و زجاج كهربا مينفعش
-أنا اللي قافلني من الشارك مفيهاش Aux ^_^
فى رايي المتواضع
العربيه لازم تكون متوازنه بين الكماليات والاتزان وقوة الموتور
يعني مثلا ماتختارش عربيه لها مواصفات فى الموتور او الفتيس عالي جدا .... وفاضيه وضيقه من جوه !!
ولا عربيه واسعه ومليانه كماليات وزراير .......... وموتور ضايع وثبات بالعافيه !!
حاول توزن الامور خصوصا ان شوارع مصر ماتساعدش علي الجري الي فى الطرق الريعه ومش اي طريق سريع ومش فى اي وقت
فى امان الله
مساء الخير
صراحه موضوع الثبات نع 301 فيه مفارقه بتدخل نفس اي حد بيشوفها
شكلها الخارجي الكومباكت بيحسسك بالقلق وبالذات من خلفيتها
ولكن حقيقة نظام تعليقها ومع قيادتها بتحس بالعكس
انا مشيت بيها طريق الرياض مكه اربع مرات وطريق الرياض الخبر مرتين الاول اكتر من 900 كيلو وماليان مطبات هوا جوا الصحرا دا غير العواصف ال الرمليه اللي بتشوف الرمل بيجري ومغطي الطريق وصوت خبطه فجسم العربيه بتسمعه وكنت ماشي 170 و180 ومافيش اي احساس بالوضع دا غير ان العربيه بتحدف فاتجاه الهوا حاجه بسيطه بعدلها بالدريكسيون سنه عن وضع الوسط ووسط الرياح دي مع داخلة ممر تحت كوبري بحس بمطبات الهوا لمحه ومع تثبيت الدريكسيون العفشه تمتص الوضع وتكمل فنفس طريقك.
انت عارف ان الواحد ساعات يسرخ نع طرق طويله زي دي وعلي سرعات عاليه معديه 130 وافوق علي انحرافي عن الطريق بزياده وقتها الم الدريكسيون عكس بلاقي العفشه ردة معايا ونا برجع الدركسيون بهدوء والحمد لله مابتحتاجش اكتر من كدا فاللمه.
الفرامل جزء من الثبات وبصراحه فراملها قويه ما شاء الله والتحكم كامل موجود بتغير اتجهاتك بنفس الاتزان وانت بتفرمل.
حقيقي الرك علي العفشه والتعليق وماع البيجو بتحس باختلاف الاوربي عن الكوري وبقصد الصغير زيها مش الفئه الاعلي عن الكومباكت كار .
متفق معاك فى موضوع نسبيه الاحساس بالثبات و بأختلاف العربيه و المواقف :)
الى شايف ان الاكتافيا ثابته ... نصيحه منى انه يجرب على الاقل البى ام e46 بحاله و عفشه جيده ...
نفس الفارق الى بين الفيرنا و الاوكتافيا ...
و طبعا عن تجربه لانى من اوائل الممتلكين لاكتافيا a4 من ٩٨ قبل ال e46 مو ٢٠٠١ تجميع ابو الفتوح ...
تحياتى ...
شوف من الاخر ....لو عايز ثبات وجري بس بعيدا بقي عن شكل جديد وخلافه يبقي اوبترا قديم و جن تو .....لو عايز توليفه من شكل جميل و ثبات كويساو امان يبقي مفيش غير البيجو
نيجي بقي للثبات ....شوف ضهر العربيه الشنطه تحديدا ممكن تلعب بيك لو غرزت علي سرعه عاليه و كمان لو مشي جنبك لوري هتتضايق
انا معايا اوبترا و بيجو ......اوبترا ثباتها احسن فعلا ...لسه امبارح اخد غرزه عالميه والله علي طريق القري بعد هايسندا بكام كيلو اتجاه مارينا علي 150 كيلو و كانت اخطر غرزه اخدتها في حياتي ....علي فكره انا حتي الان بسافر السفريات الطويله ساحل او دمياط بالاوبترا بس
-المشكلة أنا سامع كلام من واحد معاه العربية بيقول على خنقة العربية مع التكييف و عند التهدئة بيحصل نزول للنقلات مع هبد أو نتش في الفتيس اﻷتوماتيك.
ثبات فى حدود سعر الـ 115 الف يبقى جين او بيرسونا